اسحاق ڈار کا آذربائیجان کے وزیر خارجہ سے ٹیلیفونک رابطہ
اشاعت کی تاریخ: 24th, May 2025 GMT
ترجمان دفتر خارجہ کے مطابق پاکستان اور آذربائیجان کے وزرائے خارجہ نے ٹیلیفونک گفتگو میں دو طرفہ تعلقات تبادلہ خیال کیا، وزرائے خارجہ نے خطے اور عالمی منظر نامے پر بات چیت کی۔ اسلام ٹائمز۔ نائب وزیراعظم و وزیر خارجہ اسحاق ڈار کا آذربائیجان کے وزیر خارجہ سے ٹیلیفونک رابطہ ہوا۔ ترجمان دفتر خارجہ کے مطابق دونوں وزرائے خارجہ نے دو طرفہ تعلقات تبادلہ خیال کیا، وزرائے خارجہ نے خطے اور عالمی منظر نامے پر بات چیت کی۔ دفتر خارجہ کے ترجمان کے مطابق دونوں راہنماؤں کے درمیان رابطے کے دوران وزیر اعظم شہباز شریف کے دورہ آذربائیجان پر بھی بات چیت ہوئی۔
.ذریعہ: Islam Times
پڑھیں:
اسحاق ڈار کا سعودی وزیر خارجہ سے رابطہ، تعاون مضبوط بنانے کا عزم
اسلام آباد (خبر نگار خصوصی+ نوائے وقت رپورٹ) نائب وزیراعظم اور وزیرخارجہ اسحٰق ڈار کے سعودی عرب کے وزیر خارجہ شہزادہ فیصل بن فرحان سے ٹیلی فونک رابطے میں دونوں رہنماؤں کے درمیان علاقائی صورتحال کی پیشرفت پر تبادلہ خیال کیا گیا۔ اس موقع پر دونوں رہنماؤں نے پاکستان اور سعودی عرب کے درمیان برادرانہ تعلقات کا جائزہ لیا۔ مختلف شعبوں میں دوطرفہ تعاون کو مزید مضبوط بنانے کے عزم کا اعادہ کیا گیا۔ علاوہ ازیں اسحاق ڈار نے سرکاری شعبہ کے ترقیاتی پروگرام 2025 اور 2026 کے بارے میں کمیٹی کے اجلاس کی صدارت کی۔ اجلاس میں منصوبہ بندی، اقتصادی امور اور فوڈ سکیورٹی کے وزراء، وزیراعظم کے مشیر ڈاکٹر توقیر شاہ، سیاسی امور سے متعلق وزیراعظم کے معاون خصوصی، سیکرٹری منصوبہ بندی اور متعلقہ محکموں کے دیگر اعلی حکام نے شرکت کی۔ پلاننگ کمیشن نے پی ایس ڈی پی کے جاری منصوبوں کی صورتحال، آئندہ مالی سال کے لیے تجویز کردہ ترجیحات اور عمل درآمد میں درپیش چیلنجز کے بارے میں تفصیلی بریفنگ دی۔ اجلاس میں مالیاتی رکاوٹوں کے درمیان پبلک پرائیویٹ پارٹنرشپ کی اہمیت پر زور دیا گیا اور پی ایس ڈی پی کا تفصیلی جائزہ لینے اور قابل عمل سفارشات پیش کرنے کے لیے ایک ذیلی کمیٹی تشکیل دی گئی۔ اسحاق ڈار نے کہا ٹھوس سماجی و اقتصادی فوائد خاص طور پر روزگار کی تخلیق، غربت میں کمی اور علاقائی مساوات کی فراہمی ضروری ہے جو وزیر اعظم کے اڑان پاکستان کے وژن کے ساتھ ہم آہنگ اور جدت پر مبنی ترقی کے لیے ہے۔
ایک نیا عہد