ٹی20 ورلڈ کپ کے لیے ہیڈ کوچ مائیک ہیسن ‘میچ ونر’ بابراعظم اور محمد رضوان کی واپسی کے خواہاں
اشاعت کی تاریخ: 16th, May 2025 GMT
پاکستان کرکٹ ٹیم کے نئے ہیڈ کوچ مائیک ہیسن مبینہ طور پر بابر اعظم اور محمد رضوان کو قومی ٹی20 سیٹ اپ میں شامل کرنے کے حق میں ہیں۔
جیو سپر کی رپورٹ کے مطابق آئندہ ایشیا کپ 2025 اور 2026 کے ٹی20 ورلڈ کپ کی تیاریوں کے سلسلے میں حال ہی میں باہر کیے جانیوالے ان دونوں کھلاڑیوں کی واپسی پر غور کیا جا رہا ہے۔
اگرچہ بنگلہ دیش کے خلاف آئندہ ہوم ٹی20 سیریز میں نئے چہروں کا تجربہ کیا جاسکتا ہے، تاہم پاکستان کرکٹ ٹیم کے نئے ہیڈ کوچ ہیسن طویل مدتی منصوبوں میں قومی ٹی20 اسکواڈ میں اس سینیئر جوڑی کو شامل کرنے کے خواہشمند ہیں۔
یہ بھی پڑھیں:
بابر اور رضوان کو پہلے نیوزی لینڈ کے خلاف ٹی20 سیریز کے لیے ڈراپ کر دیا گیا تھا، یہ فیصلہ قومی سلیکشن کمیٹی نے نوجوان کھلاڑیوں کو بین الاقوامی تجربہ فراہم کرنے کے لیے کیا تھا۔
وکٹ کیپر بلے باز محمد رضوان کو بھی صرف ایک سیریز کے بعد ٹی20 کی کپتانی سے ہٹا دیا گیا، جس کے بعد سلمان علی آغا نے مختصر ترین فارمیٹ میں کھیلی جانیوالی کرکٹ میں پاکستانی ٹیم کی قیادت سنبھالی ہے۔
پاکستان کے ہیڈ کوچ مائیک ہیسن نے پی سی بی کے ہیڈ کوارٹر میں سلیکٹر عاقب جاوید سے ملاقات کی تاکہ ٹیم کی حکمت عملی کو آگے بڑھانے پر تبادلہ خیال کیا جا سکے۔
مزید پڑھیں:
ذرائع نے انکشاف کیا ہے کہ ہیڈ کوچ مائیک ہیسن دراصل بابر اور رضوان دونوں کی تکنیک کو بہتر بنانے کی کوشش کررہے ہیں، ان کا مؤقف ہے کہ وہ زیادہ جارحانہ انداز اپناتے ہوئے اسٹرائیک ریٹ کو بہتر بنائیں۔
ایک نجی گفتگو میں، مائیک ہیسن نے مبینہ طور پر بابر اور رضوان کی جوڑی کو ’میچ ونر‘ کھلاڑی قرار دیا ہے، جنہیں اگر صحیح کردار دیا جائے، تو وہ اب بھی کھیل کا پانسہ بدلنے والی کارکردگی کا مظاہرہ کرسکتے ہیں۔
پاکستان کی اگلی ٹی20 اسائنمنٹ بنگلہ دیش کے خلاف 5 میچوں کی ہوم سیریز ہے، جو اس ماہ کے آخر میں فیصل آباد اور لاہور میں شیڈول ہے۔
مزید پڑھیں:
تاہم، بھارت اور پاکستان کے درمیان سیاسی تناؤ کا اثر ڈومیسٹک کرکٹ پر پڑا ہے، جس کی وجہ سے پاکستان سپر لیگ یعنی پی ایس ایل 10 کو معطل کر دیا گیا تھا، پی ایس ایل کے بقیہ میچز اب 17 مئی سے دوبارہ شروع ہونے والے ہیں جس کی وجہ سے شیڈول میں تنازع پیدا ہو گیا ہے۔
بنگلہ دیش کے خلاف سیریز کا آغاز ابتدائی طور پر 25 مئی کو شیڈول تھا، تاہم اسی دن پی ایس ایل 10 کا فائنل متوقع ہے، جو ممکنہ طور پر اس 2 طرفہ سیریز کو کیلنڈر پر مزید آگے بڑھانے کا باعث بن سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابر اعظم ٹی20 مائیک ہیسن محمد رضوان ہیڈ کوچ.ذریعہ: WE News
کلیدی لفظ: ٹی20 مائیک ہیسن محمد رضوان ہیڈ کوچ محمد رضوان کے خلاف کے لیے
پڑھیں:
بھارت کے ایم چناسوامی اسٹیڈیم کی ورلڈ کپ کی میزبانی خطرے میں
بھارتی شہر بینگالورو کے ایم چناسوامی اسٹیڈیم میں شیڈول ویمنز ورلڈ کپ کے میچز کا انعقاد خطرے میں پڑ گیا۔ اسٹیڈیم کے متبادل کے طور پر تھرووننتھاپونم کے گرین فیلڈز اسٹیڈیم کا نام زیرِ غور ہے۔
کرک انفو کے مطابق کرناٹک اسٹیٹ کرکٹ ایسوسی ایشن (کے ایس سی اے) نے اسٹیڈیم میں میچز کے انعقاد کے لیے سیکیورٹی کے حوالے سے پولیس کی اجازت کے حوالے سے بی سی سی آئی کی جانب سے طے کی گئی 10 اگست کی ڈیڈ لائن مس کردی جس کے بعد اس وینیو پر ایونٹ کے میچز کا انعقاد خطرے میں پڑ گیا۔
اس وقت بینگالورو میں 30 ستمبر کو بھارت اور سری لنکا کے درمیان ایونٹ کا اوپنر، 3 اکتوبر کو انگلینڈ اور جنوبی افریقا، 26 اکتوبر کو انڈیا اور بنگلادیش، 30 اکتوبر کو دوسرا سیمی فائنل اور ممکنہ طور پر 2 نومبر کو ممکنہ فائنل سمیت پانچ میچز شیڈول ہیں۔
حالات کے پیشِ نظر اسٹیڈیم کے متبادل کے طور پر تھرووننتھاپونم کے گرین فیلڈز اسٹیڈیم کے نام پر غور کیا جا رہا ہے۔
خیبر پختونخوا، ضلع جنوبی وزیرستان کا نام تبدیل کرنے کی قرارداد منظور