کویت نے پاکستانیوں کیلئے ویزے کھول دیئے
اشاعت کی تاریخ: 24th, May 2025 GMT
کویت سٹی ( اُردو پوائنٹ اخبارتازہ ترین۔ 24 مئی 2025ء ) خلیجی ملک کویت نے پاکستانی شہریوں کے لیے ویزے دوبارہ کھول دیئے، جس کے نتیجے میں، پاکستانی شہریوں کو مختلف ویزوں کی منظوری ملنا شروع ہو گئی، پاکستان 1 ہزار 200 نرسوں کو کویت بھیجے گا جس کے تحت صحت کی دیکھ بھال کو فروغ دیا جائے گا۔ گلف نیوز کے مطابق کویت میں پاکستان کے سفیر ڈاکٹر ظفر اقبال نے اعلان کیا ہے کہ کویت کی حکومت نے دو طرفہ تعلقات کو تقویت دینے اور خلیجی ملک کو درکار لیبر کی اہم ضروریات کو پورا کرنے کی جانب ایک اہم قدم کے طور پر پاکستانی شہریوں کو وسیع پیمانے پر ویزوں کا اجراء باضابطہ طور پر دوبارہ شروع کر دیا ہے، 1 ہزار 200 پاکستانی نرسوں کو کویت میں شعبہ صحت میں لانے کا منصوبہ بنایا گیا ہے کیوں کہ اس شعبے میں کویت کو بڑھتی ہوئی طلب کا سامنا ہے، اس سلسلے میں 125 نرسوں کا ایک ابتدائی گروپ گزشتہ ہفتے آنے والا تھا لیکن رہائش کے چیلنجوں کی وجہ سے تاخیر کا سامنا کرنا پڑا، خصوصی ٹیمیں فعال طور پر اس مسئلے کو حل کر رہی ہیں اور ہم امید کرتے ہیں آنے والے دنوں میں نرسیں آئیں گی۔
(جاری ہے)
بتایا گیا ہے کہ رواں ماہ مئی سے پاکستانی شہریوں نے مختلف ویزوں کے لیے منظوری حاصل کرنا شروع کر دی ہے، جن میں کام، فیملی وزٹ، ٹورسٹ اور تجارتی زمرے شامل ہیں، جس سے دونوں ممالک کے درمیان سفر اور ملازمت کے لیے ایک اہم چینل بحال ہو گیا ہے، ڈاکٹر اقبال نے یہ بھی انکشاف کیا کہ پاکستان اور کویت مزدوروں کی نقل و حرکت اور تعاون کو ہموار کرنے کے لیے ایک نئے لیبر مفاہمت کی یادداشت (ایم او یو) پر دستخط کرنے کے آخری مراحل میں ہیں، جس کی کچھ دفعات پر باقاعدہ دستخط سے پہلے ہی عمل درآمد کیا جا رہا ہے۔ انہوں نے کہا کہ پاکستان اور کویت کے درمیان تعلقات دونوں ممالک کی جدید ریاستوں سے پہلے کے ہیں، ابتدائی اقتصادی ہجرت سے لے کر 1960ء اور 70 کی دہائیوں میں کویت کے بنیادی ڈھانچے کی تشکیل میں پاکستانی انجینئرز اور ورکرز کے کردار کی وجہ سے ہماری مشترکہ میراث گہری ہے، کویت میں 93 ہزار سے زائد پاکستانی مقیم ہیں، یہ کمیونٹی صحت کی دیکھ بھال، تعلیم اور دیگر شعبوں میں اہم کردار ادا کرتی ہے، ہمارے شہری مثالی اور قابل احترام شراکت دار ہیں۔ پاکستانی سفیر نے بتایا کہ پاکستان کے وزیر اعظم اور کویت کی قیادت کے درمیان گزشتہ چھ ماہ کے دوران متعدد مصروفیات کے ساتھ دونوں ممالک کے درمیان متواتر اعلیٰ سطحوں کے رابطے ہوئے ہیں، کویت علاقائی امن کی تعمیر اور بین الاقوامی سفارت کاری میں کلیدی کردار ادا کرتا ہے، اقوام متحدہ کی سلامتی کونسل میں غیر مستقل نشست کے لیے پاکستان کی حالیہ کامیابی میں بھی کویت کی حمایت اہم تھی جہاں پاکستان کو زبردست عالمی حمایت حاصل ہوئی تھی۔.
ذریعہ
ذریعہ: UrduPoint
کلیدی لفظ: تلاش کیجئے پاکستانی شہریوں کے درمیان کے لیے
پڑھیں:
دوسرا ون ڈے: آسٹریلیا نے پاکستان کو جیت کیلئے 232 رنز کا ہدف دے دیا
تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔پاکستان نے آسٹریلیا کے خلاف پہلا ون ڈے جیتنے والی ٹیم کو ہی برقرار رکھا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ