اسلام آباد؛ دودھ کے ڈبوں میں مہارت سے چھپائی 3کلو کیٹامین، 660 گرام آئس برآمد
اشاعت کی تاریخ: 27th, May 2025 GMT
اسلام آباد سے دبئی جانے والی پرواز کے مسافر سے تین کلو گرام کیٹامین اور 660 گرام آئس برآمد کرلی۔
ایئر پورٹس سیکیورٹی فورس نے اسلام آباد ایئرپورٹ پر کارروائی کرتے ہوئے غیر ملکی مسافر کے سامان میں منشیات کی موجودگی کی نشاندہی کی۔
ترجمان اے ایس ایف کے مطابق مسافر نے آئس اپنے سامان میں موجود دودھ کے ڈبوں میں مہارت سے چھپا رکھی تھی۔
اے ایس ایف کے پیشہ ورانہ مہارت کے حامل عملے نے مسافر کے سامان کی تلاشی پر تین کلوگرام کیٹامین اور 660 گرام آئس برآمد کرلی۔
ملزم کو ابتدائی تفتیش کے بعد مزید قانونی کارروائی کے لیے برآمد شدہ منشیات کے ساتھ اے این ایف حکام کے حوالے کر دیا گیا۔
.ذریعہ: Express News
پڑھیں:
کراچی: لانڈھی میں گارمنٹس فیکٹری میں آتشزدگی سے بھاری مالیت کا سامان خاکستر
کراچی:لانڈھی مرتضیٰ چورنگی کے قریب گارمنٹس فیکٹری میں آتشزدگی سے بھاری مالیت کا سامان خاکستر ہوگیا۔
منگل کی صبح عوامی کالونی تھانےعلاقے لانڈھی مرتضیٰ چورنگی کے قریب گارمنٹس فیکٹری میں اچانک آگ بھڑک اٹھی جس نے دیکھتے ہی دیکھتے شدت اختیارکرلی، فیکٹری میں آگ لگنے کی اطلاع پرپولیس اورریسکیو ادارے موقع پر پہنچ گئے اور فوری طورپرکے ایم سی فائر بریگیڈ اورریسکیو 1122 کی ٹیموں کو طلب کرلیا گیا۔
کے ایم سی فائر بریگیڈ اورریسکیو 1122 کی ٹیموں نے موقع پرپہنچ کرآگ پر قابو پانے کے لیے ریسکیو آپریشن شروع کردیا، آگ فیکٹری کی تیسری منزل پرواقع بڑے اسٹور و کٹنگ ڈیپارٹمنٹ میں لگی تھی، آگ کے باعث فیکٹری میں دھواں بھرجانے کے وجہ سے فیکٹری کے ملازم سمیت 5 سے زائد افراد کی حالت غیرہوگئی جنہیں فوری اسپتال منتقل کردیا گیا۔
فائر بریگیڈ کے عملے نے اسموک انجیکٹرکی مدد سے فیکٹری سے دھواں باہر نکالا، فیکٹری میں لگنے والی آگ پرتین گھنٹوں کی کوششوں کے بعد قابو پا لیا گیا، اس دوران فیکٹری میں موجود بھاری مالیت کا سامان خاکستر ہوگیا۔
سندھ اسمبلی میں کے الیکٹرک کے خلاف ایم کیو ایم کی قرارداد کثرت رائے سے مسترد