بیٹوں نے 90 سالہ والد کی دوسری شادی کی خواہش پوری کردی
اشاعت کی تاریخ: 29th, May 2025 GMT
خیبرپختونخوا کے مالاکنڈ ڈویژن کے ضلع شانگلہ میں بیٹوں نے 90 سالہ والد کی دھوم دھام سے دوسری شادی کراکے دیرینہ خواہش پوری کردی۔
ایکسپریس نیوز کے مطابق شانگلہ میں 90 سالہ بزرگ کے بیٹوں نے دھوم دھام سے باپ کی شادی کی خواہش پوری کر دی۔
بشام شنگ سے تعلق رکھنے والے 90 سالہ مولانا سیف اللہ نے 55 سالہ خاتون سے شادی کی۔ ان کی پہلی بیوی کا انتقال 7 سال قبل ہو گیا تھا، جس کے بعد انہوں نے دوسری شادی کی خواہش کا اظہار کیا تھا۔
90 سالہ دلہا کے چاروں بیٹوں نے مل کر باپ کیلئے رشتہ تلاش کیا اور 55 سالہ بیوہ خاتون سے ایک تولہ حق مہر پر نکاح کروا دیا۔
دھوم دھام سے منعقدہ شادی کی تقریب میں مولانا سیف اللہ کے درجنوں پوتوں، پوتیوں، نواسوں، نواسیوں، رشتہ داروں نے شرکت کی۔
نکاح کی تقریب میں جیسے ہی دلہا میاں نے تیسری بار ہاں بولا تو بیٹے، درجنوں پوتے، نواسے خوشی سے جھوم اٹھے اور انہوں نے ’دا جی‘ کے نعرے لگائے۔
سیف اللہ کو اُن کے بیٹے، پوتے، پوتیاں، نواسے اور نواسیوں سمیت علاقے کے لوگ دا جی مخاطب کرتے ہیں۔ دلہا میاں نے نکاح کے بعد اپنے دوستوں سے ملاقات کی تو اُن کی خوشی کا کوئی ٹھکانہ نہیں تھا۔
اس موقع پر ایک بیٹے کا کہنا تھا کہ انہیں اپنے والد کی یہ خواہش پوری کر کے جو خوشی اور سکون حاصل ہوا وہ بیان نہیں کرسکتے۔ بیٹے نے اپنے والد کی قربانیوں کا تذکرہ کرتے ہوئے انہیں خراج تحسین پیش کیا۔
.ذریعہ: Express News
کلیدی لفظ: خواہش پوری بیٹوں نے والد کی شادی کی
پڑھیں:
پاک بحریہ سمندری سرحدوں کے ہر انچ کے دفاع کیلیے پوری طرح تیار ہے: نیول چیف ایڈمرل نوید اشرف
اسلام آباد ( ڈیلی پاکستان آن لائن ) نیول چیف ایڈمرل نوید اشرف نے روایتی اور غیر روایتی بحری چیلنجز سے نمٹنے کے لیے جنگی تیاری برقرار رکھنے کی اہمیت پر زور دیا ہے۔
Command & Staff Conference of #PakNavy concluded at NHQ Islamabad, chaired by CNS Adm Naveed Ashraf. The forum reviewed operational preparedness, ongoing initiatives & PIMEC-25 preparations, reaffirming PN's unwavering resolve for maritime security & national defence. pic.twitter.com/3KMzV9oL9y
— DGPR (Navy) (@dgprPaknavy) October 29, 2025
آئی ایس پی آر کے مطابق نیول ہیڈکوارٹرز اسلام آباد میں پاک بحریہ کی کمانڈ اینڈ سٹاف کانفرنس ختم ہوگئی۔فورم میں آپریشنل تیاری، جاری منصوبوں اور آئندہ سرگرمیوں کا تفصیلی جائزہ لیا گیا جب کہ پاکستان انٹرنیشنل میری ٹائم ایکسپو اینڈ کانفرنس کی تیاریوں اور انعقاد پر غور کیا گیا۔ پاک بحریہ کی کمانڈ اینڈ سٹاف کانفرنس کے دوران نیول چیف نے روایتی اور غیر روایتی بحری چیلنجز سے نمٹنے کے لیے جنگی تیاری برقرار رکھنے کی اہمیت پر زور دیا۔
سپریم کورٹ کے رجسٹرارمستعفی
کمانڈ اینڈ سٹاف کانفرنس سے خطاب میں نیول چیف ایڈمرل نوید اشرف نے کہا کہ پاک بحریہ قومی خودمختاری کے تحفظ اور سمندری سرحدوں کے ہر انچ کے دفاع کے لیے پوری طرح تیار ہے۔
آئی ایس پی آر کے مطابق کمانڈ اینڈ اسٹاف کانفرنس پاک بحریہ کا اعلیٰ فیصلہ ساز فورم ہے جس میں نیول چیف، پرنسپل سٹاف آفیسرز اور فیلڈ کمانڈرز سٹریٹیجک ترجیحات پر غور کرتے ہیں۔
مزید :
راجیہ سبھا انتخابات میں نیشنل کانفرنس اور بی جے پی کا فکس میچ تھا، ڈاکٹر سندیپ ماوا