پشاور؛ میوزک پروگرام سے واپسی پر خواجہ سرا قتل
اشاعت کی تاریخ: 25th, May 2025 GMT
پشاور:
تارو جبہ سے تعلق رکھنے والے خواجہ سراء شہاب عرف وفا کو درگئی میں پروگرام سے واپسی پر ہفتے کی شب سر میں گولی مار کر قتل کر دیا گیا۔
تفصیلات کے مطابق تارو جبہ سے تعلق رکھنے والے 28 سالہ خواجہ سراء وفا (شہاب) کو درگئی ہری چند کے علاقہ بدرگہ میں اس وقت گولیوں کا نشانہ بنایا گیا جب وہ ایک شادی کے تقریب میں پروگرام ختم کر کے واپس نکل رہے تھے تو شادی کے گھر کے ساتھ ہی گیٹ پر کلاشنکوف سے مسلح شخص نے اغوا کرنے کی غرض سے جب ان کو اشارہ کیا تو انہوں نے اپنی گاڑی کو جب سپیڈ دی تو ان پر متذکرہ افراد نے اندھا دھند فائرنگ شروع کر دی۔
فائرنگ سے 28 سالہ خواجہ سرا وفا کلاشنکوف کی گولیاں سر میں لگنے سے موقع پر جاں بحق ہو گئے جبکہ ان کا ڈرائیور نوید گولیاں لگنے سے شدید زخمی ہو گیا ۔ پولیس نے رپورٹ درج کر کے نامزد ملزمان کے خلاف کارروائی شروع کر دی۔
چند سالوں کے دوران خیبرپختونخوا میں 125 خواجہ سرا قتل
خیبرپختونخوا میں گزشتہ چند سالوں کے دوران 125 خواجہ سراؤں کو قتل کر دیا گیا جبکہ ایک ہزار سے زائد خواجہ سرا صوبہ بھر میں تشدد و فائرنگ سمیت دیگر واقعات میں زخمی ہو چکے ہیں۔
ٹرانس جینڈر ایسوسی سی ایشن خیبرپختونخوا کی صدر فرزانہ کے مطابق خیبرپختونخوا میں خواجہ سراؤں کو آئے روز تشدد کا نشانہ بنایا جا رہا ہے جبکہ صوبائی حکومت کی جانب سے خواجہ سراؤں سے کیے گئے وعدوں پر بھی عمل نہیں ہو رہا۔
.
ذریعہ
ذریعہ: Express News
کلیدی لفظ: خواجہ سرا
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
پاکستان نے ورلڈ کپ 2028 کیلیے براہ راست کوالیفائی کر لیا