ایک پیسے میں دو ٹینک کا دور
اشاعت کی تاریخ: 14th, May 2025 GMT
ستمبر 1965 کی جنگ میں ملک بھر میں ’’ایک پیسے میں دو ٹینک ‘‘ کا نعرہ بہت مشہور ہوا تھا۔ جنرل صدر ایوب نے ایک تاریخی تقریرکی تھی جس میں قوم سے پاک فوج کے لیے اسلحے کی خریداری کی اپیل کی گئی تھی کہ اگر وہ اس سلسلے میں ایک پیسہ بھی عطیہ کریں گے تو اس میں بھی ایک پیسہ سے دو ٹینک خریدے جا سکتے ہیں۔
اس اپیل پر قوم نے دل کھول کر عطیات دیے تھے ۔ آج سے ساٹھ سال قبل جنگ ستمبر میں، میں اپنے شہر شکارپور میں تھا اور آئے دن فوج کی نقل و حرکت جاری رہتی تھی اور لاڑکانہ سے سکھر، جیکب آباد اور کندکوٹ جانے کے لیے شکارپور سے گزر کر جانا پڑتا تھا اور جیسے ہی فوجی جوانوں کے ٹرک شکارپور میں گھنٹہ گھر سے گزرتے تھے لوگ پاک فوج کی محبت میں والہانہ طور لپکتے ہوئے ٹرکوں کو گھیر لیتے تھے۔ پاک فوج کے حق میں نعرے بازی کرتے تھے اور پھولوں کے ہار انھیں پہناتے تھے اور شکارپور کی مشہور مٹھائی، اچار، اجرکیں اور دیگر تحائف انھیں پیش کرتے تھے۔
شہر بھر میں فوجی ٹرکوں کی آمد کی اطلاع ملتے ہی گھنٹہ گھر کی جانب دوڑ پڑتے تھے۔ساٹھ سال قبل جنرل ایوب کی فوجی حکومت تھی اور آج کی طرح قوم سیاسی پارٹیوں میں تقسیم تھی نہ سیاسی پارٹیاں متحرک تھیں، صرف جنرل ایوب کی کنونشن مسلم لیگ کا نام ہی سننے میں آتا تھا، پھر جب 1968 میں ایوب حکومت اور حکومتی مسلم لیگ کے خلاف تحریک چلی تو سیاسی پارٹیاں متحرک ہوئیں اور اس وقت 1967 میں ایوب حکومت کے وزیر خارجہ ذوالفقار علی بھٹو بھی پیپلز پارٹی قائم کر چکے تھے ۔
جنگ ستمبر 1965 کے بعد جنرل ایوب خان کی مقبولیت ختم ہو چکی تھی ۔ ایوب خان کی گول میز کانفرنس میں ملک کے سب سیاستدان شریک نہیں ہوئے تھے اور جنرل یحییٰ نے ایوب خان سے اقتدار اپنے ہاتھ میں لے لیا تھا جس کے بعد بھارت نے 1971 میں مشرقی پاکستان پر حملہ کرکے بنگلہ دیش بنوا دیا تھا ۔راقم نے 1968 میں شکارپور سے صحافت شروع کی تھی اور اس سے قبل اخبارات میں بچوں کے صفحات کے لیے لکھنا شروع کیا ہوا تھا ۔ 1969 میں ایوب حکومت کا زوال اور جنرل یحییٰ حکومت کا آغاز دیکھا تھا ۔
جنگ ستمبر میں قوم کا جذبہ دیدنی تھا۔ یہ پاک فوج ہی ہے جس نے ملک کو دہشت گردی سے بچانے کے لیے قربانیاں دینے کا سلسلہ شروع کر رکھا ہے، جس کی تازہ مثال بھارت کی حالیہ جارحیت کے خلاف پاک فوج کی دس مئی کی شاندار کامیابی ہے ، بھارت پاک فوج کے ہاتھوں دندان شکن جواب ملنے کے بعد پاکستان کے آگے گھٹنے ٹیکنے پر مجبور ہوا۔
پاک فوج کی اس شاندار کامیابی کا سہرا پاک فضائیہ، پاک فوج اور پاک نیوی کے سر ہے اور پاک فوج کے سربراہ جنرل عاصم منیر نے دس مئی کو نماز فجر کے بعد تلاوت کلام پاک اور دعا کے بعد آپریشن بنیان مرصوص کا آغاز کرایا، اس میں اللہ پاک نے مدد کی اور پاک فوج کو وہ کامیابی ملی جس کا تصور بھی نہیں تھا اور پاک فوج کے لیے بھارت نے بھرپور پروپیگنڈا کیا تھا کہ وہ تو مالی طور پر بھی کمزور ہے کہ جس کو اس کے عوام کی بھی حمایت حاصل نہیں مگر اسی پاک فوج نے بھارت کے 80 ارب ڈالر کے دفاعی بجٹ کے مقابلے میں اپنے صرف ساڑھے سات ارب ڈالر کے دفاعی بجٹ کے ساتھ بھارتی غرور خاک میں ملا کر ثابت کر دیا کہ بڑا دفاعی بجٹ نہیں ملک سے محبت اور ملک کے لیے جان دینے کا جذبہ اہم ہے جو کامیابی دلاتا ہے۔
اس میں شک نہیں کہ ہمارا دفاعی بجٹ ضرورکم ہے اور موجودہ حکومت نے فوجی بجٹ بڑھانے کے بجائے اپنے ارکان پارلیمنٹ، وزیروں اور ججز کو نوازا ہے مگر اب ضروری ہے کہ قوم 60 سال قبل کی طرح ایک پیسہ دو ٹینک کے جذبے سے پاک فوج کی مالی استطاعت بڑھانے کے لیے حکومت کو نہیں فوج کو عطیات دے تاکہ پاک فوج کا دفاعی بجٹ بڑھے اور وہ موجودہ دفاعی ضروریات کے مطابق ملک کے مکار دشمن بھارت سے مقابلے کے لیے خود کو مزید مضبوط بنائے جس نے مستقبل میں بھی ملک کا دفاع کرنا ہے۔ قوم بھی سیاسی اور مفاد پرستانہ ذہن رکھنے والوں کے مذموم پروپیگنڈے میں نہ آئے اور موجودہ تاریخی کامیابی حاصل کرنے والی فوج کے سربراہ کا ساتھ دے جن کی بے لوث قیادت سے یہ کامیابی ملی ہے۔
.ذریعہ: Express News
کلیدی لفظ: پاک فوج کی پاک فوج کے دفاعی بجٹ دو ٹینک اور پاک کے لیے کے بعد
پڑھیں:
بھارت دہشتگردی کا سب سے بڑا سرپرست ہے: فیلڈ مارشل جنرل سید عاصم منیر
فیلڈ مارشل و چیف آف آرمی اسٹاف جنرل سید عاصم منیر نے بھارت کو خطے میں دہشتگردی کا سب سے بڑا سرپرست قرار دیتے ہوئے کہا ہے کہ پاکستان نے لائن آف کنٹرول اور ساحلی علاقوں میں ہر جارحیت کا مؤثر جواب دیا ہے۔ انہوں نے کہا کہ دشمن کی چالوں کا مکمل ادراک ہے اور پاک فوج ہر محاذ پر وطن کے دفاع کے لیے پرعزم ہے۔ یہ بات انہوں نے 52ویں کامن ٹریننگ پروگرام کے افسران سے ملاقات کے دوران کہی۔
یہ بھی پڑھیں: فیلڈ مارشل عاصم منیر متاثر کن شخصیت ہیں، امریکی صدر کا ایک بار پھر اقرار
فیلڈ مارشل عاصم منیر نے نوجوان افسران سے خطاب میں قومی یکجہتی، ادارہ جاتی ہم آہنگی، پیشہ ورانہ دیانت داری اور پاکستانیت کے فروغ پر زور دیا۔آرمی چیف نے کہا کہ افسران کو اپنی سوچ اور عمل میں قومی مفاد کو ہمیشہ مقدم رکھنا چاہیے۔
فیلڈ مارشل نے کہا کہ ہم ہندوستان کو واضح پیغام دیتے ہیں کہ پاکستان نے نہ پہلے اس کی اجارہ داری قبول کی اور نہ کبھی کرے گا، معرکہ حق میں پاکستان نے کشمیر لائن آف کنٹرول سے لے کر ساحل سمندر تک ہندوستان کی بلا جواز جارحیت کے خلاف بہترین جواب دیا ، اللّٰہ نے معرکہ حق میں ہماری مدد کی کیونکہ ہم حق پر تھے۔
یہ بھی پڑھیں: شہباز شریف اور فیلڈ مارشل سید عاصم منیر کے مثالی تعلقات ہیں، وزیر دفاع خواجہ آصف
’ہمیں ماضی کو فراموش نہیں کرنا چاہیے کیونکہ جو قوم اپنی تاریخ بھول جائے، اس کا مستقبل محفوظ نہیں رہتا۔‘ انہوں نے واضح کیا کہ پاکستان کی شناخت ’پاکستانیت‘ ہے، نہ کہ لسانی، علاقائی یا ذاتی گروہی شناختیں۔
سول بیوروکریسی کی اہمیت کو تسلیم
آرمی چیف نے خطاب کے دوران سول بیوروکریسی کے کردار کو سراہا اور کہا کہ ریاستی نظم و نسق میں بیوروکریسی کا کردار نہایت اہم ہے۔ ان کا کہنا تھا کہ ایماندار اور باصلاحیت افسران ہی اداروں کو مضبوط بناتے ہیں۔
افغانستان کی سرزمین پاکستان کے خلاف استعمال نہیں ہونی چاہیے
افغانستان کے حوالے سے بات کرتے ہوئے انہوں نے خبردار کیا کہ افغانستان کی سرزمین پاکستان کے خلاف استعمال نہیں ہونی چاہیے۔ ان کا اشارہ بھارت کے مبینہ حمایت یافتہ دہشت گرد گروہوں کی طرف تھا جن کے بارے میں پاکستان کا مؤقف ہے کہ وہ افغان سرزمین کو استعمال کرتے ہیں۔
بھارت پر سخت تنقید
خطاب کے دوران جنرل منیر نے بھارت کو دہشت گردی کا سب سے بڑا ریاستی سرپرست قرار دیتے ہوئے کہا کہ پاکستان کو غیر مستحکم کرنے کی ہر سازش کو ناکام بنایا جائے گا، انہوں نے مزید کہا کہ ہماری مسلح افواج ہر جارحیت کا منہ توڑ جواب دینے کی بھرپور صلاحیت رکھتی ہیں۔ دشمن کو ہر محاذ پر شکست دیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آرمی چیف بھارت پاکستان خطاب عاصم منیر فیلڈ مارشل
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی