برطانوی سیکریٹری خارجہ کا دورہ پاکستان، اعلامیہ جاری
اشاعت کی تاریخ: 16th, May 2025 GMT
برطانوی سیکریٹری خارجہ ڈیوڈ لیمی کے دورہ پاکستان پر برطانوی ہائی کمشین نے اعلامیہ جاری کردیا ہے۔
برطانوی ہائی کمشین کی جانب سے جاری کیے گئے اعلامیے میں کہا گیا ہے کہ2021 کے بعد کسی برطانوی سیکریٹری خارجہ نے پہلی بار پاکستان کا دورہ کیا، ڈیوڈ لیمی نے دورہ پاکستان میں جنگ بندی کا خیرمقدم کرتے ہوئے واضح کیا کہ تنازعہ کسی کے مفاد میں نہیں ہے۔
یہ بھی پڑھیں: نائب وزیراعظم اسحاق ڈار کا برطانوی سیکریٹری خارجہ سے رابطہ، دو طرفہ تعاون میں اضافے پر اتفاق
اعلامیے کے مطابق برطانوی حکومت نے پاکستان اور بھارت کے درمیان جاری جنگ بندی کا خیرمقدم کیا، اعلامیے میں کہا گیا ہے کہ دونوں ممالک برطانیہ کے اہم شراکت دار ہیں، برطانوی وزیر خارجہ نے وزیراعظم شہباز شریف اور دیگر سینئر حکام سے ملاقاتیں کیں، ان ملاقاتوں میں دونوں ممالک کی جانب سے جنگ بندی کے معاہدے کو سراہا۔
برطانوی وزیر خارجہ نے برطانوی زندگی میں پاکستانی نژاد برطانوی شہریوں کے کردار کو سراہا، انہوں نے دونوں ممالک میں کشیدگی سے پیدا ہونے والی تشویش کا اظہار کیا، ڈیوڈ لیمی نے پہلگام میں دہشتگرد حملے کی مذمت کی، انہوں نے دہشت گردی کے خاتمے کے لیے برطانیہ کے عزم کا اعادہ کیا۔
یہ بھی پڑھیں: بلاول بھٹو زرداری سے برطانوی سیکریٹری خارجہ کی ملاقات
برطانوی سیکریٹری خارجہ کا کہنا ہے کہ بھارت اور پاکستان دونوں برطانیہ کے قریبی دوست ہیں، ہم اس جنگ بندی کو پائیدار امن میں تبدیل کرنے کے لیے اپنا کردار ادا کرنے کے لیے پرعزم ہیں، برطانیہ اور پاکستان کے درمیان تعاون برطانوی اور پاکستانی شہریوں کی خوشحالی کے لیے کلیدی اہمیت رکھتا ہے۔
وزیر خارجہ نے 15 مئی کو اپنے بھارتی ہم منصب سے بھی بات چیت کی، انہوں نے جلد نئی دہلی کے دورے کی خواہش کا اظہار کیا، اسلام آباد میں قیام کے دوران وزیر خارجہ نے برطانوی ہائی کمیشن کے قونصلر عملے سے ملاقات کی، انہوں نے پاک بھارت کشیدگی کے دوران برطانوی شہریوں کی مدد کرنے پر ان کا شکریہ ادا کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news برطانیہ پاکستان ڈیوڈ لیمی سیکریٹری خارجہ.ذریعہ: WE News
کلیدی لفظ: برطانیہ پاکستان ڈیوڈ لیمی سیکریٹری خارجہ برطانوی سیکریٹری خارجہ ڈیوڈ لیمی انہوں نے کے لیے
پڑھیں:
محسن نقوی کا لاہور ایئرپورٹ کا دورہ، امیگریشن اہلکاروں کو شاباش اور انعام دیے
اویس کیانی :وفاقی وزیرداخلہ محسن نقوی کا لاہور ایئرپورٹ کا دورہ،وفاقی وزیر اوورسیز پاکستانیز چودھری سالک حسین بھی ہمراہ تھے۔
وزیر داخلہ نے امیگریشن کاؤنٹرز پر غیر معمولی رش دیکھ کر سخت ناراضگی کا اظہار کیا اور امیگریشن عمل جلد نمٹانے کے احکامات جاری کیے۔
وفاقی وزرا نے مسافروں سے گفتگو کی اور امیگریشن کے عمل سے متعلق شکایات و تجاویز بھی سنیں۔ چودھری سالک حسین نے پروٹیکٹر اسٹیکرز اور دستاویزات کی جانچ پڑتال کی۔
پٹرولیم مصنوعات کی قیمتوں میں عالمی مارکیٹ میں قیمتوں کے تناسب سے رد و بدل ہو گیا
دورے کے دوران بیرونِ ملک ڈرائیور کی ملازمت کے لیے جانے والے ایک نوجوان کو ڈرائیونگ لائسنس نہ ہونے پر آف لوڈ کر دیا گیا۔ معاملے کی تحقیقات کا حکم بھی جاری ہوا، جبکہ وزیر داخلہ نے مسافر کو نجی کمپنی کو ادا کی گئی رقم واپس دلانے کی یقین دہانی کرائی۔
محسن نقوی نے بہترین کارکردگی دکھانے والے امیگریشن اہلکاروں کو اپنی جیب سے انعام دیا اور تعریفی سرٹیفکیٹس دینے کا اعلان بھی کیا۔
وزیر داخلہ نے واضح ہدایات جاری کیں کہ ضروری دستاویزات کے بغیر کسی مسافر کو سفر کی اجازت نہ دی جائے۔
گرین شرٹس آج روایتی حریف کو کرکٹ سکھانے کے لئے میدان میں آئیں گے
انہوں نے کہا کہ غیر قانونی امیگریشن کسی صورت برداشت نہیں کی جائے گی اور ملک کی بدنامی کا باعث بننے والے کسی بھی شخص کو سفر کی اجازت ہرگز نہیں دی جائے گی۔
ان کا مزید کہنا تھا کہ ایف آئی اے یا کسی بھی ادارے کے ملوث اہلکاروں کے خلاف سخت کارروائی ہوگی۔
چودھری سالک حسین نے کہا کہ پروٹیکٹر کے تحت بیرون ملک ملازمت کے خواہشمند مسافروں کی دستاویزات کی مکمل تصدیق ہر صورت لازمی ہے۔
بشریٰ کےمتعلق جو چھپا ہے وہ بالکل درست ہے، عون چوہدری بھی گواہی دینےآگئے
خیبرپختونخوا اور ضم اضلاع میں دہشت گردی کی مذمت ، امن جرگے کا اعلامیہ جاری