کراچی، گلشن معمار میں شوہر کی فائرنگ سے بیوی ہلاک
اشاعت کی تاریخ: 23rd, May 2025 GMT
کراچی:
شہر قائد میں گلشن معمار کے علاقے ملا عیسیٰ گوٹھ معمار میں شوہر کی فائرنگ سے بیوی جاں بحق ہوگئی۔
جاں بحق ہونے والی خاتون کی لاش ایدھی ایمبولینس کے ذریعے عباسی شہید اسپتال منتقل کی گئی۔
ترجمان کراچی پولیس کے مطابق مقتولہ کی شناخت 22 سالہ اقصیٰ سولنگی کے نام سے کی گئی، مقتولہ کے ماموں انور علی سولنگی نے ایکسپریس کو بتایا کہ مقتولہ کو اس کے شوہر اسماعیل چنہ نے تشدد کا نشانہ بنانے کے بعد سر پر گولی مار کر قتل کر دیا۔
اطلاع ملنے پر پولیس موقع پر پہنچ گئی اور ملزم کو آلہ قتل ( پستول ) سمیت حراست میں لے کر تھانے منتقل کیا۔
انور علی سولنگی نے بتایا کہ مقتولہ نے تقریباً 6 ماہ قبل اسماعیل چنہ سے اپنے گھر والوں کی اجازت کے بغیر محبت کی شادی کی تھی جبکہ اسماعیل پہلے سے شادی شدہ اور چار بچوں کا باپ ہے۔
مزید پڑھیں: کراچی، فلیٹ سے خاتون کی پرانی لاش برآمد، ورشہ جعفری کے نام سے شناخت
انہوں نے قتل کی وجہ بتائی کہ اسماعیل سولنگی کا گھر دو منزلہ ہے ، اسماعیل کی پہلی بیوی اپنے چاروں بچوں ، ساس ، سسر ، دیور اور نندوں کے ہمراہ گراؤنڈ فلور پر جبکہ اقصیٰ کا کمرہ بالائی منزل پر ہے۔
واقعے سے پہلے اقصیٰ کے ساس اسے گھر کے کسی کام کے سلسلے میں اپنے ساتھ نیچے لے گئی تھی جب اسماعیل گھر آیا تو وہ اقصیٰ کو نیچے دیکھ کر آگ بگولہ ہوگیا اور اسے اوپر لے جا کر بہیمانہ تشدد کا نشانہ بنایا اس نے نازیبا الفاظ استعمال کرتے ہوئے کہا کہ تم میری اجازت کے بغیر نیچے کیوں گئیں وہاں میرے بھائی بھی موجود ہیں جن کی نیت خراب ہے۔
ملزم کا جب تشدد سے دل نہیں بھرا تو اس نے پستول نکال کر اقصیٰ کے سر پر گولی مار کر قتل کر دیا ، انہوں نے بتایا کہ ملزم اسماعیل لینڈ گریبر ہے جو ملا عسیٰ گوٹھ میں زمینوں پر قبضے کر فروخت کرنے کا کام کرتا ہے۔
.
ذریعہ
ذریعہ: Express News
پڑھیں:
مستونگ میں سیشن جج عبدالحکیم کاکڑ فائرنگ میں شہید، گن مین بھی جاں بحق
بلوچستان کے ضلع مستونگ میں قومی شاہراہ پر نامعلوم مسلح افراد کی فائرنگ کے نتیجے میں سیشن جج عبدالحکیم کاکڑ اور ان کے گن مین شہید ہوگئے، جبکہ ایڈیشنل سیشن جج طارق لاشاری سمیت دو افراد شدید زخمی ہو گئے۔ واقعے کے بعد قانون نافذ کرنے والے اداروں نے علاقے کو گھیرے میں لے کر حملہ آوروں کی تلاش اور تحقیقات کا آغاز کر دیا ہے۔
ڈپٹی کمشنر مستونگ بہرام سلیم کے مطابق سیشن جج عبدالحکیم کاکڑ کوئٹہ سے مستونگ جا رہے تھے کہ قومی شاہراہ پر نامعلوم مسلح افراد نے ان کی گاڑی پر اندھا دھند فائرنگ کر دی۔ حملے کے نتیجے میں سیشن جج اور ان کے گن مین موقع پر ہی شہید ہوگئے، جبکہ گاڑی میں سوار ایڈیشنل سیشن جج طارق لاشاری سمیت دو افراد شدید زخمی ہوئے۔
واقعے کے فوری بعد شہداء اور زخمیوں کو قریبی اسپتال منتقل کیا گیا، جہاں زخمیوں کو طبی امداد فراہم کی جا رہی ہے۔ سکیورٹی فورسز نے جائے وقوعہ کو گھیرے میں لے کر شواہد اکٹھے کیے اور حملہ آوروں کی گرفتاری کے لیے سرچ آپریشن شروع کر دیا ہے۔
دوسری جانب بلوچستان بار کونسل نے حملے کو نظامِ انصاف پر دہشت گردانہ حملہ قرار دیتے ہوئے شدید مذمت کی ہے۔ بار کونسل نے واقعے کے خلاف صوبہ بھر میں دو روزہ عدالتی ہڑتال اور تین روزہ سوگ کا اعلان کیا ہے۔ اعلامیے میں ججز، وکلا اور شہریوں کی سکیورٹی یقینی بنانے، حملے میں ملوث عناصر کی فوری گرفتاری اور انہیں قانون کے مطابق سزا دینے کا مطالبہ بھی کیا گیا۔
وزیراعلیٰ بلوچستان میر سرفراز بگٹی اور صوبائی وزیر داخلہ میر ضیاء اللہ لانگو نے بھی واقعے کی سخت الفاظ میں مذمت کرتے ہوئے شہداء کے اہل خانہ سے اظہار تعزیت کیا۔ انہوں نے متعلقہ اداروں کو حملہ آوروں کی فوری گرفتاری اور واقعے کی جامع تحقیقات کی ہدایت دیتے ہوئے کہا کہ ذمہ دار عناصر کو قانون کی گرفت سے نہیں بچنے دیا جائے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا