نوجوان ڈاکٹرز کیلئے پنجاب ہیلتھ فاؤنڈیشن عذاب بن گئی
اشاعت کی تاریخ: 20th, May 2025 GMT
سٹی42: پنجاب ہیلتھ فاؤنڈیشن نوجوان ڈاکٹروں کیلئے سہارا بننے کے بجائے آزمائش بن گئی، پی جی ٹرینی ڈاکٹرز کو ماہانہ وظیفوں کی ادائیگی میں مسلسل تاخیر ایک سنگین مسئلہ بن چکی ہے جس کے باعث درجنوں ڈاکٹرز مالی مشکلات سے دوچار ہو چکے ہیں۔
ذرائع کے مطابق پی جی ٹرینی ڈاکٹرز کو گزشتہ ایک ماہ سے وظیفہ ادا نہیں کیا گیا جس کے سبب یہ ڈاکٹرز اپنی روزمرہ ضروریات پوری کرنے سے قاصر ہیں۔ نوجوان ڈاکٹرز نے شکایت کی کہ وہ رات دن ڈیوٹیاں دے رہے ہیں مگر انہیں ان کی محنت کا صلہ نہیں مل رہا۔
فیصل ٹاؤن کےعلاقے میں خواجہ سرا کے قتل کے واقعہ میں اہم پیشرفت
محکمہ سپیشلائزڈ ہیلتھ کی جانب سے وظیفہ کی ادائیگی کا عمل ٹیچنگ ہسپتالوں سے نکال کر ہیلتھ فاؤنڈیشن کو سونپا گیا تاکہ شفافیت اور سنٹرلائزڈ نظام قائم ہو تاہم یہ نیا نظام بھی مکمل طور پر ناکام ہو چکا ہے۔
ذرائع کے مطابق ہیلتھ فاؤنڈیشن ایک سال بعد بھی باقاعدگی سے وظیفے کی ادائیگی میں کامیاب نہیں ہو سکی۔ ہر ماہ 15 تاریخ کو وظیفہ کی ادائیگی کا وعدہ کیا جاتا ہے، مگر عملدرآمد نہیں ہوتا۔
نوجوان ڈاکٹرز نے وزیراعلیٰ پنجاب اور محکمہ صحت سے مطالبہ کیا ہے کہ وہ وظیفہ کی ادائیگی کے نظام کو فوری بہتر بنائیں اور ذمہ داروں کے خلاف کارروائی کی جائے تاکہ مستقبل میں انہیں مزید پریشانی نہ اٹھانا پڑے۔
اے این ایف کی کارروائیوں میں ڈھائی کروڑ سے زائد مالیت کی منشیات برآمد
.ذریعہ: City 42
کلیدی لفظ: سٹی42 کی ادائیگی
پڑھیں:
پنجاب بھر میں دفعہ 144 کے نفاذ میں توسیع
محکمہ داخلہ پنجاب نے صوبہ بھر میں دفعہ 144 کے نفاذ میں 7 روز کی توسیع کر دی ہے۔
تفصیلات کے مطابق حکومت پنجاب نے دہشت گردی اور امن عامہ کے خدشات کے پیش نظر دفعہ 144 میں توسیع کی ہے۔ فیصلے میں یہ بھی کہا ہے کہ عوامی آگاہی کیلئے دفعہ 144 کے نفاذ کی بڑے پیمانے پر تشہیر کی جائے۔
محکمہ داخلہ نے ہفتہ 22 نومبر تک دفعہ 144 کے نفاذ میں توسیع کا نوٹیفکیشن جاری کر دیا ہے۔ حکومت پنجاب کا کہنا ہے کہ شرپسند عناصر عوامی احتجاج کا فائدہ اٹھا کر اپنے مذموم عزائم کی تکمیل کیلئے ریاست مخالف سرگرمیاں کر سکتے ہیں۔
سکیورٹی خطرات کے پیش نظر عوامی جلوس و دھرنا دہشت گردوں کیلئے سافٹ ٹارگٹ ہو سکتا ہے۔ دفعہ 144 کے نفاذ میں توسیع کا فیصلہ امن و امان کے قیام، انسانی جانوں اور املاک کے تحفظ کیلئے کیا گیا ہے۔
دفعہ 144 کے تحت لاؤڈ اسپیکر کے استعمال پر بھی مکمل پابندی ہے۔ لاؤڈ سپیکر صرف اذان اور جمعہ کے خطبہ کیلئے استعمال کیے جا سکتے ہیں جبکہ سرکاری فرائض کی انجام دہی پر موجود افسران و اہلکار اور عدالتیں پابندی سے مستثنیٰ ہیں۔
پابندی کا اطلاق شادی کی تقریبات، جنازہ اور تدفین پر نہیں ہوگا۔ پنجاب بھر میں اشتعال انگیز، نفرت آمیز یا فرقہ وارانہ مواد کی اشاعت و تقسیم پر مکمل پابندی ہے۔ اسی طرح پنجاب بھر میں ہر قسم کے اسلحہ کی نمائش پر بھی مکمل پابندی عائد کی گئی ہے۔
دفعہ 144 کے تحت چار یا زائد افراد کے عوامی مقامات پر جمع ہونے پر مکمل پابندی ہوگی۔ پنجاب میں ہر قسم کے احتجاج، جلسے، جلوس، ریلیوں، دھرنوں، اجتماع اور ایسی تمام سرگرمیوں پر پابندی برقرار۔
13 سالہ چینی تیراک یو زیدی نے نیشنل گیمز میں ایشیائی ریکارڈ قائم کردیا