کچھ درخت جان بوجھ کر آسمانی بجلی کو گرنے کی دعوت کیوں دیتے ہیں؟
اشاعت کی تاریخ: 26th, May 2025 GMT
ایک حالیہ امریکی تحقیق سے پتا چلا ہے کہ گرم و مرطوب علاقوں کے جنگلات میں کچھ درخت نہ صرف آسمانی بجلی سے بچ جاتے ہیں بلکہ اس کے گرنے سے بے پناہ مستفید بھی ہوتے ہیں۔
یہ بھی پڑھیں: سائنسدانوں نے غاروں میں ملے 2 ہزار سال پرانے بیجوں سے درخت اگالیے
سائنسی تحقیق خاص طور پر اس وقت زیادہ دلچسپ معلوم ہوتی ہے جب یہ ایسے نتائج پیدا کرتی ہو جو ہمارے وجدان سے متصادم ہوں۔ ایسا ہی معاملہ ایک امریکی کثیر الضابطہ ٹیم کے اس کام کا ہے جو حال ہی میں نیو فائیٹولوجسٹ میں بجلی کے گرنے سے متعلق شائع ہوا ہے۔
آسمانی بجلی میں ایک تباہ کن طاقت ہوتی ہے جو جانداروں کو مار سکتی ہے اور اشیا یا عمارتوں کو جلا کر بھسم کر سکتی ہے لیکن اب کچھ درختوں کو یہ فائدہ پہنچاتی دکھائی دیتی ہے۔
اس تحقیق کے مطابق ٹرپیکل جنگلات کے کچھ بڑے درخت بجلی کی زد میں آنے سے اس حد تک فائدہ اٹھاتے ہیں کہ وہ اپنی اونچائی اور اپنے سائبان کے پھیلاؤ کے ذریعے بجلی کو اپنی طرف متوجہ کرنے کے لیے حکمت عملی تیار کرتے ہیں۔
یہ ریسرچ اس جنگل میں جمع کیے گئے ڈیٹا کی بنیاد پر کی گئی جس کا انتظام سمتھسونین ٹراپیکل ریسرچ انسٹی ٹیوٹ نے کیا۔
آسمانی بجلی سے باخبر رہنے کے نظام نے 93 مختلف درختوں پر 94 مرتبہ بجلی گرنے کی نشاندہی کی۔ فیلڈ مشاہدات اور ڈرونز کا استعمال کرتے ہوئے محققین نے ان درختوں میں سے ہر ایک کی 2 سے 6 سال تک نگرانی کی تاکہ بقا اور تنے کی حالت، بیلوں کی نوآبادیات اور پڑوسی درختوں کی اموات کا اندازہ لگایا جا سکے۔
مزید پڑھیے: شگری بالا کے قدیم درخت کیسے اُگے، لوگ وہاں کیوں جاتے ہیں؟
کچھ ٹروپیکل درخت جیسے کہ ٹونکا بین نہ صرف بجلی گرنے سے بچتے ہیں بلکہ ان سے فائدہ بھی اٹھا سکتے ہیں۔ آسمانی بجلی مسابقتی درختوں اور طفیلی بیلوں کو نقصان پہنچا سکتی ہے یا مار سکتی ہے، جو وسائل کے لیے ان کے کمپیٹیشن کو کم کردیتی ہے اس طرح ایسے بین کے درخت کو مسابقتی فائدہ دیتی ہے۔
یہ شاک تھراپی بچ جانے والے درختوں کے لیے بیج کی پیداوار میں نمایاں اضافے کا باعث بھی بن سکتی ہے۔
واضح رہے کہ بجلی گرنے سے ہر سال لاکھوں درخت ختم ہو جاتے ہیں لیکن یہ پتا چلتا ہے کہ کچھ بڑے ٹروپیکل درخت نہ صرف خود کو بجلی گرنے سے محفوظ رکھ سکتے ہیں بلکہ اس کے اردگر گرنے کے اثرات سے بھی فائدہ اٹھاتے ہیں۔
مزید پڑھیں: جرمنی کا صدیوں پرانا شاہ بلوط کا درخت پریمیوں کا پیغام رساں کیسے بنا؟
تحقیق کے مطابق بجلی کی بے پناہ طاقت ان درختوں کو طفیلی بیلوں سے پاک کرتی ہے۔ یہ ایسے درختوں کے آس پاس کے درختوں کو ختم کرکے ان کے لیے کمپیٹیشن بھی کم کردیتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسمانی بجلی تحقیق ٹروپیکل درخت خط استوا گرم و مرطوب علاقوں کے درخت.
ذریعہ
ذریعہ: WE News
کلیدی لفظ: ا سمانی بجلی خط استوا گرم و مرطوب علاقوں کے درخت ا سمانی بجلی بجلی گرنے سکتی ہے کے لیے
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
ٹی20 ورلڈ کپ 2026: پاکستان نے سپر 8 کے لیے جگہ پکی کر لی