چین ، قومیتی زبانوں کی نشریات کی 75ویں سالگرہ کی مناسبت سے سمپوزیم کا انعقاد
اشاعت کی تاریخ: 22nd, May 2025 GMT
بیجنگ :
چائنا میڈیا گروپ کے قومیتی زبانوں کے پروگراموں کی شروعات اور عوامی جمہوریہ چین میں قومیتی زبانوں کی نشریات کی 75ویں سالگرہ کے حوالے سے ایک سمپوزیم بیجنگ میں منعقد ہوا۔ کمیونسٹ پارٹی آف چائنا کی مرکزی کمیٹی کے شعبہ تشہیر کے نائب سربراہ اور چائنا میڈیا گروپ کے صدر شین ہائی شیونگ نے مرکزی قیادت کی ہدایات سے آگاہ کیا اور خطاب کیا۔
شین ہائی شیونگ نے کہا کہ چائنا میڈیا گروپ کے قیام کے سات سالوں میں قومیتی زبانوں کے پروگراموں نے اعلیٰ معیار کی ترقی کے نئے مواقع پیدا کیے ہیں اور قومیتی زبانوں کے پروگراموں کے انضمام اور پھیلاؤ کو مزید توسیع دینے کا سلسلہ جاری رکھا ہے، جس سے چین کی 56 قومیتوں کو انار کے بیجوں کی طرح ایک دوسرے کے ساتھ رہنے کی ترغیب دی گئی ہے۔ 75 ویں سالگرہ ایک سنگ میل اور ایک نیا نقطہ آغاز ہے۔چائنا میڈیا گروپ کے قومیتی زبانوں کے پروگراموں کو “تخیل + فن + ٹیکنالوجی” کے مربوط پھیلاؤ کو مزید گہرا کرنا چاہیے اور چینی قوم کے عظیم اتحاد کو مضبوط اور ترقی دینے کے لیے رائے عامہ کی مضبوط اور موثر حمایت فراہم کرنا چاہیے۔
چائنا میڈیا گروپ کے قومیتی زبانوں کی نشریات نے 4 ریڈیو فریکوئنسیوں اور 5 قومیتی زبانوں کی ویب سائٹس کے اعلیٰ معیار کے اپ گریڈ کو مستقل طور پر فروغ دیا ہے، ملٹی پلیٹ فارم کے نیو میڈیا اکاؤنٹس تشکیل دیے ہیں، اور قومیتی زبانوں کے پروگرام کی ترویج کا کلسٹر تشکیل دیا ہے۔
ذریعہ: Daily Mumtaz
پڑھیں:
“جنگی میدان میں شکست؛ پاک بھارت ٹیمیں اب ایک گروپ میں نہیں ہونگی”
بھارتی میڈیا ایک مرتبہ پھر جنگی میدان میں شکست کا بدلہ کھیل سے نکالنے میں مصروف ہوگیا۔
میڈیا رپورٹس میں دعویٰ کیا جارہا ہے کہ انٹرنیشنل کرکٹ کونسل (آئی سی سی) کے سالانہ اجلاس میں پاک بھارت ٹیموں کو ایک گروپ سے نکالنے سمیت مستقبل میں پاکستان کیخلاف میچز سے متعلق فیصلہ بھی ہونے کا امکان ہے۔
گزشتہ کئی دہائیوں سے آئی سی سی ایونٹس میں پاکستان اور بھارت کو ایک ہی گروپ میں رکھا جاتا ہے تاکہ دونوں ٹیمیں کم از کم 2 بار ٹورنامنٹ میں مدمقابل آسکیں اور انٹرنیشنل کرکٹ کونسل کا ریونیو بڑھایا جاسکے۔
تاہم دونوں ممالک کے درمیان حالیہ سرحدی کشیدگی نے معاملات کو الجھا دیا ہے اور قوی امکان ہے بھارتی کرکٹ بورڈ (بی سی سی آئی) آئی سی سی ایونٹس ایک گروپ میں شامل نہ کرنے کا مطالبہ کرے۔
واضح رہے کہ پاکستان اور بھارت صرف آئی سی سی ایونٹس میں ایک دوسرے کے خلاف کھیلتے ہیں تاہم تاریخی ہزیمت کے بعد بھارت اور سری لنکا میں شیڈول ٹی20 ورلڈکپ کی مشترکہ میزبانی پر بھی سیاہ بادل منڈلا رہے ہیں۔
دوسری جانب آئی سی سی سربراہ کے طور پر منتخب ہونیوالے جے شاہ ہندوستانی موقف کو دہرا رہے ہیں۔
خیال رہے کہ انٹرنیشنل کرکٹ کونسل (آئی سی سی) کا سالانہ جنرل اجلاس 17 سے 20 جولائی تک سنگاپور میں منعقد ہوگا۔
Post Views: 6
معرکہ حق میں تاریخی فتح پر ملک بھر میں آج یوم تشکر منایا جا رہا ہے