چاہت فتح علی خان کا ملی نغمہ جاری ’یہ براھموس سے زیادہ خطرناک ہے‘
اشاعت کی تاریخ: 15th, May 2025 GMT
بھارت پر فتح حاصل کرنے کے بعد پاک فوج کو خراج تحسین پیش کرتے ہوئے سوشل میڈیا سے شہرت حاصل کرنے والے متنازع مزاحیہ گلوکار چاہت فتح علی خان نے ملی نغمہ ریلیز کر دیا۔
انہوں نے یوٹیوب اور انسٹاگرام پر اپنے نئے نغمے ’میرے وطن میرے چمن‘ کی 4 منٹ 21 سیکنڈ کی ویڈیو شیئر کی۔ جس پر صارفین مزاحیہ انداز میں تنقید کرتے نظر آئے۔
ایک صارف نے لکھا کہ ’یہ براھموس سے زیادہ خطرناک ہے‘۔
یہ براھموس سے ذیادہ خطرناک ھے۔ pic.
— صحرانورد (@Aadiiroy2) May 14, 2025
ایک ایکس صارف نے چاہت فتح علی خان نے نئے نغمے پر تنقید کرتے ہوئے کہا کہ یہ جوانوں کا جذبہ ختم کرنے والا گانا ہے۔
Jawano ka jaazba khatam krne wala song???? pic.twitter.com/bBWkfIl2PY
— ???????? Faujeet Fija (@Pakistan44life) May 14, 2025
حرا نامی صارف لکھتی ہیں کہ یہ نغمہ سننے کے بعد انڈین فوج نے پاکستان سے کہا آئندہ بم مار دینا لیکن یہ ٹارچر مت دینا۔
پاکستانی پائیلٹ چاہت فتح علی کا انڈیا کے ہاتھوں پکڑے جانے کے بعد دوران تفتیش ملی نغمہ جاری۔
یہ سننے کے بعد انڈین فوج نے پاکستان سے کہا۔ آئندہ بم مار دینا لیکن یہ ٹارچر مت دینا۔ pic.twitter.com/eVIBMiDGs6
— Hira ???????? (@hirarafiq04) May 14, 2025
حسن خان نے سوال کیا کہ انڈیا نے ہمارا پائلٹ چھوڑ دیا کیا؟
ارے بھائی انڈیا نے ہمارا پائلٹ چھوڑ دیا کیا https://t.co/BOfARwNhPm
— Hassan Khan Sajrani (@alih53126) May 14, 2025
خیال رہے کہ چاہت فتح علی خان اس سے قبل بھی مختلف گانوں کے ری میک جاری کرتے رہے ہیں، انہوں نے پنجابی گانے ’اکھ لڑی بدوبدی‘ کو اپنے منفرد انداز میں گانے کے بعد شہرت حاصل کی تھی، اس گانے کو پہلی بار ملکہ ترنم نورجہاں نے 1973 میں ریلیز ہونے والی پاکستانی فلم ’بنارسی ٹھگ‘ کے لیے گایا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک بھارت کشیدگی چاہت فتح علی خان ملی نغمہ
ذریعہ
ذریعہ: WE News
کلیدی لفظ: پاک بھارت کشیدگی چاہت فتح علی خان ملی نغمہ چاہت فتح علی خان ملی نغمہ کے بعد
پڑھیں:
پیٹرول اور ڈیزل کی قیمتوں میں اضافہ
اسلام آباد: ملک بھر میں پیٹرولیم مصنوعات کی قیمتوں میں اضافے کا سلسلہ جاری ہے، جہاں پیٹرول اور ڈیزل کی قیمتوں میں اضافہ کرتے ہوئے آئل اینڈ گیس ریگولیٹری اتھارٹی (اوگرا) نے نئے نرخوں کا نوٹیفکیشن جاری کر دیا ہے۔ نئی قیمتوں کا اطلاق رات 12 بجے کے بعد سے ہوگا۔
اوگرا کی جانب سے جاری اعلامیے کے مطابق پیٹرول کی قیمت میں 4 روپے 40 پیسے فی لیٹر اضافہ کیا گیا ہے، جس کے بعد نئی قیمت 331 روپے 52 پیسے فی لیٹر مقرر کر دی گئی ہے۔
اسی طرح ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کیا گیا ہے، جس کے بعد ڈیزل 378 روپے 66 پیسے فی لیٹر میں دستیاب ہوگا۔
حکام کے مطابق نئی قیمتوں کا اطلاق فوری طور پر رات 12 بجے کے بعد سے ہوگا، جس کے بعد ملک بھر کے تمام پیٹرول پمپس پر نئے نرخ نافذ ہو جائیں گے۔
واضح رہے کہ حالیہ دنوں میں عالمی منڈی میں خام تیل کی قیمتوں میں مسلسل اتار چڑھاؤ دیکھنے میں آیا ہے، جس کے اثرات پاکستان میں بھی پیٹرولیم مصنوعات کی قیمتوں پر مرتب ہو رہے ہیں۔ گزشتہ چند روز کے دوران بھی مختلف پیٹرولیم مصنوعات کی قیمتوں میں متعدد بار اضافہ کیا جا چکا ہے۔
ماہرین کے مطابق ایندھن کی قیمتوں میں مسلسل اضافے سے ٹرانسپورٹ، اشیائے خور و نوش اور دیگر بنیادی ضروریات کی قیمتوں پر بھی اثر پڑ سکتا ہے، جس کے باعث مہنگائی کے دباؤ میں مزید اضافہ ہونے کا خدشہ ظاہر کیا جا رہا ہے۔
نئی قیمتیں ایک نظر میں
پیٹرول: 331 روپے 52 پیسے فی لیٹر (4.40 روپے اضافہ)
ہائی اسپیڈ ڈیزل: 378 روپے 66 پیسے فی لیٹر (3.62 روپے اضافہ)
اوگرا کی جانب سے جاری نوٹیفکیشن کے مطابق یہ قیمتیں آئندہ حکم نامے تک نافذ العمل رہیں گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی