پی ایس ایل 10: غیر ملکی کھلاڑی نے لاہور قلندرز کو جوائن کرلیا
اشاعت کی تاریخ: 15th, May 2025 GMT
لاہور(نیوز ڈیسک)بنگلادیش کے آل راؤنڈر شکیب الحسن نے پاکستان سپرلیگ سیزن 10 کے بقیہ میچز کیلیے لاہور قلندرز کو جوائن کرلیا۔
تفصیلات کے مطابق بنگلادیشی آل راؤنڈر شکیب الحسن، ڈیرل مچل کے متبادل کے طور پر لاہور قلندرز میں شامل ہوئے اور انہوں نے ٹیم کو جوائن کرلیا ہے۔
واضح رہے کہ پاک بھارت کشیدگی کی وجہ سے پی ایس ایل سیزن 10 کا شیڈول متاثر ہوا اور میچز پاکستان سے باہر کروانے پر غور کیا گیا تھا تاہم دونوں ممالک کے درمیان جنگ بندی کے بعد میچز کو دوبارہ لاہور اور پنڈی میں شیڈول کیا گیا ہے۔
پی ایس ایل کی فرنچائزز میں شامل غیر ملکی کھلاڑی بھی فائنل سمیت پی ایس ایل کے بقیہ میچز کھیلنے کیلیے پاکستان آنے کیلیے تیار ہیں جبکہ چند ایک نے اپنے شیڈول کیوجہ سے ٹیم سے معذرت کی ہے۔
لاہور قلندرز کے مطابق ڈیرل مچل چار مئی کو کراچی کنگز کے خلاف میچ میں ہاتھ کی انجری کا شکار ہوئے تھے جس کے باعث وہ مزید میچز میں ٹیم کا حصہ نہیں ہیں۔
شکیب الحسن نے فرنچائز میں شمولیت پر خوشی کا اظہار کرتے ہوئے کہا ہے کہ ’میں لاہور قلندرز کے ساتھ پی ایس ایل کا 10واں سیزن کھیلنے کیلیے پرجوش ہوں، ہماری ٹیم اب ایسی صورت میں ہے جس کیلیے ہر میچ اہم ہے‘۔
انہوں نے کہا کہ یہ ٹورنامنٹ ہے اور میں ہمیشہ پی ایس ایل سے محظوظ ہوتا ہوں۔
پوائنٹس ٹیبل
پی ایس ایل سیزن 10 کے اب تک کے پوائنٹس ٹیبل کے مطابق کوئٹہ گلیڈی ایٹرز 9 میچز میں سے 6 جیت پر 13 پوائنٹس کے ساتھ سرفہرست ہے جبکہ کراچی کنگز 8 پوائنٹس کے ساتھ دوسرے نمبر پر ہے جس نے 8 میچز کھیلے اور اُسے 3 میں شکست کا سامنا کرنا پڑا۔
اسلام آباد یونائیٹڈ 10 پوائنٹس کے ساتھ تیسرے، لاہور قلندرز 9 پوائنٹس کے ساتھ چوتھے، پشاور زلمی 8 اور ملتان سلطانز صرف ایک میچ جیت کر دو پوائنٹس کے ساتھ بالترتیب پانچویں اور چٹھے نمبر پر ہے۔
مزیدپڑھیں:پاکستانی خواتین نے موبائل انٹرنیٹ کے استعمال میں بھارت اور بنگلہ دیش کو پیچھے چھوڑ دیا
ذریعہ
ذریعہ: Daily Ausaf
کلیدی لفظ: پوائنٹس کے ساتھ لاہور قلندرز پی ایس ایل
پڑھیں:
لاہور ڈی ایچ اے میں بارش کے بعد پانی بھرگیا، رابی پیرزادہ کا مریم نواز سے شکوہ
پنجاب میں بارشوں کے بعد لاہور کے ڈی ایچ اے میں بھی گھٹنوں گھٹنوں پانی کھڑا ہوگیا۔ رابی پیرزادہ نے بھی اپنے گھر کے قریب کھڑے پانی کی ویڈیو بناتے ہوئے وزیراعلیٰ پنجاب مریم نواز سے شکوہ کر ڈالا۔
رابی پیرزادہ نے اپنے فیس بک پیج پر بارش کے بعد کھڑے ہوئے پانی کی ایک ویڈیو شیئر کی ہے جس کا کیپشن ’’بارش کے بعد لاہور کی صورت حال اور مریم نواز کا ستھرا پنجاب‘‘ دیا ہے۔ اور ویڈیو پر لکھا ہے ’’مریم نواز صاحبہ، دیکھیں لاہور کے ساتھ کیا ہورہا ہے‘‘۔
رابی پیرزادہ نے وزیراعلیٰ پنجاب کو مخاطب کرتے ہوئے کہا ’’مریم نواز صاحبہ! یہ میں اپنے گھر میں کھڑی ہوں، جو کہ لاہور کے مہنگے ترین علاقے میں آتا ہے، یہ ڈی ایچ اے فیز ون ہے۔ میرے آفس ، میرے اسکول کے اندر بہت نقصان ہوا ہے۔ وہ شعیب صاحب جن سے آپ ساری انفارمیشن لیتی ہیں وہ پتا نہیں کس علاقے میں رہتے ہیں۔ ڈی ایچ اے کا حال بہت خراب ہے۔ مجھے نہیں پتا وہ 960 گاڑیاں کہاں کام کررہی ہیں۔‘‘
https://www.facebook.com/RabiPirzadaMusic/videos/%D8%A8%D8%A7%D8%B1%D8%B4-%DA%A9%DB%92-%D8%A8%D8%B9%D8%AF-%D9%84%D8%A7%DB%81%D9%88%D8%B1-%DA%A9%DB%8C-%D8%B5%D9%88%D8%B1%D8%AA-%D8%AD%D8%A7%D9%84-%D8%A7%D9%88%D8%B1-%D9%85%D8%B1%DB%8C%D9%85-%D9%86%D9%88%D8%A7%D8%B2-%DA%A9%D8%A7-%D8%B3%D8%AA%DA%BE%D8%B1%D8%A7-%D9%BE%D9%86%D8%AC%D8%A7%D8%A8lahore-rain-suthrapunj/1344354571218376/رابی پیرزادہ نے بارش کے بعد علاقے کی زبوں حالی کا شکوہ کیا۔ بعد ازاں ویڈیو کے کمنٹس میں لکھا ’’یہ ویڈیو ڈی ایچ اے میں ضرور ریکارڈ ہوئی ہے، مگر بارش کے بعد تقریباً پورے لاہور کا یہی حال ہے۔ اس ویڈیو کا مقصد کسی مخصوص علاقے یا ادارے پر تنقید کرنا نہیں، بلکہ اربابِ اختیار تک عوام کی مشکلات پہنچانا ہے تاکہ بروقت اور مؤثر اقدامات کیے جا سکیں۔‘‘
رابی پیرزادہ کی یہ ویڈیو سوشل میڈیا پر وائرل ہوگئی۔ تاہم کئی صارفین نے کمنٹ کیا کہ شدید بارش کے بعد پانی کا کھڑا ہونا عام بات ہے، جو کہ فوری نہیں نکالا جاسکتا۔ لیکن چند گھنٹوں بعد پانی کی نکاسی کردی گئی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا