سیکیورٹی صورتحال کے پیش نظر دفاعی بجٹ میں اضافہ ہوگا، احسن اقبال
اشاعت کی تاریخ: 24th, May 2025 GMT
اسلام آباد میں گفتگو کرتے ہوئے وفاقی وزیر منصوبہ بندی نے کہا کہ آج جب فیلڈ مارشل سید عاصم منیر کو شاندار کارکردگی پر سراہا جا رہا ہے تو بانی پی ٹی آئی کا ردعمل مثبت نہیں۔ اسلام ٹائمز۔ وفاقی وزیر برائے منصوبہ بندی احسن اقبال نے کہا ہے کہ ملکی سیکیورٹی صورتحال کے پیش نظر مسلح افواج کے دفاعی بجٹ میں اضافہ کیا جائے گا جبکہ عوام کو بھی ریلیف دیں گے۔ واضح رہے کہ وفاقی حکومت مالی سال 26-2025 کا بجٹ 10 جون کو پیش کرے گی۔ اسلام آباد میں بجٹ کے حوالے سے انجنیئرز کی سیکریٹری جنرل آئی ای پی امیر ضمیر کی قیادت میں وفد کی وفاقی وزیر پلاننگ احسن اقبال سے ملاقات ہوئی۔
اس موقع پر گفتگو کرتے ہوئے احسن اقبال کا کہنا تھا کہ عالمی مالیاتی ادارہ (آئی ایم ایف) حکومتی اقدامات سے مطمئن ہو گیا ہے، بجٹ پر آئی ایم ایف کا کوئی دباؤ نہیں ہے، عوام کو ریلیف دیں گے۔ انہوں نے کہا کہ بجٹ میں تاخیر وزیراعظم کے بیرون ملک دورے کی وجہ سے ہوئی، اسکے علاوہ عید بھی ہے۔ احسن اقبال کا کہنا تھا کہ پاکستان تحریک انصاف (پی ٹی آئی) عمران خان کی پالسیوں کی وجہ سے تنہا رہی گئی ہے۔
وفاقی وزیر منصوبہ بندی نے کہا کہ آج جب فیلڈ مارشل سید عاصم منیر کو شاندار کارکردگی پر سراہا جا رہا ہے تو بانی پی ٹی آئی کا ردعمل مثبت نہیں۔ انہوں نے مزید کہا کہ حکومت کوئی ایسا قدم نہیں اٹھائے گی، جس سے قومی اتحاد اور یگانگت متاثر ہو۔ وفاقی وزیر کا کہنا تھا کہ ہم دیا میر بھاشا ڈیم سمیت تمام آبی منصوبے جلد مکمل کریں گے تاکہ بھارت فائدہ نہ اٹھائے، بھارت کے خلاف جنگ جیتنے پر قوم متحد اور جذبہ بلند ہوا ہے۔
انہوں نے کہا کہ بھارت کی آبی جارحیت کا مقابلہ کرنے کے لیے ہم دیا میر بھاشا ڈیم سمیت تمام منصوبوں کو ترجیحی بنیادوں پر فنڈز دیں گے۔ احسن اقبال کا کہنا تھا کہ ملکی سیکیورٹی صورتحال کے پیش نظر مسلح افواج کے دفاعی بجٹ میں اضافہ کیا جائے گا، بجٹ میں ینگ انجنیئرز کے لیے پیڈ انٹرن شپ پروگرام لا رہے ہیں۔ وفاقی وزیر احسن اقبال نے انجنیئرز کے لیے بجٹ میں مطالبات شامل کرنے کی یقین دہانی بھی کرائی۔
ذریعہ: Islam Times
کلیدی لفظ: کا کہنا تھا کہ وفاقی وزیر احسن اقبال نے کہا کہ
پڑھیں:
کراچی: وفاقی وزیر احسن اقبال نیول چیف و دیگر معززین کیساتھ انٹرنیشنل میری ٹائم ایکسپو اور کانفرنس 2025ء کے اسٹالز کا دورہ کررہے ہیں
data-id="863a0a8" data-element_type="widget" data-widget_type="theme-post-content.default">
251104-01-25
کراچی، نادرن بائی پاس پر پلاسٹک کے گودام میں آگ لگ گئی