سابق امریکی سفیر اسرائیلی جاسوسی کمپنی کے سربراہ مقرر
اشاعت کی تاریخ: 10th, November 2025 GMT
فریڈمین جو ڈونلڈ ٹرمپ کی پہلی مدتِ صدارت میں اسرائیل میں امریکی سفیر تھے، اس وقت کمپنی کے بورڈ میں شامل ہوئے ہیں۔ اسلام ٹائمز۔ مقبوضہ فلسطینی علاقوں میں تعینات سابق امریکی سفیر کو اُس اسرائیلی کمپنی کا صدر مقرر کیا گیا ہے جو دنیا بھر میں موبائل فونز کی جاسوسی کے الزام میں بدنام ہے۔ خبر رساں ایجنسی تسنیم کے عبرانی شعبے کے مطابق اسرائیلی اخبار یدیعوت آحارونوت نے اطلاع دی ہے کہ بدنامِ زمانہ اسرائیلی کمپنی این ایس او گروپ، جو دنیا بھر میں اپنے جاسوسی سافٹ ویئر پیگاسس (Pegasus) کے باعث مشہور ہے، انہوں نے ڈیوڈ فریڈمین، سابق امریکی سفیر برائے تل ابیب، کو اپنے بورڈ آف ڈائریکٹرز کا سربراہ مقرر کیا ہے۔ اس عبرانی اخبار کے مطابق، فریڈمین جو ڈونلڈ ٹرمپ کی پہلی مدتِ صدارت میں اسرائیل میں امریکی سفیر تھے، اس وقت کمپنی کے بورڈ میں شامل ہوئے ہیں جب این ایس او گروپ امریکی سرمایہ کاروں کو اپنی طرف متوجہ کرنے کی کوشش کر رہی ہے۔ کمپنی کو امید ہے کہ اس قدم سے اس کا نام امریکی وزارتِ تجارت کی بلیک لسٹ سے خارج ہو جائے گا اور اسے دوبارہ امریکہ میں اپنی سرگرمیاں شروع کرنے کا موقع ملے گا۔ یاد رہے کہ ایم ایس او گروپ اُس وقت عالمی سطح پر بدنام ہوا جب انکشاف ہوا کہ اس کے تیار کردہ پیگاسس اسپائی ویئر کو دنیا کی متعدد معروف شخصیات کی جاسوسی کے لیے استعمال کیا گیا تھا۔
.
ذریعہ
ذریعہ: Islam Times
کلیدی لفظ: امریکی سفیر
پڑھیں:
کارگو طیارہ حادثے میں جاں بحق عملے کے اہل خانہ کو کمپنی مالکان سے عدم تعاون کی شکایت
نجی کارگو ایئرلائن کے ٹو ایئرویز کے حادثے میں جاں بحق عملے کے اہل خانہ حادثے کی وجوہات جاننے کے منتظر ہیں۔ انہوں نے نجی کارگو کمپنی کے مالکان کی جانب سے عدم تعاون کی شکایت بھی کی ہے، متاثرین کیلئے اب تک کسی معاوضہ کا اعلان بھی نہیں ہوا۔
7 جولائی کو شارجہ سے کراچی آنے والا نجی کارگو کمپنی کے ٹو ایئرویز کا بوئنگ 737 طیارہ بلوچستان کے ساحل سے آگے گہرے سمندر میں گر کر تباہ ہو گیا تھا۔ حادثے کے مقام سے طیارے کا کچھ ملبہ ضرور ملا ہے لیکن سمندر کی تہہ میں پہنچ جانے والے طیارے کے بلیک باکس، کاکپٹ اور عملے کا تاحال کوئی سراغ نہیں مل سکا۔ متاثرین کا مطالبہ ہے کہ اس کام کیلئے غیر ملکی ماہر کمپنیوں سے مدد لی جائے۔
نجی کارگو طیارے کا ملبا تفتیشی ٹیم کے سپرد، بلیک باکس، عملے کے 5 ارکان کی تلاش جاریترجمان پاکستان ایئرپورٹ اتھارٹی (پی اے اے) کے مطابق کارگو طیارے کے مزید ملبے اور عملےکی تلاش گہرے سمندر میں جاری ہے حادثے کے شکار طیارے کے مزید پرزے اور ملبہ سمندر سے برآمد کر لیا گیا۔
شہید کپٹن رضوان کے اہل خانہ نے عملے اور طیارے کے ملبے کی تلاش کیلئے پاکستان نیوی اور دیگر اداروں پر اعتماد کا اظہار کیا لیکن کارگو کمپنی کی شدید بے حسی کی شکایت کی اور مطالبہ کیا کہ کے ٹو ایئرویز کے بیرون ملک موجود مالکان کو واپس لا کر تحقیقات میں شامل کیا جائے۔
متاثرین کے مطابق کے ٹو ایئرویز کی انتظامیہ کی بے حسی کا اندازہ اس سے بھی لگایا جا سکتا ہے کہ ملازمین کو 3 ماہ سے تنخواہیں نہیں ملی تھیں۔ یہ تنخواہ اس المناک حادثہ کے بعد ادا کی گئی۔
ایوی ایشن ماہرین کے مطابق بوئنگ 737 کارگو طیارے کا حادثہ کیوں اور کیسے پیش آیا، یہ اہل خانہ کو بتانا اور حادثہ متاثرین کو معاوضے کی ادائیگی یقینی بنانا حکومت اور ریاست کی ذمہ داری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار