اداکارہ عظمیٰ بیگ کو احد رضا میر سے ملاقات کرنا مہنگا پڑگیا، شدید تنقید کا شکار
اشاعت کی تاریخ: 27th, May 2025 GMT
پاکستان شوبز کی سینئر اداکارہ عظمیٰ بیگ اور احد رضا میر کی ملاقات کی وائرل ویڈیو سوشل میڈیا پر تنقید کا شکار ہوگئی۔
چُپکے چُپکے، ہم تم، یونہی اور دیگر مشہور ڈراموں میں اداکاری کے جوہر دکھانے والی سینئر اداکارہ عظمیٰ بیگ حالیہ دنوں ایک ویڈیو کے باعث خبروں کی زینت بنی ہوئی ہیں۔
حال ہی میں عظمیٰ بیگ کو ایک تقریب میں ڈرامہ ’ہم تم‘ کے ساتھی اداکار احد رضا میر کے ساتھ ملاقات کرتے دیکھا گیا۔ ویڈیو میں دیکھا گیا کہ انہوں نے احد رضا میر سے ملاقات کی، ان سے بات چیت کی اور رخصت ہوتے وقت انہیں گلے بھی لگایا۔
View this post on InstagramA post shared by SHS BLOG (@shadabhussainsiddiquishsblog)
احد رضا میر نے بھی ادب سے اُن کی گفتگو سنی اور خوش اخلاقی کا مظاہرہ کیا تاہم سوشل میڈیا پر یہ ویڈیو وائرل ہوئی تو صارفین کو عظمیٰ بیگ کا احد سے ملنے کا یہ انداز ناگوار گزرا اور انہوں نے اداکارہ کو شدید تنقید کا نشانہ بنا ڈالا۔
کچھ صارفین نے عظمیٰ بیگ کی احد کے ساتھ قربت پر ناپسندیدگی کا اظہار کرتے ہوئے اسے غیر ضروری قرار دیا۔ جبکہ دیگر نے کہا کہ ایسے غیر اخلاقی رویے شوبز میں عام ہوتے جا رہے ہیں۔
.ذریعہ: Express News
پڑھیں:
جب شادی قسمت میں لکھی ہوگی ہوجائے گی: صبا قمر
اداکارہ صبا قمر کا کہنا ہے کہ ان کی شادی جب قسمت میں لکھی ہوگی اور جس کے ساتھ ہونی ہوگی ہو جائے گی۔ حال ہی میں ایک پوٖڈکاسٹ کے دوران اداکارہ صبا قمر سے میزبان نے سوال کیا کہ جو بھی اداکارہ عثمان مختار کیساتھ کام کرتی ہیں ان کی شادی ہوجاتی ہے اور یہ بات کافی مشہور ہے آپ کا اس بارے میں کیا خیال ہے۔ اس سوال کے جواب میں 41 سالہ اداکارہ کا کہنا تھا کہ جب ان کی شادی قسمت میں لکھی ہوگی اور جس کیساتھ لکھی ہوگی ہو جائے گی۔ صبا قمر کا کہنا تھا کہ ابھی تو وہ آن اسکرین رومانس سے لطف اندوز ہو رہی ہیں۔ محبت کے بارے میں بات کرتے ہوئے صبا قمر کا کہنا تھا کہ وہ اتنی مصروف ہوتی ہیں کہ ان کی 8 گھنٹے کی نیند بھی مشکل سے پوری ہوتی ہے ایسے میں وہ محبت کیلئے وقت کیسے نکالیں۔ اداکارہ کا کہنا تھا کہ وہ اس بات پر یقین رکھتی ہیں کہ شادی محبت اور بچے یہ سب قسمت میں لکھے ہوتے ہیں اس لئے نہ وقت سے پہلے مل سکتے ہیں نہ ہی وقت کے بعد، جس وقت جو چیز لکھی ہوگی تب ہی ملے گی چاہیں آپ جتنا زور لگا لیں۔
افغان طالبان کا وفد پاکستان کے مطالبات کو پوری طرح تسلیم کرنے کو تیار نہیں، ذرائع