انتہائی مطلوب دہشتگرد گرفتار کر لئے گئے ، تفصیل جانئے
اشاعت کی تاریخ: 22nd, May 2025 GMT
رینجرز اور کاؤنٹر ٹیررازم ڈیپارٹمنٹ (سی ٹی ڈی) نے خفیہ اطلاعات پر کراچی کے علاقے کورنگی میں مشترکہ کارروائی کرتے ہوئے فتنہ الخوارج سے تعلق رکھنے والے تین انتہائی مطلوب دہشتگردوں کو گرفتار کر لیا۔
ترجمان رینجرز کے مطابق گرفتار دہشتگردوں میں نعمت عابد، محمد نور عرف مانی اور صابر اللہ عرف دانیال شامل ہیں۔ کارروائی کے دوران دہشتگردوں کے قبضے سے بھاری مقدار میں اسلحہ، ایمونیشن اور دھماکہ خیز مواد بھی برآمد کیا گیا۔
ترجمان کا کہنا ہے کہ گرفتار ملزمان فتنہ الخوارج کے اہم کمانڈر رومّان رئیس اور اسلام الدین گروپ سے منسلک ہیں اور یہ تمام افراد عسکری تربیت یافتہ ہیں۔ انہیں کراچی میں بھتہ خوری، ٹارگٹ کلنگ اور سیکیورٹی فورسز کو نشانہ بنانے کے مقصد سے بھیجا گیا تھا۔
رینجرز ترجمان کے مطابق ملزم نعمت اللہ نے دوران تفتیش اعتراف کیا ہے کہ وہ فتنہ الخوارج کا انتہائی سرگرم رکن ہے اور 2018 میں اس نے مفتی نور ولی گروپ میں شمولیت اختیار کی تھی۔
حکام کے مطابق گرفتار دہشتگردوں سے مزید تفتیش جاری ہے اور ان کے دیگر ساتھیوں کی تلاش میں چھاپے مارے جا رہے ہیں۔ کراچی میں دہشتگردی کی ممکنہ کارروائی کو بروقت ناکام بنانے پر سیکیورٹی اداروں کی کارروائی کو سراہا جا رہا ہے۔
.ذریعہ: Daily Ausaf
پڑھیں:
شمالی وزیرستان میں کرفیو کا اعلان
خیبرپختونخوا کے ضلعے شمالی وزیرستان میں ہفتے کو کرفیو کے نفاذ کا اعلان کردیا گیا۔
یہ بھی پڑھیں: شمالی وزیرستان میں بھارتی حمایت یافتہ فتنہ الخوارج کی دراندازی ناکام، 30 دہشتگرد ہلاک، آئی ایس پی آر
ضلعی انتظامیہ کے مطابق کرفیو صبح 5 بجے سے شام 7 بجے تک نافذ رہے گا۔
نوٹیفکیشن میں کہا گیا ہے کہ کرفیو کے دوران تمام مین شاہراہیں عام ٹریفک کے لیے بند رہیں گی۔
واضح رہے کہ پاک فوج نے شمالی وزیرستان میں 2 مختلف کارروائیوں میں بھارتی حمایت یافتہ فتنہ خوارج کے 30 دہشتگردوں کو ہلاک کردیا۔
مزید پڑھیے: شمالی وزیرستان حملہ: وزیر اعلیٰ خیبر پختونخوا علی امین گنڈاپور کی زخمی اہلکاروں کی عیادت
آئی ایس پی آر کے مطابق شمالی وزیرستان میں پاک افغان سرحد پر فتنہ خوارج کے دہشتگردوں نے دراندازی کی کوشش کی اور سیکیورٹی فورسز نے حسن خیل میں بھارتی پراکیسز سے وابستہ دہشتگردوں کی نقل و حرکت کا پتا لگایا جس کے نتیجے میں 30 دہشتگرد مار دیے گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی ایس پی آر خیبرپختونخوا شمالی وزیرستان شمالی وزیرستان کرفیو فتنہ خوارج
اماراتی دارالحکومت کی آبادی میں 7.5 فیصد اضافہ