پی ایس ایل کے فائنل میں آج پاک بحریہ کو خراج تحسین پیش کیا جائےگا
اشاعت کی تاریخ: 25th, May 2025 GMT
پاکستان سپر لیگ (پی ایس ایل) کا فائنل آج لاہور قلندرز اور کوئٹہ گلیڈی ایٹرز کے درمیان کھیلا جائےگا، فائنل میچ کے دوران پاکستان بحریہ کو خراج تحسین پیش کیا جائےگا۔
پاک بحریہ نے آپریشن ’بنیان مرصوص‘ کے دوران دشمن کی ہر چال کو ناکام بنایا، پاک نیوی کے جوانوں کو الرٹ دیکھ کر دشمن وار کرنے کی جرات نہ کر سکا، آج پی ایس ایل کے فائنل میں پاکستان بحریہ کے اس کردار کو سراہا جائےگا۔
یہ بھی پڑھیں وزیراعظم شہباز شریف کا نیول ڈاکیارڈ کا دورہ، آپریشن ’بنیان مرصوص‘ میں پاک بحریہ کے کردار کو سراہا
میڈیا رپورٹس کے مطابق پاکستان سپر لیگ کے فائنل کی تقریب میں صدر مملکت آصف علی زرداری اور پاکستان بحریہ کے سربراہ ایڈمرل نوید اشرف شرکت کریں گے۔
واضح رہے کہ بھارت کی جانب سے پاکستان پر حملے کے جواب میں پاک افواج نے آپریشن بنیان مرصوص لانچ کرکے دشمن کو منہ توڑ جواب دیا، اس دوران جہاں بری فوج اور پاک فضائیہ ایکشن میں دکھائی دیں وہیں پاکستان بحریہ بھی فولادی دیوار ثابت ہوئی اور دشمن آگے بڑھنے کی جرات نہ کر سکا۔
انڈین میڈیا پر دعویٰ کیا جاتا رہا ہے کراچی میں بھارتی نیوی کی جانب سے حملہ کیا گیا ہے، لیکن حقیقت میں ایسا نہ ہوا۔ پاک نیوی کی سمندر میں یہ فولادی دیوار بھارت کے لیے ناقابل تسخیر رہی اور پاکستان کے تمام ساحلی شہر اور اثاثے محفوظ رہے۔
پاکستان نے آپریشن بنیان مرصوص کے دوران بھارت کے 6 جنگی جہاز تباہ کرنے کے ساتھ ساتھ دیگر فوجی تنصیبات کو بھی نشانہ بنایا، جن میں سب سے اہم ایس 400 دفاعی نظام بھی شامل ہے۔
یہ بھی پڑھیں پاک بحریہ نے بھارتی طیارے کا سراغ لگا کر مکمل نگرانی میں رکھا
دفاعی تجزیہ کاروں کے مطابق پاکستان کی مسلح افواج نے بھارت کو جس طرح جواب دیا ہے وہ اسے نسلوں تک یاد رہے گا، اور آئندہ کسی بھی جارحیت سے قبل 100 بار سوچے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاک نیوی پاکستان بحریہ پاکستان سپر لیگ پی ایس ایل خراج تحسین وی نیوز.ذریعہ: WE News
کلیدی لفظ: پاک نیوی پاکستان بحریہ پاکستان سپر لیگ پی ایس ایل وی نیوز پاکستان بحریہ بنیان مرصوص پی ایس ایل پاک بحریہ
پڑھیں:
جنوبی پنجاب کے عہدیدار اور ٹکٹ ہولڈرز کی ٹی ایل پی سے علیحدگی
جنوبی پنجاب کے کئی عہدیداروں اور ٹکٹ ہولڈرز نے تحریک لبیک پاکستان (ٹی ایل پی) سے علیحدگی کا اعلان کر دیا ہے۔ سابق عہدیداروں نے نیوز کانفرنس میں کہا کہ جماعت ملک دشمن قوتوں کو فائدہ پہنچا رہی تھی اور انہوں نے واضح کیا کہ وہ ملکی سلامتی اور پاک فوج کے ساتھ کھڑے ہیں۔
سابق عہدیدار نے مزید کہا کہ ٹی ایل پی کے لانگ مارچ نے ملک کو نقصان پہنچایا۔ انہوں نے یاد دہانی کرائی کہ پاک فوج نے بھارت کو جنگ میں شکست دی، اور دشمن اب پاکستان کے خلاف پراکسی جنگ لڑ رہا ہے۔ انہوں نے دعویٰ کیا کہ خارجی دہشت گرد بھی ٹی ایل پی سے وابستہ تھے، لیکن پاک فوج نے دشمن کی سازش کو ناکام بنا دیا ہے۔
ٹکٹ ہولڈرز نے کہا کہ پاکستان کلمہ کے نام پر حاصل کیا گیا اور وہ دشمن قوتوں کے عزائم کو ناکام بنانے کے لیے ہمیشہ تیار ہیں، تاکہ پاکستان تاقیامت قائم رہے اور کوئی اس کی طرف میلی آنکھ نہ ڈال سکے۔
محمد حسین بابر نے واضح کیا کہ وہ کالعدم ٹی ایل پی سے بغیر کسی دباؤ کے علیحدہ ہو رہے ہیں، جبکہ راؤ عارف سجاد نے کہا کہ پاکستان انتشار کا متحمل نہیں ہو سکتا۔
عمر ایوب‘ شبلی فراز کی نااہلی سے متعلق اپیلیں عدالت عظمیٰ سے واپس لے لی گئیں