زیرو مارک اَپ پر حاصل کریںنئی یاماہا موٹرسائیکل، کمپنی نے شاندار آفر لگا دی
اشاعت کی تاریخ: 21st, May 2025 GMT
اسلام آباد(نیوز ڈیسک)یاماہا پاکستان نے موٹرسائیکل کے شوقین افراد کے لیے ایک شاندار پیشکش متعارف کروا دی ہے۔ اب صارفین پاکستان کے معروف بینکوں کے تعاون سے بغیر کسی مارک اپ (0%) کے قسطوں پر نئی یاماہا موٹرسائیکل خرید سکتے ہیں۔
یہ پیشکش 6 سے 12 ماہ کی مدت کے لیے دستیاب ہے اور اس کا انحصار بینک کی منظوری اور مخصوص علاقوں میں دستیابی پر ہے، اس سہولت کے تحت درج ذیل بینکوں کے ذریعے فنانسنگ حاصل کی جا سکتی ہے۔
ایم سی بی بینک، عسکری بینک،بینک الفلاح،بینک اسلامی،جے ایس بینک،فیصل بینک،اسٹینڈرڈ چارٹرڈ اور بینک آف پنجاب۔
یاماہا کمپنی حکام کا کہنا ہے کہ قسطوں کی شرائط ہر بینک کے لحاظ سے مختلف ہو سکتی ہیں، اس لیے صارفین کو مشورہ دیا جاتا ہے کہ وہ اپنے شہر میں اس سہولت کی دستیابی کی تصدیق ضرور کریں۔
یاماہا کا یہ اقدام موٹرسائیکل کو باآسانی قابلِ حصول بنانے کے لیے اٹھایا گیا ہے تاکہ صارفین بغیر کسی اضافی مالی بوجھ کے اپنی پسند کی یاماہا موٹرسائیکل حاصل کر سکیں۔ تاہم، ہر بینک کے فنانسنگ اصولوں کے تحت اہلیت، دستاویزات، اور ڈاؤن پیمنٹ کی شرائط مختلف ہو سکتی ہیں۔
خریدار مزید معلومات کے لیے یاماہا کی سرکاری ویب سائٹ یا قریبی یاماہا ڈیلرشپ سے رابطہ کرسکتے ہیں۔
مزیدپڑھیں:ثانیہ قابو نہ کرسکی تو ثناء کیا چیز ہے۔۔ شعیب ملک کی عروہ حسین کو گھورنے کی ویڈیو وائرل! صارفین نے آرے ہاتھوں لے لیا
.ذریعہ: Daily Ausaf
کلیدی لفظ: کے لیے
پڑھیں:
چین کا مزید ممالک کے لیے ویزا فری سہولت میں توسیع کا اعلان
چین نے اعلان کیا ہے کہ وہ اپنے 240 گھنٹے ویزا فری ٹرانزٹ پروگرام کو مزید بندرگاہوں تک توسیع دے رہا ہے، جبکہ 40 سے زائد ممالک کے لیے یکطرفہ ویزا استثنیٰ کی سہولت 31 دسمبر 2026 تک بڑھا دی گئی ہے۔
چینی حکومت کی جانب سے اٹھایا گیا یہ اقدام ملک کو دنیا کے لیے مزید کھولنے کی تازہ ترین کوشش ہے۔
یہ بھی پڑھیں: چین کا ’کے ویزا‘ کیا ہے اور یہ کس طرح حاصل کیا جا سکتا ہے؟
قومی امیگریشن ایڈمنسٹریشن کے مطابق، نئی شامل کی جانے والی بندرگاہوں میں گوانگژو، ژوہائی کے ہینگ چن اور ژونگ شان شہر، ہانگ کانگ-ژوہائی-مکاؤ پل، اور گوانگژو-شینزن-ہانگ کانگ ایکسپریس ریلوے کے ویسٹ کاؤلون اسٹیشن شامل ہیں۔
With Sweden newly added, the citizens of 48 countries now enjoy unilateral visa-free access to China. China’s door to the world is opening wider than ever.
We invite more international friends to see China and its progress firsthand. pic.twitter.com/Yr9YDcvxuN
— Mao Ning 毛宁 (@SpoxCHN_MaoNing) November 3, 2025
بدھ سے نافذ ہونے والی اس پالیسی کے تحت 240 گھنٹے کے ویزا فری ٹرانزٹ پروگرام کے لیے اہل بندرگاہوں کی تعداد 60 سے بڑھا کر 65 کر دی گئی ہے۔
اس سہولت کے تحت 55 ممالک کے شہری، مخصوص شرائط پوری کرنے پر، چین کے 24 صوبائی سطح کے علاقوں میں سے کسی بھی نامزد بندرگاہ سے داخل ہو سکتے ہیں اور بغیر ویزا کے 10 دن تک قیام کر کے کسی تیسرے ملک روانہ ہو سکتے ہیں۔
مزید پڑھیں: چین کی جانب سے ’کے ویزا’ کا اجرا، پاکستانی نوجوانوں کے لیے نئی راہیں کھل گئیں
یہ اقدام امیگریشن اتھارٹی کی جانب سے سرحدی آمد و رفت کے ضوابط میں نرمی کے لیے متعارف کرائی گئی 10 نئی پالیسیوں کا حصہ ہے، جن کا مقصد چینی اور غیر ملکی شہریوں کے لیے سفری سہولیات بڑھانا ہے۔
نئی پالیسی کے تحت 10 بین الاقوامی ہوائی اڈوں بشمول تیانجن، نانجنگ، اور چونگ چنگ کو 24 گھنٹے کے ویزا فری ٹرانزٹ کی فہرست میں شامل کیا گیا ہے، جہاں غیر ملکی مسافروں کو امیگریشن چیک سے گزرنے کی ضرورت نہیں ہوگی۔
مزید برآں، 20 نومبر سے غیر ملکی مسافر چین پہنچنے سے پہلے آن لائن داخلہ فارم پر کر سکیں گے، جبکہ سرحدی چیک پوائنٹس پر دستی یا الیکٹرونک فارم بھرنے کا آپشن بھی موجود ہوگا۔
پالیسی میں چین کے سرزمین کے باشندوں کے لیے ہانگ کانگ، مکاؤ اور تائیوان کے سفر کو آسان بنانے اور تائیوان کے باشندوں کے لیے چین آمد کے عمل کو بھی سہل کرنے کے اقدامات شامل ہیں۔
مزید پڑھیں: چین نے 6 ملکوں کے شہریوں کے لیے ویزا کی شرط ختم کردی
چینی وزارتِ خارجہ کے مطابق، چین نے فرانس، جرمنی، اٹلی، نیدرلینڈز، اسپین سمیت 40 سے زائد ممالک کے لیے ویزا فری پالیسی کی مدت 2026 کے آخر تک بڑھا دی ہے۔
اس کے ساتھ ہی سوئیڈن کو بھی 10 نومبر 2025 سے ویزا فری ممالک کی فہرست میں شامل کر لیا گیا ہے۔
وزارتِ خارجہ کی ترجمان ماؤ نِنگ کے مطابق، یہ اقدامات کمیونسٹ پارٹی کے حالیہ اجلاس میں منظور کیے گئے ترقیاتی منصوبوں کے مطابق ہیں۔
’جن کا مقصد چین کو عالمی سطح پر مزید کھولنا اور دیگر ممالک کے ساتھ افراد کی آمد و رفت کو فروغ دینا ہے۔‘
مزید پڑھیں: پاکستان کا چینی شہریوں کو 14 اگست سے مفت ویزا فراہم کرنے کا اعلان
سرکاری اعدادوشمار کے مطابق، 2025 کی تیسری سہ ماہی میں چین آنے والے غیر ملکی شہریوں کی تعداد 72 لاکھ 46 ہزار رہی۔
ان میں سے 72 فیصد نے ویزا فری پالیسی کے تحت سفر کیا، جو گزشتہ سال کے مقابلے میں 48 فیصد اضافہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکٹرونک فارم امیگریشن اتھارٹی بندرگاہوں چیک پوائنٹس چین سرحدی آمد و رفت غیر ملکی شہریوں ہانگ کانگ وزارت خارجہ ویزا استثنیٰ ویزا فری ٹرانزٹ پروگرام ویسٹ کاؤلون اسٹیشن
سدرہ بی بی قتل کیس میں بڑی پیشرفت: گرفتار 2 ملزمان کی ضمانت منظور، فوری رہائی کا حکم