فیض حمید کو کم سے کم کتنے سال قید کی سزا ہوگی،فیصل واوڈا کی پیشگوئی
اشاعت کی تاریخ: 23rd, May 2025 GMT
فیصل واوڈا نے کہا ہے کہ فیض حمید کو کم سے کم 14 سال قید کی سزا ہوگی، وہ اپنے بندوں کونہیں چھوڑ رہے تو دوسروں کو چھوڑ دیں گے؟ بادشاہوں کے دل بڑے اور جیلوں کے کمرے چھوٹے ہوتے ہیں، طنزیہ گفتگو سے بانی کی تکالیف مزید بڑھ جائیں گی۔ آپ یہ خیال چھوڑ دیں کہ اسٹیبلشمنٹ آپ سے بات کرے گی، اسٹیبلشمنٹ آپ سے کبھی بات نہیں کرے گی۔
سینئر سیاستدان سینیٹر فیصل واوڈا نے کہا کہ اب تو سیاست رہی نہیں، ایک ہی آدمی ہے جو لیڈ کر رہا ہے، فیلڈ مارشل تینوں مسلح افواج کی کمان سنبھالیں گے اور ان کی وجہ سے پاکستان کو وہ تمام فوائد مل رہے ہیں جن کا ملک کئی سالوں سے منتظر تھا۔ پوری قوم ان کے ساتھ کھڑی ہے۔
انہوں نے کہا کہ وزیراعظم شہباز شریف بغیر پہیے کے جہاز چلا رہے ہیں جس میں ہم سب اور وہ خود بھی شامل ہیں اور ملک کو فائدہ ہو رہا ہے، لہٰذا انہیں اس کا کریڈٹ دینا چاہیے۔
فیصل واوڈا نے فیلڈ مارشل کی قابلیت اور ایمانداری کی تعریف کرتے ہوئے کہا کہ وہ دباؤ میں نہیں آتے اور ملکی مفادات کے تمام محاذوں پر آگے ہیں، چاہے وہ آئی ایم ایف کے معاملات ہوں، سیاست، دہشت گردی یا سرمایہ کاری۔ انہوں نے کہا کہ انہیں عزت و مقام ملنا چاہیے کیونکہ وہ ایک ”ون مین شو“ ہیں۔
پی ٹی آئی کے حوالے سے انہوں نے کہا کہ اب نہ پی ٹی آئی کو سوال کرنا چاہیے، نہ اسٹیبلشمنٹ سے بات کرنی ہے اور نہ حکومت سے۔ موجودہ حکومت کی جو کمزوریاں تھیں سب چھپ گیا کیوں کہ ان کے دور میں ہی یہ کامیابیاں حاصل ہوئیں۔ انہوں نے کہا کہ اب پی ٹی آئی کے ساتھ لڑائی کا وقت نہیں بلکہ انہیں ساتھ بٹھا کر بات کرنی چاہیے۔
فیصل واوڈا نے کہا کہ اگر ان کے بچوں کو نقصان پہنچا تو پھر مودی کا سر مانگنا پڑے گا۔ مودی سے بھارت کی جان سپہ سالار ہی چھڑائے گا، اگر پانی روکا تو ہم بھارت پر حملہ کریں گے، ہم لاشوں کے ڈھیر لگادیں گے، امریکا اور پاکستان کے درمیان تجارت کے آپیشنز ’لاک‘ ہوچکے ہیں، اب اس کے نتائج آنا باقی ہیں۔
علیمہ خان کے بیان پر تبصرہ کرتے ہوئے فیصل واوڈا نے طنزیہ انداز میں کہا کہ ”بادشاہت تو ہے، بادشاہوں کے دل بڑے اور جیلوں کے کمرے چھوٹے ہوتے ہیں۔“ انہوں نے کہا کہ اسٹیبلشمنٹ کبھی پی ٹی آئی سے بات نہیں کرے گی اور فیض حمید کو کم از کم 14 سال قید کی سزا ملے گی۔ عمران خان کی جلد رہائی کے امکانات نہیں ہیں
انہوں نے مزید کہا کہ جس جہاز میں وہ خود بیٹھے ہیں، اس میں ن لیگ بھی ہے اور پی ٹی آئی بھی اسی جہاز میں میں بیٹھنے آ رہی ہے۔
.ذریعہ: Daily Ausaf
کلیدی لفظ: انہوں نے کہا کہ فیصل واوڈا نے پی ٹی ا ئی
پڑھیں:
تنخواہ بند نہیں ہوگی... لیورپول نے حادثے میں ہلاک فٹبالر کے اہلخانہ کا ہاتھ تھام لیا
لیورپول فٹبال کلب نے پرتگالی اسٹار فارورڈ ڈییوگو جوٹا کی کار حادثے میں ہلاکت کے بعد انکے اہلخانہ کی مالی معاونت کا اعلان کردیا۔
ڈییوگو جوٹا اسپین کے علاقے زامورا میں اپنے چھوٹے بھائی آندرے سلوا کے ہمراہ حادثے کا شکار ہوئے تھے جس میں دونوں بھائیوں کی موقع پر ہی موت ہوگئی تھی۔
رپورٹس کے مطابق جوٹا حال ہی میں پھیپھڑوں کی سرجری سے گزرے تھے اور ڈاکٹروں نے انہیں پرواز سے گریز کرنے کی ہدایت کی تھی جس کے باعث وہ انگلینڈ واپس نہ جا سکے۔
ڈییوگو جوتا نے 2020 میں وولورہیمپٹن وانڈرز سے لیورپول میں شمولیت اختیار کی اور پانچ سالہ کیریئر میں 182 میچز میں شرکت کی۔
وہ لیورپول کی 2024-25 پریمیئر لیگ جیتنے والی ٹیم کا بھی اہم حصہ رہے۔ ان کی شاندار کارکردگی نے انہیں مداحوں میں بے حد مقبول بنا دیا تھا۔
ڈییوگو جوتا کی ناگہانی موت کے بعد لیورپول ایف سی نے ان کے اہلِ خانہ کو مکمل مالی امداد فراہم کرنے کا اعلان کیا ہے۔ کلب کے مطابق جوٹا کا معاہدہ 2027 تک تھا اور ان کی ہفتہ وار تنخواہ 1 لاکھ 40 ہزار پاؤنڈ (تقریباً 5 کروڑ 16 لاکھ پاکستانی روپے) تھی۔
اس حساب سے کلب کی جانب سے ان کے خاندان کو جو مجموعی رقم دی جا رہی ہے، وہ 1 کروڑ 45 لاکھ 60 ہزار پاؤنڈ بنتی ہے، یعنی پاکستانی کرنسی میں یہ رقم 5 ارب 37 کروڑ روپے سے زائد ہے۔
لیورپول کلب نے جوٹا کو خراجِ عقیدت پیش کرتے ہوئے ان کی شرٹ نمبر 20 کو ہمیشہ کے لیے ریٹائر کرنے کا اعلان کیا ہے۔
کلب کے ایگزیکٹو مائیکل ایڈورڈز اور رچرڈ ہیوز نے مشترکہ بیان میں کہا کہ ڈییوگو جوٹا صرف ایک عظیم فٹبالر نہیں بلکہ ایک باکمال انسان تھے، جن کا خلا کبھی پورا نہیں ہو سکے گا۔ وہ ہمارے دلوں میں ہمیشہ زندہ رہیں گے۔
ایف آئی اے کی کارروائی، حوالہ ہنڈی اور غیرقانونی کرنسی ایکسچینج میں ملوث ملزم گرفتار