معجزہ یا اتفاق؟ عازمِ حج کو چھوڑ کر جانے والا جہاز دو بار فنی خرابی کا شکار
اشاعت کی تاریخ: 27th, May 2025 GMT
حج کا سفر ہر مسلمان کی دیرینہ خواہش ہوتی ہے، لیکن لیبیا کے ایک عازمِ حج کے لیے یہ سفر ایک معجزے سے کم نہیں تھا۔ عامر قذافی جو فریضہ حج ادا کرنے جا رہے تھے ان کو یہ گمان بھی نہیں تھا کہ ان کے نام کا ایک حصہ ان کے سفر کی راہ میں رکاوٹ بن جائے گا۔
امیگریشن کاؤنٹر پر ان کے نام میں شامل ’القذافی‘ کی وجہ سے انہیں کلیئرنس دینے سے انکار کردیا گیا اور حج پرواز نے ان کو چھوڑ کر 2 مرتبہ اڑان بھری تاہم فنی خرابی کے سبب جہاز کو 2 بار واپس لوٹنا پڑا اور پھر تیسری مرتبہ پرواز انہیں لے کر روانہ ہوئی۔
سوشل میڈیا پر وائرل ایک ویڈیو میں عامر قذافی نے بتایا کہ وہ حج کے سفر کے لیے لیبیا کے ایئرپورٹ پہنچے لیکن ان کے نام کی وجہ سے ایک سکیورٹی مسئلہ سامنے آگیا۔ اس دوران باقی حجاج جہاز میں سوار ہو گئے اور جہاز کے دروازے بند ہو گئے۔
انہوں نے بتایا کہ جب سکیورٹی مسئلہ حل ہو گیا تو پائلٹ نے جہاز کا دروازہ دوبارہ کھولنے سے انکار کر دیا اور طیارہ ان کے بغیر روانہ ہو گیا۔ اس وقت سکیورٹی افسر نے افسوس کے ساتھ مسکرا کر عامر سے کہا ’اللہ کا حکم، شاید تمہارے نصیب میں حج نہیں ہے‘۔ مگر عامر نے ایئرپورٹ چھوڑنے سے انکار کر دیا اور کہا ’نیت حج کی ہے اور ان شاء اللہ ضرور جاؤں گا‘۔
(عامر المهدي منصور القذافي) شاب ليبي قرر حج بيت الله وعند وصوله المطار واجه مشكلة أمنية في جواز السفر (بسبب اسم العائلة) فتأخر وأصر الكابتن على الإقلاع بدونه قائلاً بأنه لا يمكن الانتظار حتى يتم حل مشكلة الجواز… أمّا عامر فأصر بأنه لن يبرح المطار حتى يذهب للحج.
أقلعت الطائرة… pic.twitter.com/RMSdVrr4rO
— إياد الحمود (@Eyaaaad) May 23, 2025
عامر کے مطابق پھر ایک حیران کن واقعہ پیش آیا، اطلاع ملی کہ طیارے میں خرابی پیدا ہو گئی ہے اور طیارہ واپس ایئرپورٹ آ گیا اس کی مرمت شروع ہو گئی۔ اس دوران ایئرپورٹ عملے نے پائلٹ سے کہا کہ ایک مسافر رہ گیا ہے، اسے سوار کردیں؟ لیکن پائلٹ نے یہ کہہ کر انکار کر دیا کہ ایک مسافر کے لیے جہاز کے دروازے نہیں کھولے جا سکتے اور یوں جہاز دوبارہ منزل کی جانب روانہ ہوگیا۔
اس دوران عامر پر سکون رہے اور ایک بار پھر کہا کہ ان کی حج کی نیت ہے اور وہ انشاء اللہ ضرور جائیں گے۔ معجزاتی طور پر اسی وقت ایک اور اطلاع آئی کہ طیارہ دوبارہ کسی خرابی کے باعث واپس آ رہا ہے۔ عامر کے مطابق دوسری بار جب جہاز اترا اور فنی خرابی کی جانچ پڑتال ہوئی تو پائلٹ نے کہا کہ ’یہ جہاز اب عامر کے بغیر نہیں اڑسکتا، میں نہیں اُڑوں گا جب تک عامر سوار نہ ہو جائے‘۔
اس طرح عامر طیارے میں سوار ہوئے اور ویڈیو بنا کر خوشی کا اظہار کیا۔ ان کا کہنا تھا کہ وہ حج پر جانا چاہتے تھے اور انہیں یقین تھا کہ اگر یہ ان کے نصیب میں ہے تو کوئی طاقت انہیں روک سکتی۔
عامر قذافی کی ویڈیوز سوشل میڈیا پر وائرل ہوئیں تو صارفین بھی یہ کہے بغیر نہ رہ سکے کہ عامر وہ خوش نصیب شخص ہے جس کی نیت اتنی پختہ اور دل اتنا سچا تھا کہ خالقِ کائنات نے اسے حج کی سعادت بخشنے کے لیے طیارہ بھی 2 بار پلٹا دیا۔
ہارون الرشید نے لکھا کہ نیت ہو سچی، تو راہیں خود بنتی ہیں۔ ان کا کہنا تھا کہ دو بار طیارہ واپس آیا، صرف ایک شخص کے یقین، صبر اور سچے جذبے کی بدولت۔ اللہ کی قدرت دیکھو! جب ارادہ خالص ہو، تو حج جیسے سفر کے لیے بھی آسمان فیصلے بدل دیتا ہے۔
نیت ہو سچی، تو راہیں خود بنتی ہیں!
لیبیا کے عامر المہدی کی ایمان افروز کہانی نے سوشل میڈیا پر دل چھو لیا۔ دو بار طیارہ واپس آیا، صرف ایک شخص کے یقین، صبر اور سچے جذبے کی بدولت۔
اللہ کی قدرت دیکھو! جب ارادہ خالص ہو، تو حج جیسے سفر کے لیے بھی آسمان فیصلے بدل دیتا ہے۔ pic.twitter.com/xRsGHTHQBC
— Haroon ul Rasheed (@Haroonn_natamam) May 27, 2025
زبیر احمد لکھتے ہیں کہ نہ جانے اللہ پاک کو اس کی کون سی ادا پیاری لگی کہ جہاز کو واپس لوٹ کر آنا پڑا۔ انہوں نے مزید کہا کہ کون کہتا معجزوں کا زمانہ اب نہیں رہا معجزے آج بھی ہوتے ہیں۔
نہ جانے اللہ پاک کو اسکی کون سی ادا پیاری لگی کہ جہاز کو واپسی لوٹ کر آنا پڑا ، اور کون کہتا معجزوں کا زمانہ اب نہیں رہا معجزے آج بھی ہوتے ہیں
لبيك اللهم لبيك ????
زیر نظر تصویر لیبیا سے تعلق رکھنے والا "عامر" نامی شخص کی ہے
یہ شخص اس سال حج کی نیت سے عازم سفر ہوا تو ایئرپورٹ… pic.twitter.com/4H9BWVVObp
— Zubair Ahmed زبير أحمد (@ZubairAhmedStk) May 27, 2025
یوسف سعید لکھتے ہیں کہ کبھی کبھی ایسا محسوس ہوتا ہے جیسے تقدیر خود انسان کی راہ میں چراغ جلانے لگتی ہے۔ لیبیا کے ایک نوجوان نے دنیا کو یہ باور کرایا کہ نیت اگر خالص ہو، تو کچھ بھی ناممکن نہیں۔ انہوں نے مزید لکھا کہ یہ صرف حج کا سفر نہ تھا، یہ رب کی طرف سے ایک بلاوا تھا، جو آسمانوں نے سنا، زمین نے مانا اور فضاؤں نے راستہ چھوڑ دیا۔ بات خلوص کی ہے، نیت صدا بن جائے تو عرش سے بلاوا آتا ہے اور پھر پرندے نہیں، جہاز بھی پلٹ آتے ہیں۔
اس شخص کے چہرے پر خوشی کی چمک دیکھیے ، کبھی کبھی ایسا محسوس ہوتا ہے جیسے تقدیر خود انسان کی راہ میں چراغ جلانے لگتی ہے۔ لیبیا کے ایک نوجوان، عامر المہدی کی حج سے جڑی کہانی ! جس نے دنیا کو یہ باور کرایا کہ نیت اگر خالص ہو، تو کچھ بھی ناممکن نہیں ۔
اس واقعے کو کل ہی الجزیرہ کے… pic.twitter.com/QwhMdt07fR
— Yousaf Saeed (@YousafSaeedPTI) May 27, 2025
ایک ایکس صارف نے اس پر تبصرہ کرتے ہوئے لکھا کہ دنیا نے روکا پر قدرت نے راستہ بنا دیا۔
جیسے چاہا در پہ بولا لیا
جیسے چاہا اپنا بنا لیا
یہ بڑے کرم کے ہیں فیصلے
یہ بڑے نصیب کی بات ہے ????????
دنیا نے روکا پر قدرت نے راستہ بنا دیا حج کے مسافر عامر کی ناقابلِ یقین قبولیت کا معجزہ۔
نہ جانے اللہ پاک کو اسکی کون سی ادا پیاری لگی کہ جہاز کو واپسی لوٹ کر آنا پڑا ، ❤????❤ pic.twitter.com/snEzsEuKpI
— D. Mughal World (@DILAWAR91902905) May 27, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حج سعودی عربیہ عامر قذافی عمرہ لیبیا مکہ مکرمہذریعہ: WE News
کلیدی لفظ: سعودی عربیہ عامر قذافی لیبیا مکہ مکرمہ عامر قذافی لیبیا کے انکار کر جہاز کو خالص ہو ہے اور کہا کہ کے لیے تھا کہ
پڑھیں:
ملک میں پیسے والا آدمی ڈائریکٹ ٹیکس دینے کو تیار نہیں
لاہور:تجزیہ کار فیصل حسین کا کہنا ہے کہ جو ٹیکس کی بات ہے یہ وہی والی بات آ رہی ہے کہ جس پر زور چل رہا ہے اسی سے ٹیکس لے رہے ہیں، اس ملک میں تنخواہ دار آدمی کی گردن آپ کے جوتے کے نیچے آ چکی ہے تو آپ اس کو دبائے چلے جا رہے ہیں دبائے چلے جا رہے ہیں، لیکن جو آپ کے قابو میں نہیں آ رہا اس پر سے آپ نے آنکھیں بند کی ہوئی ہیں۔
ایکسپریس نیوز کے پروگرام ایکسپرٹس میں گفتگو کرتے ہوئے انھوں نے کہا کہ اس ملک کے اندر پیسے والا آدمی ڈائریکٹ ٹیکس دینے کو تیار نہیں ہے، ان ڈائریکٹ دیتا ہوگا۔
تجزیہ کار نوید حسین نے کہاکہ میں نے پہلے بھی بارہا کہا ہے کہ جب ہم آئی ایم ایف کے پروگرام میں جاتے ہیں توہمیں سال ڈیڑھ سال بڑی اسٹیبلیٹی نظر آتی ہے اکانومی میں، ہمیں سارے مائیکرو اکنامک انڈیکیٹرز بہتری کی طرف جاتے دکھائی دیتے ہیں لیکن اصل سچویشن اس کے بعد اسٹارٹ ہوتی ہے جب گورنمنٹ گروتھ کی طرف جاتی ہے۔
تجزیہ کار عامر الیاس رانا نے کہا کہ ظاہر ہے اس میں ہماری غلطیاں ہیں ، کبھی کوئی فوجی حکمران کوئی ڈرامہ لگا کہ بیٹھ جاتا تھا، کچھی کچھ، کبھی امریکا کے پیسوں کے سہارے چلتے تھے اور جیسے ہی پیسے گئے سارے کے سارے یہاں پر انسٹی ٹیوشنز ہی غائب تھے، کوئی کام ہی نہیں تھا۔
تجزیہ کار خالد قیوم نے کہا کہ آئی ایم ایف اگلے مالی سال کیلیے 14ہزار ارب روپے ٹیکس کا بڑا ہدف دے رہی ہے، رواں مالی سال میں بجٹ میں ٹیکسوں کی وصولی کا جو ہدف تھا اس میں بھی پہلے دس ماہ میں 830 ارب روپے کا شارٹ فال ہے، ایک طرف تو حکومت اور ایف بی آر کو چیلنج یہ ہوگا کہ کیا وہ اس ہدف کو پورا کر سکیں گے؟، بھارت کے ساتھ جو کشیدگی ہوئی ہے جو بھارتی جارحیت ہوئی ہے اس کے بعد میں سمجھتا ہوں کہ ہمارا جو دفاعی بجٹ ہے اس میں بڑا اضافہ ناگزیرہوگا۔
تجزیہ کار محمد الیاس نے کہاکہ آئی ایم ایف کا پریشر یہی ہے کہ وہ کہتا ہے کہ ریونیو جنریٹ کریں، ٹیکس ٹو جی ڈی پی ریشو کو بڑھایا جائے تاکہ ٹیکس نیٹ میں جو چیزیں ہیں وہ لے کہ آئی جائیں، اب گورنمنٹ کا یہی تھا کہ سیلیرڈ کلاس کو ریلیف دیا جائے، کتنا ریلیف دے دیں گے دو پرسنٹ ،تین پرسنٹ یا ٹیکس کی جو سلیب ہے ایک لاکھ سوا لاکھ تک کر دیںگے،گورنمنٹ پٹرولیم لیوی سے یا سیلیرڈ کلاس سے ریونیو جنریٹ کرتی ہے باقی کیا دیتے ہیں۔
ارشد ندیم نے بھارتی حریف نیرج چوپڑا اور پاک بھا رت جنگ سے متعلق بات کرنے سے انکار کردیا