مریم نواز نے خطے کی سب سے بڑی کلائمیٹ آبزرویٹری بنانے کی منظوری دے دی
اشاعت کی تاریخ: 19th, May 2025 GMT
---فائل فوٹو
وزیرِ اعلیٰ پنجاب مریم نواز شریف نے خطے کی سب سے بڑی اور جدید کلائمیٹ آبزرویٹری بنانے کی منظوری دے دی۔
پنجاب کی سینئر وزیر مریم اورنگزیب کی زیرِ صدارت اجلاس ہوا جس میں جدید ترین کلائمیٹ آبزرویٹری (رسد گاہ) بنانے کی منظوری کے علاوہ جدید سائنسی مرکز کے قیام کا بھی فیصلہ کیا گیا۔
سینئر صوبائی وزیر کو بریفنگ میں بتایا گیا کہ منصوبے کےلیے بجٹ، آلات اور زمین کی فراہمی کا فزیبیلٹی پلان تیار ہے، آبزرویٹری، پنجاب پلاننگ اینڈ ڈیویلپمنٹ ہاؤس میں قائم کی جائے گی، انٹرن شپ پروگرام کے ذریعے ہر شعبے کےلیے ماحولیاتی ماہرین تیار کیے جائیں گے۔
بریفنگ کے دوران مزید بتایا گیا کہ آبزرویٹری میں جدید خود کار کمیونیکیشن اور لنکیج سسٹم نصب کیا جائے گا، آبزرویٹری سے موسمیاتی تبدیلیوں کے خطرات کی پیشگوئی کے علاوہ پالیسی بنانے میں بھی مدد ملے گی۔
اس موقع پر صوبائی وزیر مریم اورنگزیب نے کہا کہ وزیرِ اعلیٰ نے ماحولیاتی تبدیلی کے خطرات سے نمٹنے کا جامع پلان دیا ہے، آبزرویٹری کا قیام ماحولیاتی تحفظ کے حوالے سے بڑا قدم ہے۔
مریم اورنگزیب کے مطابق بجٹ، آلات اور زمین کی فراہمی کا فزیبیلٹی پلان تیار ہے۔
.
ذریعہ
ذریعہ: Jang News
پڑھیں:
روس مذاکرات کے لیے تیار، یوکرین میں فوجی آپریشن جاری رہے گا، کریملن
روزانہ کی پریس بریفنگ کے دوران کریملن کے ترجمان کا کہنا تھا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ اسلام ٹائمز۔ کریملن کے ترجمان دیمتری پیسکوف نے کہا ہے کہ روس یوکرین تنازع کے حل کے لیے مذاکرات پر آمادہ ہے، تاہم یورپی ممالک کی جانب سے کیف حکومت کی مسلسل حوصلہ افزائی کے باعث روس اپنا خصوصی فوجی آپریشن جاری رکھے ہوئے ہے۔ روزانہ کی پریس بریفنگ کے دوران دیمتری پیسکوف نے کہا کہ روس مذاکراتی عمل کے لیے کھلا ہے، لیکن جب یورپی دارالحکومت کیف حکومت کو جنگ جاری رکھنے کی ترغیب دے رہے ہیں تو ایسی صورتحال میں ماسکو بھی اپنا خصوصی فوجی آپریشن جاری رکھے گا۔ انہوں نے دعویٰ کیا کہ روسی افواج خصوصی فوجی آپریشن کے دوران مثبت پیش رفت حاصل کر رہی ہیں اور میدانِ جنگ میں صورتحال حوصلہ افزا ہے۔
کریملن کے ترجمان نے بتایا کہ یوکرین کے معاملے پر روس اور امریکا کے درمیان رابطے برقرار ہیں، تاہم اس مرحلے پر یہ کہنا قبل از وقت ہوگا کہ تنازع کے حل کی کوششوں میں کوئی نمایاں پیش رفت یا تیزی آئی ہے۔ دیمتری پیسکوف نے کہا کہ موجودہ ورکنگ چینلز کے ذریعے امریکا کے ساتھ رابطے جاری ہیں اور امید ہے کہ امریکی مذاکرات کار اپنی مصروفیات مکمل ہونے کے بعد ماسکو کا دورہ کریں گے تاکہ دونوں ممالک کے درمیان براہِ راست مذاکرات کا سلسلہ دوبارہ شروع کیا جا سکے۔
جوہری عدم پھیلاؤ کے حوالے سے روس کے مؤقف پر بات کرتے ہوئے انہوں نے کہا کہ ماسکو جوہری ہتھیاروں کے پھیلاؤ کی روک تھام کے اصول پر قائم ہے، تاہم ہر ملک کو پُرامن مقاصد کے لیے جوہری توانائی کے استعمال کا حق حاصل ہونا چاہیے۔ انہوں نے مزید کہا کہ روس کا مؤقف جوہری ہتھیاروں کے عدم پھیلاؤ سے متعلق ہے، جبکہ ایران، سعودی عرب اور دیگر ممالک کو پُرامن جوہری توانائی کے استعمال کا حق حاصل ہے اور اس حق کی ضمانت دی جانی چاہیے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی