سابق کپتان و ٹیم ڈائریکٹر “سعود شکیل” کی کپتانی کے گُن گانے لگے
اشاعت کی تاریخ: 22nd, May 2025 GMT
لاہور:پاکستان سپر لیگ (پی ایس ایل) 2025 کے فائنل میں رسائی حاصل کرنے کے بعد کوئٹہ گلیڈی ایٹرز کے ٹیم ڈائریٹر اور سابق کپتان سرفراز احمد نے پریس کانفرنس میں ٹیم کی کارکردگی اور کامیابی پر اظہارِ خیال کیا۔
سرفراز احمد نے گفتگو کا آغاز کرتے ہوئے کہا کہ سب سے پہلے اللّٰہ کا شکر ادا کرتے ہیں کہ ہم فائنل تک پہنچے۔ ٹیم نے آج بہت عمدہ کارکردگی دکھائی اور ایک اہم میچ جیتا۔”
انہوں نے کہا کہ گزشتہ چند سیزنز میں کوئٹہ کی کارکردگی تسلی بخش نہیں رہی تھی لیکن اس سال ٹیم نے نمایاں بہتری دکھائی۔
سرفراز احمد نے کہا کہ خاص طور پر کپتان سعود شکیل کی تعریف کرتے ہوئے کہا کہ اس سیزن سعود شکیل نے بہترین کپتانی کی اور ٹیم کو اعتماد دیا۔
سابق کپتان نے تسلیم کیا کہ ٹیم کی تشکیل ایک چیلنجنگ مرحلہ تھا، ٹیم ڈائریکٹر کا کہنا تھا کہ اس سیزن ہمیں اسکواڈ بنانے میں مشکلات کا سامنا رہا، کیونکہ اسکواڈ میں کئی اچھے اور امپیکٹ فل کھلاڑی شامل تھے، جس کی وجہ سے پلئنگ الیون کا انتخاب مشکل ہوا۔
فیلڈنگ کے حوالے سے بات کرتے ہوئے انہوں نے کہا کہ ٹیم کی فیلڈنگ نے میچ جتوانے میں کلیدی کردار ادا کیا۔ اگرچہ نوجوان وکٹ کیپر حسیب اللہ سے کچھ چانسز ضائع ہوئے لیکن سرفراز نے ان کا دفاع کرتے ہوئے کہا کہ پریشر میں ایسا ہو جاتا ہے، مگر حسیب اللہ ایک باصلاحیت کھلاڑی ہے اور مستقبل میں سیکھے گا۔
سرفراز نے پاک بھارت کشیدگی کے بعد پی ایس ایل کی بحالی پر پاکستان کرکٹ بورڈ (PCB) اور لیگ انتظامیہ کی کوششوں کو سراہا، پی سی بی اور پی ایس ایل منیجمنٹ نے لیگ کو دوبارہ منظم کرنے میں بہترین کردار ادا کیا۔
اسلام آباد یونائٹیڈ کے بارے میں گفتگو کرتے ہوئے سرفراز نے کہا کہ ان کے پاس ایک متوازن اسکواڈ تھا اور وہ ایک مضبوط حریف ثابت ہوئے۔
سرفراز احمد نے فائنل کی تیاری کے حوالے سے کہا کہ ہم چاہتے ہیں کہ کھلاڑی ایک دن آرام کریں اور پھر فائنل کے لیے بھرپور تیاری کریں۔ اگر بارش ہو جائے اور ہمیں فائدہ ملے تو وہ بھی اللہ کی طرف سے ہوگا۔
Post Views: 1.ذریعہ: Daily Mumtaz
کلیدی لفظ: کرتے ہوئے نے کہا کہ
پڑھیں:
نواز شریف اور عمران خان کی ملاقات کی خبریں بے بنیاد ہیں، اسحاق ڈار
data-id="863a0a8" data-element_type="widget" data-widget_type="theme-post-content.default">
لاہور: نائب وزیرِاعظم اور وزیر خارجہ اسحاق ڈار نے سابق وزیراعظم نواز شریف اور چیئرمین تحریک انصاف عمران خان کے درمیان اڈیالہ جیل میں ہونے والی مبینہ ملاقات کو محض افواہ قرار دے دیا۔
حضرت داتا گنج بخش کے مزار پر 982 ویں عرس کے موقع پر میڈیا سے گفتگو کرتے ہوئے اسحاق ڈار نے کہا کہ یہ خبر کسی کی خواہش تو ہوسکتی ہے مگر اس کا حقیقت سے کوئی تعلق نہیں۔
انہوں نے دوٹوک کہا کہ مسلم لیگ (ن) اور اس کی قیادت کا ایجنڈا واضح ہے، جس کا محور ملک کی معاشی خوشحالی اور سلامتی ہے۔
اسحاق ڈار نے بتایا کہ حالیہ آذربائیجان کے دورے کے دوران پاکستان نے 2 ارب ڈالر مالیت کے معاہدے کیے ہیں، جو ملکی معیشت کے لیے بڑی پیش رفت ہے۔
انہوں نے کہا کہ موجودہ حکومت کی کوششوں سے مہنگائی میں کمی آئی ہے اور عوام کو مزید ریلیف دینے کے لیے جامع اقدامات کیے جارہے ہیں۔
نائب وزیراعظم نے مزار داتا دربار پر ترقیاتی منصوبوں کا ذکر کرتے ہوئے بتایا کہ وزیراعلیٰ پنجاب مریم نواز نے دربار کے احاطے میں مدینہ منورہ طرز کی چھتریوں کی تنصیب کی منظوری دے دی ہے۔
خارجہ امور پر بات کرتے ہوئے اسحاق ڈار نے کہا کہ پاکستان نے بھارتی جارحیت کا 9 اور 10 مئی کی درمیانی شب بھرپور جواب دیا اور فضائی حدود میں بھارت کو بدترین شکست کا سامنا کرنا پڑا۔ ان کا کہنا تھا کہ اللہ کے فضل سے آج پاکستان عالمی سطح پر ایک منفرد مقام رکھتا ہے اور سلامتی کونسل کی صدارت اس کی واضح مثال ہے۔
ایران سے تعلقات پر بات کرتے ہوئے انہوں نے کہا کہ پاکستان نے ہر مشکل وقت میں ایران کا ساتھ دیا، جس کا ایران کی عوام نے بھرپور خیر مقدم کیا۔ ساتھ ہی اسرائیل کی جانب سے ایران پر کیے گئے حملوں کی شدید مذمت کرتے ہوئے کہا کہ پاکستان امن کا خواہاں ہے اور جنگ اس کے ایجنڈے کا حصہ نہیں۔
سیاسی صورتحال پر بات کرتے ہوئے اسحاق ڈار نے واضح کیا کہ پیپلز پارٹی حکومت کی مضبوط اتحادی ہے اور کسی قسم کے عہدوں کی خواہشمند نہیں۔ انہوں نے کہا کہ حکومت پارلیمنٹ میں مستحکم اکثریت رکھتی ہے اور نواز شریف و عمران خان کی ملاقات سے متعلق گردش کرنے والی افواہیں حقائق کے برعکس ہیں۔
اسحاق ڈار نے کہا کہ نواز شریف اور عمران خان کی ملاقات کی خبریں محض افواہیں ہیں، نہ ایسی کوئی ملاقات ہوئی اور نہ ہی اس کا کوئی امکان ہے۔
یورپ میں قیامت خیز گرمی؛ اسپین میں درجہ حرارت 46 ڈگری تک پہنچ گیا