آئی ایم ایف جون میں بنگلہ دیش کو ایک ارب 30 کروڑ ڈالر جاری کرے گا
اشاعت کی تاریخ: 15th, May 2025 GMT
وزارت خزانہ کی جانب سے جاری بیان میں کہا گیا ہے کہ دونوں فریقین نے ریونیو مینجمنٹ، کرنسی ایکسچینج ریٹ اور دیگر اصلاحاتی فریم ورک پر اتفاق کیا ہے۔ اسلام ٹائمز۔ عالمی مالیاتی فنڈ (آئی ایم ایف) 4 ارب 70 کروڑ ڈالر کے قرض پروگرام کا چوتھا جائزہ مکمل کرنے اور شرح مبادلہ میں اصلاحات پر بات چیت میں اہم پیشرفت کے بعد جون میں بنگلہ دیش کو ایک ارب 30 کروڑ ڈالر جاری کرے گا۔ برطانوی خبر رساں ادارے رائٹرز کے مطابق آئی ایم ایف نے چوتھی اور پانچویں قسط کے فنڈز کو روک دیا تھا اور شرح تبادلہ میں زیادہ لچک پر زور دیا تھا۔
تاہم اپریل میں ڈھاکا میں ہونے والے چوتھے جائزے کے بعد اس ماہ واشنگٹن ڈی سی میں موسم بہار کے اجلاسوں کے دوران مزید تبادلہ خیال کیا گیا، جس میں ریونیو مینجمنٹ، مالیاتی پالیسی اور زرمبادلہ کے نظام میں اہم اصلاحات پر توجہ مرکوز کی گئی تھی۔ تمام معاملات کا بغور جائزہ لینے کے بعد بنگلہ دیشن کی وزارت خزانہ کی جانب سے جاری بیان میں کہا گیا ہے کہ دونوں فریقین نے ریونیو مینجمنٹ، کرنسی ایکسچینج ریٹ اور دیگر اصلاحاتی فریم ورک پر اتفاق کیا ہے۔
اسٹاف لیول معاہدے کی تکمیل کے ساتھ توقع ہے کہ آئی ایم ایف جون تک چوتھی اور پانچویں قسطوں کے لیے ایک ارب 30 کروڑ ڈالر جاری کرے گا۔ بنگلہ دیشی حکومت نے نیشنل بورڈ آف ریونیو کو بھی تحلیل کر دیا ہے جس کی جگہ مالیات کی وزارت کے تحت 2 ڈویژن قائم کیے گئے ہیں، تاکہ آئی ایم ایف کی ایک اہم شرط کو پورا کیا جا سکے۔ ایک ڈویژن ٹیکس کی پالیسی سنبھالے گا، جب کہ دوسرا ٹیکس کی وصولی اور انتظامیہ کو دیکھے گا جس کا مقصد کارکردگی، شفافیت، اور جوابدہی کو بڑھانا ہے۔
ذریعہ: Islam Times
کلیدی لفظ: آئی ایم ایف کروڑ ڈالر
پڑھیں:
حج درخواستوں کی وصولی کا دوسرا مرحلہ شروع
اسلام آباد(خبرنگار)حج درخواستوں کی وصولی کا دوسرا مرحلہ شروع ہو گیا ہے وزارت کی آن لائن پورٹل اور نامزد بینکوں سے حج درخواستوں کی وصولی جاری ہے پیر کو وزارت مذہبی امور کے ترجمان کے مطابق اخراجات کی پہلی قسط کے ساتھ درخواستوں کی وصولی 16اگست تک جاری رہے گی دوسرے مرحلے میں غیر رجسٹرڈ عازمین حج بھی درخواست جمع کرا سکیں گے سمندر پار پاکستانی بھی قریبی عزیز کے ذریعے نامزد بینکوں میں حج کا داخلہ کروا سکتے ہیں بیرون ملک مقیم افراد میڈیکل فٹنس سرٹیفکیٹ وطن پہنچنے پر جمع کروائیں گے کوٹہ مکمل ہوتے ہی حج درخواستوں کی وصولی روکنے کا اعلان کر دیا جائے گا۔
کیا ہے ڈیڈ ہینڈ؟ جو صرف 30 منٹ میں امریکہ کو صفحۂ ہستی سے مٹا سکتا ہے