دنیا ماڈرن ڈے کرکٹ کے حساب سے بہت آگے نکل گئی ہے: محمد حارث
اشاعت کی تاریخ: 17th, May 2025 GMT
پشاور زلمی کے وکٹ کیپر بیٹر محمد حارث کا کہنا ہے کہ پاکستان کی نسبت دنیا ماڈرن ڈے کرکٹ کے حساب سے بہت آگے نکل گئی ہے۔
اسلام آباد میں جیو نیوز سے خصوصی گفتگو کرتے ہوئے محمد حارث نے کہا کہ بطور بیٹرز اور ٹیم ماڈرن ڈے کرکٹ کے پیشِ نظر پاکستان پیچھے ہے، لیکن میں ماڈرن ڈے کرکٹ کو مدِ نظر رکھتے ہوئے ہی پریکٹس کرتا ہوں۔
انہوں نے کہا کہ ماڈرن ڈے کرکٹ کو کیسے اپنانا ہے، اسی پر کوچز سے بات ہوتی رہتی ہے، میرا ٹارگیٹ ہے کہ مستقبل کے ایونٹس میں ماڈرن ڈے کرکٹ کے حساب سے کھیلوں۔ قومی کرکٹ ٹیم بھی اگر ماڈرن ڈے کرکٹ کے حساب سے کھیلے گی تو مشکلات کا سامنا نہیں ہوگا۔
ان کا کہنا تھا کہ کسی بھی بیٹر کےلیے بیٹنگ نمبر بہت ضروری ہوتا ہے، لیکن مجھے کسی بھی بیٹنگ پوزیشن پر بیٹنگ کا موقع ملے تو تیار رہتا ہوں، مجھے مختلف نمبروں پر بیٹنگ کرنے میں کوئی مسئلہ نہیں، میرا مقصد ٹیم کےلیے پرفارمنس دینا ہوتا ہے۔
محمد حارث کا کہنا ہے کہ بابر اعظم سمیت سینئر کھلاڑیوں سے بیٹنگ کے مختلف پہلوؤں پر سیکھتا رہتا ہوں۔ البتہ سینئر کھلاڑی جتنا بھی سمجھا لیں لیکن محنت کھلاڑی نے انفرادی طور پر خود کرنی ہوتی ہے۔
ان کا کہنا ہے کہ جتنا بھی بڑا بالر یا بیٹر کیوں نا ہو، میچ میں پریشر دونوں اطراف ہوتا ہے۔ کبھی کامیابی ملتی ہے تو کبھی نہیں، لیکن میرا ہدف اپنی شاٹس کے ذریعے بالر پر پہلے حاوی ہونا ہوتا ہے، کھلاڑی کا اعتماد بہت ضروری ہے، کانفیڈنس ہوگا تو پرفارمنس بھی ملے گی۔
ایک سوال کا جواب دیتے ہوئے انہوں نے کہا کہ خیبر پختونخوا کے کھلاڑیوں کا زیادہ قومی کرکٹ ٹیم میں آنے کا راز صرف محنت ہے، خیبر پختونخوا کے کھلاڑی کلب سے لے کر ڈومیسٹک کرکٹ تک تسلسل کے ساتھ کرکٹ کھیلتے ہیں۔
بیٹنگ تکنیک پر بات کرتے ہوئے انہوں نے کہا کہ ٹی ٹوئنٹی میں بیٹنگ کی تکنیک اہم ہوتی ہے، تکنیک مختلف صورتِ حال میں کھیلنا آسان بنا دیتی ہے۔
Post Views: 2.
ذریعہ
ذریعہ: Daily Mumtaz
کلیدی لفظ: نے کہا کہ ہوتا ہے کا کہنا
پڑھیں:
پنجاب کے وزیر تعلیم رانا سکندر حیات نے ٹیچر بننے کا اعلان کردیا
لاہور (ڈیلی پاکستان آن لائن ) پنجاب کے وزیر تعلیم رانا سکندر حیات نے ٹیچر بننے کا اعلان کردیا۔
تفصیلات کے مطابق رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔
وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا