بھارت نے نیا محاز کھول دیا۔۔۔پاکستانی اداکاروں کی تصاویر ہٹانا شروع کردیں۔
اشاعت کی تاریخ: 13th, May 2025 GMT
بھارت میں پاکستانی فنکاروں کے خلاف اقدامات میں تیزی آ گئی ہے۔پہلے سوشل میڈیا پلیٹ فارمز پر پاکستانی اداکاروں کے اکانٹس تک رسائی محدود کی گئی اور اب مختلف بھارتی میوزک کمپنیوں نے فلمی البمز کے سرورق سے پاکستانی اداکاراں کی تصاویر بھی ہٹا دی ہیں۔یہ فیصلہ ایسے وقت میں سامنے آیا ہے جب پاکستانی فنکاروں نے حالیہ کشیدہ حالات کے دوران جنگ کی مخالفت اور امن کی حمایت کا پیغام دیا تھا۔ تاہم، بھارتی عوام کی ایک بڑی تعداد نے ان بیانات کو ناپسند کیا اور سوشل میڈیا پر نفرت آمیز تبصرے شروع کر دیے۔پاکستانی اداکارہ ماورا حسین اور بھارتی اداکار ہرش وردھن رانے کے درمیان لفظی جنگ اس وقت شدت اختیار کر گئی جب ہرش نے ایک متنازع بیان میں کہا کہ وہ اب ماورا کے ساتھ کام نہیں کرنا چاہتے۔ جوابا ماورا نے کہا کہ وہ حیران ہیں کہ کوئی شخص جنگ جیسے سنگین معاملے کو اپنی تشہیر کے لیے استعمال کر سکتا ہے۔میوزک پلیٹ فارمز جیسے اسپاٹیفائے، یوٹیوب اور یوٹیوب میوزک پر اب صنم تیری قسم کے البم کا نیا پوسٹر موجود ہے جس میں ماورا حسین کی جگہ صرف ہرش وردھن رانے کی تصویر شامل کی گئی ہے۔ اس سے قبل پوسٹر پر دونوں مرکزی اداکاروں کی تصاویر نمایاں تھیں۔فلم صنم تیری قسم کے پروڈیوسر دیپیک مکوت کا کہنا ہے کہ انہیں اس تبدیلی کے بارے میں کوئی اطلاع نہیں دی گئی۔ ان کے بقول، یہ فیصلہ کسی اور کا ہے، حکومت جو فیصلہ کرے، سب کو ماننا پڑتا ہے۔ماورا حسین کے علاوہ، فلم رئیس کے البم سے بھی ماہرہ خان کی تصویر کو ہٹا دیا گیا ہے، اور اب صرف شاہ رخ خان ہی نظر آ رہے ہیں۔ تاہم، فلم خوبصورت میں فواد خان اور سونم کپور کی مشترکہ تصویر تاحال برقرار ہے۔یہ اقدامات جہاں بھارتی عوام کے ایک طبقے کی حمایت حاصل کر رہے ہیں، وہیں عالمی سطح پر اور خاص طور پر پاکستانی سوشل میڈیا صارفین کی جانب سے سخت ردعمل سامنے آ رہا ہے۔ایک صارف نے طنزیہ انداز میں لکھا، پہلے پاکستان کو نقشے سے مٹانے کی بات کرتے تھے، اب فلموں سے ماورا کو ہٹا رہے ہیں۔ ایک اور نے کہا، ماورا اس اداکار سے کہیں بڑی اسٹار ہے، جسے کوئی جانتا بھی نہیں۔ ایک دلچسپ تبصرہ بھی سامنے آیا: چلو پوسٹر سے نکال دیا، فلم سے بھی نکال کر دکھا!یہ سب ایسے وقت میں ہو رہا ہے جب صنم تیری قسم 2 پر کام جاری ہے اور ماورا کی واپسی پر بھی گفتگو ہو رہی تھی۔ تاہم، موجودہ حالات میں ان کی شمولیت اب غیر یقینی ہو چکی ہے۔
.ذریعہ: Nawaiwaqt
پڑھیں:
’طلحہ انجم کو گرفتار کیا جائے‘ کانسرٹ کے دوران بھارتی پرچم لہرانے پر پاکستانی گلوکار تنقید کی زد میں
پاکستانی ریپرز طلحہٰ انجم اور طلحہٰ یونس نیپال میں ہونے والے اپنے حالیہ کنسرٹ کے بعد سوشل میڈیا پر شدید بحث کا مرکز بن گئے ہیں۔ سوشل میڈیا پر گردش کرتی ایک ویڈیو میں دیکھا جا سکتا ہے کہ کنسرٹ کے دوران طلحہٰ انجم بھارتی پرچم ہاتھ میں اٹھائے ہوئے ہیں جبکہ ان کے ساتھ اسٹیج پر موجود طلحہٰ یونس نے نیپالی پرچم تھام رکھا ہے۔
Talha Anjum, the famous Pakistani rapper from Karachi whose Spotify and YouTube are blocked in India, waves the Indian flag at his Nepal concert. pic.twitter.com/sJi6GEsu1b
— Murtaza Ali Shah (@MurtazaViews) November 16, 2025
ویڈیو سامنے آتے ہی متعدد سوشل میڈیا صارفین نے اس اقدام پر سخت ردِعمل کا اظہار کیا اور طلحہٰ انجم کو تنقید کا نشانہ بنایا۔ صارفین کا کہنا ہے کہ انڈیا کا کوئی بھی گلوکار ایسی حرکت کبھی نہیں کرے گا جیسی طلحہ انجم نے بھارتی پرچم لہرا کر کی ہے۔ جبکہ کئی صارفین کا کہنا تھا کہ گلوکار کے سوشل میڈیا چینلز انڈیا میں بند کر دیے ہیں اس لیے وہ ایسی حرکتیں کر رہے ہیں تاکہ ان کے چینلز کا ان بلاک کر دیا جائے۔
طلحہ انجم جو پاکستان کے مشہور ریپر گلوکار ہیں اور کراچی سے تعلق رکھتے ہیں اور جنکے گانے بھارت نے اسپاٹی فائی اور یوٹیوب پر اپنے ملک میں بلاک کر رکھے ہیں اسی طلحہ انجم نے نیپال کے اپنے کنسرٹ میں بھارتی پرچم لہرا دیا بولو ماشااللہ???? pic.twitter.com/aH5hGsuXgS
— Sadia Khalid (@SadiasOfficial) November 16, 2025
طلحہ انجم نے خود پر ہونے والی تنقید کے بعد ردعمل دیتے ہوئے کہا ہے کہ میرے دل میں نفرت کے لیے کوئی جگہ نہیں ہے۔ میرے آرٹ کی کوئی سرحدیں نہیں ہیں۔ اگر میرے بھارتی پرچم اٹھانے سے تنازع کھڑا ہوتا ہے، تو ہونے دو۔ میں یہ دوبارہ بھی کروں گا۔ مجھے میڈیا، جنگ کو ہوا دینے والی حکومتوں اور ان کی پروپیگنڈا پالیسیوں کی کبھی پروا نہیں رہی۔ اُردو ریپ سرحدوں میں قید تھا نہ ہے اور نہ کبھی ہوگا۔
My heart has no place for hate. My art has no borders. If me raising an Indian flag sparks controversy so be it. I’ll do it again.. will never care about the media, the war mongering governments and their propagandas. Urdu Rap is and will always be borderless.. ???????? ???????? ????????
— Talha Anjum (@talhahanjum) November 16, 2025
ایک سوشل میڈیا صارف نےطلحہ انجم کی وضاحت پر انہیں آڑے ہاتھوں لیتے ہوئے کہا کہ آرٹ کی کوئی سرحد نہیں ہوتی، لیکن اپنے ملک سے وفاداری کی بھی ایک حد ہوتی ہے۔ پاکستان کا نام ساتھ لیے کسی دوسرے ملک کا پرچم لہرانا ’امن‘ نہیں بلکہ بے حسی ہے۔ اتحاد کو فروغ دیں، مگر اپنی جڑیں مت بھولیں۔
Art may be borderless, but loyalty to your country isn’t. Raising another nation’s flag while carrying Pakistan’s name isn’t ‘peace’, it’s insensitivity. Promote unity, but don’t forget your own roots.
— Mairy Rajput (@mairyrajput) November 16, 2025
ایک صارف کا کہنا تھا کہ ڈکی بھائی کو ریلیز کر کے طلحہ انجم کو قید کر دیا جائے۔
Ducky ko release kar ka isay andar kar do bahi @OfficialDGISPR https://t.co/dve4G1POCY
— Hamza Farooq (@hamz4545) November 17, 2025
کئی صارفین کا کہنا تھا کہ یہ مشہور ہونے کے لیے کچھ بھی کریں گے جبکہ چند صارفین نے مطالبہ کیا کہ اس حرکت کے بعد طلحہ انجم کا بائیکاٹ کر دیا جائے اور کئی صارفین نے کہا کہ انہیں وطن واپسی پر گرفتار کر لیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی پرچم طلحہ انجم طلحہ یونس نیپال کنسرٹ
قومی اسمبلی میں 27 ویں آئینی ترمیم کی تمام 59 شقیں شق وار منظور