محکمہ موسمیات نے ملک بھر میں مزید 4روز کیلئے ہیٹ ویو الرٹ جاری کردیا
اشاعت کی تاریخ: 19th, May 2025 GMT
محکمہ موسمیات نے ملک بھر میں مزید 4روز کیلئے ہیٹ ویو الرٹ جاری کردیا WhatsAppFacebookTwitter 0 19 May, 2025 سب نیوز
اسلام آباد (سب نیوز)محکمہ موسمیات نے ملک بھر میں مزید 4روز کے لیے ہیٹ ویو الرٹ جاری کردیا، جس کے مطابق رواں ہفتے کے دوران گرمی کی لہر جاری رہنے کی پیشگوئی اور ہوا کا زیادہ دبا موجود رہنے کا امکان ہے۔
تفصیلات کے مطابق ملک بھر میں شدید گرمی کی لہر برقرار ہے، محکمہ موسمیات نے رواں ہفتے کے دوران ہیٹ ویو برقرار رہنے کی پیشگوئی کرتے ہوئے الرٹ جاری کردیا۔محکمہ موسمیات کے مطابق کل سے 24 مئی تک جنوبی علاقوں میں دن کے وقت درجہ حرارت معمول سے 4 سے 6 ڈگری سینٹی گریڈ جبکہ بعض مقامات پر 5 سے 7 ڈگری سینٹی گریڈ تک زیادہ رہنے کا امکان ہے۔
محکمہ موسمیات کا کہنا ہے کہ رواں ہفتے کے دوران ہوا کے زیادہ دبا وکے باعث درجہ حرارت میں نمایاں اضافہ ہوگا۔ سندھ، جنوبی پنجاب اور بلوچستان کے میدانی علاقوں میں درجہ حرارت معمول سے خاصا زیادہ ریکارڈ کیے جانے کی توقع ہے جبکہ ملک کے بالائی علاقوں، بشمول پنجاب، خیبرپختونخوا اور اسلام آباد میں بھی گرمی کی شدت برقرار رہے گی۔
محکمہ موسمیات نے خبردار کیا ہے کہ شدید گرمی کے باعث بعض میدانی علاقوں میں آندھی اور جھکڑ چلنے کا امکان بھی موجود ہے، عوام کو غیر ضروری طور پر دھوپ میں نکلنے سے گریز اور احتیاطی تدابیر اختیار کرنے کی ہدایت کی گئی ہے۔مزید برآں محکمہ موسمیات نے تمام متعلقہ اداروں کو الرٹ رہنے اور ضروری اقدامات کرنے کی ہدایات جاری کر دی ہیں تاکہ کسی بھی ہنگامی صورتحال سے بروقت نمٹا جا سکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسپریم کورٹ نے 8سالہ بچی کے قتل کے ملزم کو عدم شواہد کی بنیاد پربری کردیا سپریم کورٹ نے 8سالہ بچی کے قتل کے ملزم کو عدم شواہد کی بنیاد پربری کردیا کم عمری کی شادی پر پابندی کا بل واپس نہ لیا گیا تو سڑکوں پر آئیں گے، فضل الرحمان ہماری افواج نے دشمن کو وہ سبق سکھایا جسے وہ قیامت تک یاد رکھے گا، وزیراعظم خیبرپختونخوا میں فورسز کی کارروائیاں، بھارتی حمایت یافتہ 9خوارج ہلاک، 2جوان شہید امریکا نے بھارتی ٹریول ایجنٹس اور ٹریول ایجنسیوں پر ویزا پابندیاں عائد کر دیں بھارت کے پاکستان میں امن و امان کو نقصان پہنچانے کے مذموم عزائم خاک میں ملا دیں گے، وزیراعظمCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: محکمہ موسمیات نے الرٹ جاری کردیا ملک بھر میں ہیٹ ویو
پڑھیں:
پنجاب میں شدید گرمی سے شہری بے حال؛ محکمہ موسمیات نے اچھی خبر سنادی
لاہور:پنجاب میں شدید گرمی سے شہریوں کا برا حال ہے، اسی دوران محکمہ موسمیات کی جانب سے اچھی خبر سنائی گئی ہے۔
محکمہ موسمیات کے مطابق لاہور سمیت پورا صوبہ اس وقت شدید گرمی کے نرغے میں ہے اور سورج گزشتہ ہفتے سے آگ کے گولے برسا رہا ہے، جس سے سڑکیں تندور کے مانند گرم اور پوری صورت حال سے شہری پریشان ہیں۔
دریں اثنا موسمیاتی ماہرین نے گرمی کے ستائے شہریوں کے لیے خوش خبری سنائی ہے۔ محکمہ موسمیات کی جانب سے بتایا گیا ہے کہ بادل برسانے والا سسٹم پنجاب میں موجود ہے، جس کے تحت آج لاہور میں گرد آلود ہواؤں کے ساتھ بارش کا بھی امکان ہے۔
ممکنہ بارش کے بعد گرمی کی شدت میں قدرے کمی متوقع ہے۔
لاہور میں درجہ حرارت کم از کم28 ڈگری سینٹی گریڈ ریکارڈ کیا گیا اورزیادہ سےزیادہ پارہ42 ڈگری تک جانے کے امکان ہے۔ محکمہ موسمیات کے مطابق کل سے دوبارہ خشک اور گرم موسم کا سلسلہ شروع ہوجائے گا۔
پاکستان مخالف مہم مودی کی ناکامی کا اعتراف ہے، شیری رحمان