پاکستان میں بے گھر لوگوں کے لیے cپروگرام کا آغاز
اشاعت کی تاریخ: 26th, November 2025 GMT
پاکستان مسلم لیگ (ن) کے صدر محمد نواز شریف اور وزیراعلیٰ مریم نواز شریف نے بے گھر افراد کے لیے منفرد پروگرام ’اپنی زمین، اپنا گھر‘ کی قرعہ اندازی کا باضابطہ آغاز کیا۔ قائد مسلم لیگ (ن) نے ڈیجیٹل ٹچ کے ذریعے اسکیم کا افتتاح کیا جبکہ وزیراعلیٰ نے کئی خوش نصیب شہریوں کو فون کر کے پلاٹ نکلنے پر مبارکباد دی۔
یہ بھی پڑھیں:’اپنی چھت اپنا گھر پروگرام‘، صوبہ بھر میں 17 ہزار 957 گھروں کی تعمیر مکمل
وزیراعلیٰ مریم نواز شریف نے اٹک کی خاتون رخسانہ بی بی اور بہاولپور کی تحصیل منڈی یزمان کی میرومائی کو فون کر کے پلاٹ نکلنے کی خوشخبری سنائی۔ اس موقع پر محمد نواز شریف نے بھی ٹیلی فون کے ذریعے خوش نصیب شہریوں کو مبارکباد پیش کی۔
صوبائی وزیر ہاؤسنگ بلال یاسین نے پروگرام کی تفصیلی بریفنگ دیتے ہوئے بتایا کہ پنجاب بھر کے 19 اضلاع کی 23 ہاؤسنگ اسکیموں میں پہلے مرحلے کے تحت مجموعی طور پر 2 ہزار افراد کو رہائشی پلاٹ فراہم کیے گئے ہیں۔
ضلع جہلم میں 730، قصور میں 388، فیصل آباد 257، لودھراں 219، اوکاڑہ 130، لیہ 55، بھکر 52، ساہیوال 33، سرگودھا 25، خوشاب 24، بہاولنگر 20، منڈی بہاؤالدین 17، راجن پور 15، اور اٹک 11 شہریوں کو پلاٹ دیے گئے۔ دیگر اضلاع جیسے گجرات، بہاولپور، جھنگ، وہاڑی اور چنیوٹ میں بھی شہریوں کو پلاٹ فراہم کیے گئے۔
یہ بھی پڑھیں:کیا ن لیگ نے پنجاب دوبارہ حاصل کرلیا؟
وزیراعلیٰ مریم نواز شریف نے بتایا کہ 3 مرلہ کے پلاٹ حاصل کرنے والے شہری گھر بنانے کے لیے 15 لاکھ روپے قرض حاصل کر سکتے ہیں، جو نو سال میں ماہانہ 14 ہزار روپے کی آسان قسطوں میں ادا کیا جائے گا۔
انہوں نے کہا کہ پروگرام میں شفافیت یقینی بنانے کے لیے فول پروف طریقہ کار اپنایا گیا ہے۔ نادرا اور ڈسٹرکٹ فیلڈ اسٹاف کے ذریعے درخواست دہندگان کی اسکریننگ اور تصدیق کی گئی، جس کے بعد 18 ہزار 308 درخواست دہندگان قرعہ اندازی کے لیے اہل قرار پائے۔
پروگرام کے پہلے فیز میں 2 لاکھ 57 ہزار سے زائد درخواستیں موصول ہوئیں، جبکہ صوبہ بھر میں 18 لاکھ سے زائد لوگوں نے پروگرام کی ایپ استعمال کی اور 9 لاکھ 70 ہزار افراد رجسٹرڈ ہوئے۔
پراجیکٹ کے تحت اب تک 1 لاکھ 18 ہزار لوگوں کو 145 ارب روپے کے قرض فراہم کیے جا چکے ہیں، جس سے بے گھر شہری اپنے خواب کی تعبیر پا سکیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اپنی زمین اپنا گھر پنجاب حکومت پنجاب مریم نواز.ذریعہ: WE News
کلیدی لفظ: اپنی زمین اپنا گھر حکومت پنجاب مریم نواز نواز شریف نے شہریوں کو مریم نواز کے لیے
پڑھیں:
پاکستان میں بیروزگاری کی شرح بڑھ کر 7.1 فیصد ہوگئی، سروے
اسلام آباد(نیوزڈیسک)پاکستان میں بے روزگاری کی شرح بڑھ کر 7.1 فیصد ہوگئی جو سال 2020-21 میں ملک میں بے روزگاری کی شرح 6.3 فیصد تھی۔قومی لیبر فورس سروے 2024-25 کے نتائج جاری کردیے گئے۔ لیبر فورس سروے کے مطابق گزشتہ پانچ سال میں بے روزگاری میں 0.8 فیصد تک اضافہ ہوا، پاکستان میں بے روزگاری کی شرح بڑھ کر 7.1 فیصد ہوگئی، ملک میں اس وقت تقریبا 80 لاکھ افراد بے روزگار ہیں۔
سروے کے مطابق سال 2023 کی مردم شماری کے مطابق ملکی آبادی 24 کروڑ 14 لاکھ 90 ہزار ہے۔ لیبر فورس کی تعداد 7 کروڑ 72 لاکھ سے تجاوز کر گئی، ملک میں ورکنگ ایج پاپولیشن کی شرح 43 فیصد، غیر فعال آبادی 53.8 فیصد ہوگئی۔
قومی لیبر فورس سروے رپورٹ کے مطابق پاکستان کی 3.3 فیصد آبادی بے روزگاری ہے، سروسز سیکٹر روزگار کی فراہمی میں ٹاپ پوزیشن پر ہے، روزگار فراہمی میں زرعی شعبہ دوسرے اور صنعتی شعبہ تیسرے نمبر پر ہے۔
سروسز سیکٹر میں 3 کروڑ 18 لاکھ 30 ہزار افراد برسر روزگار ہیں، سروسز سیکٹر میں ایمپلائمنٹ کی شرح سب سے زیادہ 41.7 فیصد ہے، زرعی شعبے میں روزگار کی شرح 33.1 فیصد ہے، زراعت کے شعبے میں 2 کروڑ 55 لاکھ 30 ہزار افراد کو روزگار میسر ہے۔ صنعتی شعبے میں روزگار کی شرح 25.7 فیصد ہے، صنعتی شعبے میں 1 کروڑ 98 لاکھ 60 ہزار افراد برسر روگار ہیں۔
پاکستان میں فی کس ماہانہ اوسط اجرت 39 ہزار 42 روپے ہے، گزشتہ پانچ سال میں اوسط ماہانہ اجرت میں 15 ہزار 14 روپے کا اضافہ ہوا، سال 2020-21 میں ماہانہ اجرت 24 ہزار 28 روپے تھی، مرد حضرات کی ماہانہ اجرت 39 ہزار 302 روپے، خواتین کی 37 ہزار 347 ریکارڈ کیا گیا۔
چیف شماریات ڈاکٹر نعیم الظفر کا کہنا ہے کہ سروے میں 196 شمار کنندگان اور 34 فیلڈ فارمیشنز نے حصہ لیا، لیبر فورس سروے میں آن لائن ڈیٹا جمع کیا گیا۔ آئی ایم ایف کی تین شرائط دسمبر 2025 تک پوری کی جائیں گی، لائیو اسٹاک شماری کے نتائج جاری کر چکے ہیں، لیبر فورس سروے آج جاری کیا جارہا ہے۔ ہاوس ہولڈ انکم سروے بھی آئندہ ماہ جاری کیا جائے گا۔
یو ایس سعودی بزنس فورم میں صدر ٹرمپ نے ایک بار پھر پاک بھارت جنگ رکوانے کا کریڈٹ لے لیا