آنجہانی ماں کا روپ دھار کر پینشن بٹورنے والا شخص پکڑا گیا
اشاعت کی تاریخ: 26th, November 2025 GMT
اٹلی میں 56 سالہ سابق نرس پر مبینہ طور پر آنجہانی والدہ کا روپ دھار کر پینشن بٹورنے کے الزام میں تحقیقات شروع کردی گئیں۔
مقامی میڈیا کے مطابق اطالوی شخص پر الزام عائد کیا گیا ہے کہ وہ وِگ، لپ اسٹک اور زیورات کا استعمال کر کے اپنی مردہ کا روپ بدل کر دھوکے سے ان کی پینشن بٹور رہے تھے۔
رپورٹ میں بتایا گیا کہ بے روزگار شخص (جس کی شناخت ظاہر نہیں کی گئی) کی والدہ کا انتقال 2022 میں ہوا تھا جس کے بعد سے وہ ان کی ہزاروں یورو کی پینشن دھوکے سے حاصل کر چکے ہیں۔
اطالوی پریس نے کیس کو ’مسز ڈاؤٹ فائر اسکینڈل‘ کا نام دیا ہے جو کہ آنجہانی ہالی ووڈ اداکار رابن ولیمز کی 1993 کی فلم پر رکھا گیا ہے۔
یہ جعلسازی اس وقت بے نقاب ہوئی جب اس شخص نے شمالی اٹلی کے قصبے بورگو ورگیلیو کے رجسٹری آفس میں اپنی والدہ کے شناختی کارڈ کی تجدید کی کوشش کی۔
رپورٹ میں بتایا گیا کہ ایک حکومتی اہلکار نے شک کی بنیاد پر اپنے اعلیٰ عہدیدارن کو مطلع کر دیا، جنہوں نے بعد میں پولیس سے رابطہ کیا۔
ٹاؤن کے میئر فرانسسکو ایپورٹی نے اخبار کو بتایا کہ ملزم نے ایک لمبا اسکرٹ پہنا ہوا تھا، لپ اسٹک اور نیل پالش لاگئی ہوئی تھی اور گلے اور ہاتھوں پر زیورات تھے۔
انہوں نے مزید بتایا کہ ملزم نے خاتون کی آواز نکالنے کی کوشش کی لیکن مختلف مواقع پر مردانہ آواز نکل آئی۔ جبکہ ان کے ہاتھ کی جلد بھی 85 سالہ خاتون کے جیسی نہیں تھی۔
.ذریعہ: Express News
پڑھیں:
لاہور: گھر میں واردات کرتا پولیس اہلکار پکڑا گیا
—فائل فوٹولاہور کے علاقے جی او آر ون میں ایک پولیس اہلکار گھر میں واردات کے دوران پکڑا گیا۔
لاہور پولیس کے مطابق شہریوں نے کانسٹیبل کو تشدد کے بعد پولیس کے حوالے کر دیا، جس نے اس اہلکار کے خلاف مقدمہ درج کر لیا۔
یہ بھی پڑھیے لاہور: شہریوں کو اغوا کرکے تاوان لینے والے پولیس اہلکاروں کو گرفتار کرلیا گیاپولیس نے بتایا ہے کہ درج کی گئی ایف آئی آر میں کہا گیا ہے کہ مذکورہ پولیس اہلکار نے گھر میں گھس کر اسلحے کے زور پر اہلِ خانہ کو یرغمال بنایا۔
ایف آئی آر میں پولیس نے لکھا ہے کہ واردات کے دوران ملزم پولیس اہلکار گھر والوں سے زیورات اور نقدی مانگتا رہا۔
لاہور پولیس کے مطابق واقعے کی تحقیقات جاری ہیں۔
ملک میں بہت جلد کچھ بڑا ہونے و الا ہے: وزیراعلیٰ خیبر پی کے