پی ایس ایل 10 کی فاتح اور رنر اپ ٹیم کو کتنی انعامی رقم ملی؟
اشاعت کی تاریخ: 26th, May 2025 GMT
لاہور:
لاہور قلندرز نے ایچ بی ایل پاکستان سپر لیگ (پی ایس ایل) 10 کا فائنل جیت کر کروڑوں روپے کی انعامی رقم بھی حاصل کرلی۔
لاہور میں کھیلے گئے فائنل میں لاہور قلندرز نے کوئٹہ گلیڈی ایٹرز کو سنسنی خیز میچ کے بعد 6 وکٹوں سے شکست دیکر تیسری بار ٹائٹل اپنے نام کرلیا۔
ٹائٹل جیتنے کے ساتھ ہی لاہور قلندرز نے ایچ بی ایل پی ایس ایل 10 کی انعامی رقم 5 لاکھ امریکی ڈالر (تقریباً 14 کروڑ روپے سے زائد) بھی حاصل کرلی۔
رنز اپ ٹیم کوئٹہ گلیڈی ایٹرز کے حصے میں 2 لاکھ امریکی ڈالر ( 5 کروڑ 60 لاکھ روپے سے زائد) آئے۔
فائنل میں کوئٹہ گلیڈی ایٹرز نے لاہور قلندرز کو جیت کیلئے 202 رنز کا ہدف دیا تھا جو اس نے انیسویں اوور کی پانچویں گیند پر 4 وکٹوں کے نقصان پر حاصل کرلیا۔
کشال پریرا نے ناقابل شکست 62 رنز کے ساتھ ٹیم کی جیت میں اہم کردار ادا کیا اور مین آف دی میچ قرار پائے جبکہ سکندر رضا 7 گیندوں پر 22 انتہائی اہم رنز کے ساتھ ناٹ آؤٹ رہے۔
.ذریعہ: Express News
کلیدی لفظ: لاہور قلندرز
پڑھیں:
لاہور سے کراچی جانے والے مسافر کے ساتھ انہونی، کراچی کے بجائے جدہ پہنچ گیا۔
نجی ایئرلائن ایئرسیال کا مسافر لاہور ایئرپورٹ پر کراچی کی پرواز کی بجائے جدہ کی پرواز میں بیٹھ گیا اور سعودی عرب پہنچ گیا۔ مسافر نے دو گھنٹے سفر کے بعد ایئر ہوسٹس سے پوچھا کہ کراچی کب آئے گا، تب عملے کو علم ہوا کہ کراچی کا مسافر جدہ کی پرواز میں بیٹھا ہے۔ایئرلائن کے عملے کے علاوہ ایف آئی اے امیگریشن کو بھی ڈومیسٹک مسافر کے انٹرنیشنل فلائٹ میں بیٹھ جانے کا علم نہیں ہوا۔ایئرلائن کے عملے نے مسافر کے بورڈنگ کارڈ پر فلائٹ کا سیکٹر نہیں دیکھا صرف سیٹ نمبر دیکھ کر نشست پر بیٹھا دیا۔ مسافر کا کہنا ہے کہ جدہ ایئر پورٹ پر سعودی ایمیگریشن حکام نے کچھ دیر حراست میں رکھ کر تفتیش کی۔ صورتحال کی وضاحت کے بعد ڈی پورٹ کرکے واپس لاہور بھیج دیا گیا۔ مسافر کا کہنا ہے کہ غلطی میری نہیں ہے اس لئے ایرلائن مجھے دوبارہ کراچی کا ٹکٹ دے اور کراچی پہنچائے ۔ مسافر کے مطابق نجی ایر لائن کراچی کا ٹکٹ دوبارہ خرید نے کا کہہ رہی ہے۔مسافر کا مطالبہ کیا کہ ایئرپورٹ اتھارٹی مداخلت کرے۔ ایئر سیال کی انتظامیہ کا موقف ہے کہ مسافر کی پرواز کا طیارہ تبدیل ہو جانا غلط فہمی کی بنا پر ہوا۔لاہور ایئرپورٹ پر تعمیراتی کام چل رہا ہے۔ رات دس بجے انٹرنیشنل لائونج کے تین برج بند ہو جاتے ہیں۔ رات دس بجے سے انٹرنیشنل اور ڈومیسٹک پروازیں ڈومیسٹک لاونچ سے ہی آپریٹ ہو رہی ہیں۔ رات دس بجے لاہور ایئرپورٹ پر کراچی اور جدہ کی پروازیں ایک ہی وقت آپریٹ ہو رہی تھیں۔ لاہور ایئرپورٹ پر طیارہ کی جانب جانے کا شروع میں ایک ہی راستہ ہے جو آگے جا کر ڈومیسٹک اور انٹرنیشنل فلائٹ میں تقسیم ہوتا ہے۔ مسافر غلطی سے ڈومیسٹک فلائٹ کی بجائے انٹرنیشنل فلائٹ کی طرف چلا گیا۔ پاکستان ائیرپورٹس اتھارٹی نے کہا کہ اس معاملے کا سختی سے نوٹس لیا گیا ۔ اس بارے میں ریگولیٹر سول ایوی ایشن اتھارٹی اور لاہور اسٹیشن منیجر کو خط ارسال کردیا گیا، خط میں شہری ہوا بازی کی ریگولیٹر سے غفلت کی مرتکب ائیرلائن کو بھاری جرمانے کی درخواست کی گئی۔
مسجد اقصیٰ ہماری ’ریڈلائن‘ ہے، ہر قیمت پردفاع کریں گے: حماس