ٹی ٹوئنٹی کے لیے ون ڈے کرکٹ کو چھوڑا، میکسویل
اشاعت کی تاریخ: 2nd, June 2025 GMT
اسلام آباد (اُردو پوائنٹ ۔ DW اردو۔ 02 جون 2025ء) آسٹریلوی کرکٹ بورڈ (کرکٹ آسٹریلیا) نے پیر کو ایک بیان میں اس امر کی تصدیق کی کہ مایہ ناز آل راؤنڈر گلین میکسویل نے پچاس اوورز کی کرکٹ کو خیرباد کہہ دیا ہے۔
میکسویل نے یہ فیصلہ ٹی ٹوئنٹی ورلڈ کپ کی تیاری اور مختلف فرنچائز لیگز میں شرکت کو ترجیح دیتے ہوئے کیا ہے۔ انہوں نے کہا، ''میں واپس دیکھتا ہوں تو یاد آتا ہے کہ مجھے ابتدا میں ہی، غیر متوقع طور پر منتخب کیا گیا۔
اس وقت بس یہی فخر تھا کہ آسٹریلیا کے لیے کچھ میچ کھیلنے کو مل جائیں۔‘‘36 سالہ میکسویل نے 149 ون ڈے میچز میں 3,990 رنز بنائے۔ ان کا اسٹرائیک ریٹ 126.
سن 2023 کے ورلڈ کپ میں افغانستان کے خلاف میسکوئل نے 201 کی ناقابل شکست اننگز کھیلی تھیں۔
(جاری ہے)
اس پرفارمنس کو ون ڈے کرکٹ کی تاریخ کی سب سے بڑی اننگز میں شمار کیا جاتا ہے۔
اس کی ایک وجہ یہ بھی ہے کہ اننگز کے دوران وہ زخمی حالت میں اپنی ٹیم کو کامیابی دلوانے میں کامیاب ہوئے تھے۔جارحانہ بلے بازی کی وجہ سے مشہور میسکویل نے ''فائنل ورڈ پوڈکاسٹ‘‘ پر کہا کہ سن 2022 میں ہونے والی ٹانگ کی انجری کے بعد 50 اوورز کی کرکٹ ان کے لیے جسمانی طور پر کافی چیلنجنگ ہو گئی تھی، خاص طور پر فیلڈنگ میں۔
یہ فیصلہ درست ہے، میسکویلمیسکویل نے کہا، ''چیمپئنز ٹرافی کے دوران مجھے لگا، جیسے میں ٹیم کو مایوس کر رہا ہوں۔
جسم جس طرح سے ردعمل دے رہا تھا، وہ مثالی نہیں تھا۔‘‘میسکویل نے کہا کہ ون ڈے کرکٹ کو خیرباد کہنے کا فیصلہ کرنے سے قبل انہوں چیف سلیکٹر جارج بیلی سے کھل کر بات کی، ''ہم نے سن 2027 کے ورلڈ کپ کے بارے میں بات کی اور میں نے کہا کہ مجھے نہیں لگتا کہ میں وہاں تک پہنچ پاؤں گا۔ بہتر ہے کہ میری جگہ کسی نئے کھلاڑی کو موقع دیا جائے تاکہ وہ اپنی جگہ بنا سکے۔
‘‘کرکٹ آسٹریلیا کے چیف ایگزیکٹیو ٹوڈ گرین برگ نے میکسویل کو خراجِ تحسین پیش کرتے ہوئے کہا، ''گلین کی دھواں دار بیٹنگ نے دنیا بھر کے شائقین کو محظوظ کیا۔ وہ آسٹریلیا کی ون ڈے کرکٹ میں مسلسل کامیابی کا اہم ستون رہے ہیں، خاص طور پر 2023 ورلڈ کپ میں ان کا کردار ناقابل فراموش رہا۔‘‘
سن دو ہزار بارہ میں بین الاقوامی کرکٹ میں قدم رکھنے والے میکسویل نے اپنے ملک کے لیے سات ٹیسٹ میچ کھیلے۔ انہوں نے اپنا آخری ٹیسٹ میچ سن 2017 میں کھیلا تھا۔
ادارت: کشور مصطفیٰ
ذریعہ
ذریعہ: UrduPoint
کلیدی لفظ: تلاش کیجئے میکسویل نے ون ڈے کرکٹ ورلڈ کپ نے کہا کے لیے
پڑھیں:
ایشین گیمز 2026 :کرکٹ مقابلوں کے شیڈول اور گروپس کا اعلان
لاہور(نیوز ڈیسک)ایشین گیمز 2026 کے مردوں اور خواتین کے کرکٹ مقابلوں کے لیے ڈراز اور گروپس کا اعلان کر دیا گیا ہے، جس کے تحت پاکستان، بھارت، بنگلا دیش اور سری لنکا کی مردوں کی ٹیموں نے براہِ راست ناک آؤٹ مرحلے کے لیے کوالیفائی کر لیا ہے۔
ایشین گیمز 2026 کے کرکٹ مقابلوں کے ڈراز کا باضابطہ اعلان کر دیا گیا ہے، جس میں مردوں اور خواتین دونوں ایونٹس کے شیڈول، گروپس اور ناک آؤٹ مرحلے کی تفصیلات سامنے آ گئی ہیں۔
مردوں کے ایونٹ میں مجموعی طور پر 10 ٹیمیں حصہ لیں گی، جبکہ خواتین کے مقابلوں میں 8 ٹیمیں ٹائٹل کے لیے مدمقابل ہوں گی۔ مردوں کے مقابلوں میں پاکستان، بھارت، بنگلا دیش اور سری لنکا کو عالمی درجہ بندی کی بنیاد پر براہِ راست ناک آؤٹ مرحلے میں جگہ دی گئی ہے۔
دوسری جانب افغانستان، ہانگ کانگ، جاپان، ملائیشیا، نیپال اور عمان ابتدائی مرحلے میں ایک دوسرے کے خلاف کھیلیں گے، جہاں سے چار بہترین ٹیمیں ناک آؤٹ مرحلے میں پہنچ کر پاکستان، بھارت، بنگلہ دیش اور سری لنکا کا مقابلہ کریں گی۔
ابتدائی مرحلے میں گروپ اے میں افغانستان، جاپان اور نیپال شامل ہیں، جبکہ گروپ بی میں ہانگ کانگ، ملائیشیا اور عمان کو رکھا گیا ہے۔ دونوں گروپس سے ٹاپ دو ٹیمیں اگلے مرحلے کے لیے کوالیفائی کریں گی۔
خواتین کے ایونٹ کا آغاز براہِ راست کوارٹر فائنلز سے ہوگا۔ پہلے کوارٹر فائنل میں بھارت کا مقابلہ جاپان سے ہوگا، جبکہ بنگلا دیش کا سامنا چین سے ہوگا۔ سری لنکا اور ملائیشیا بھی آمنے سامنے آئیں گے، جبکہ پاکستان کی خواتین ٹیم تھائی لینڈ کے خلاف میدان میں اترے گی۔
خواتین کے کرکٹ مقابلے 17 سے 22 ستمبر تک جاری رہیں گے، جبکہ مردوں کے میچز 24 ستمبر سے یکم اکتوبر تک کھیلے جائیں گے۔
تمام میچز جاپان کے شہر ناگویا میں منعقد ہوں گے اور ٹورنامنٹ ٹی20 فارمیٹ میں کھیلا جائے گا۔
واضح رہے کہ ایشین گیمز 2023 میں بھارت نے مردوں اور خواتین دونوں کیٹیگریز میں سونے کے تمغے اپنے نام کیے تھے۔ مردوں کے فائنل میں افغانستان نے پہلے بیٹنگ کرتے ہوئے 18.2 اوورز کھیلے تھے کہ بارش کے باعث مقابلہ مکمل نہ ہو سکا، جس کے بعد بہتر عالمی درجہ بندی کی بنیاد پر بھارت کو گولڈ میڈل دے دیا گیا۔
اسی طرح خواتین کے فائنل میں بھارت نے سری لنکا کو 19 رنز سے شکست دے کر چیمپئن بننے کا اعزاز حاصل کیا۔ ایشین گیمز 2026 میں بھی بھارتی ٹیمیں اپنے اعزاز کا دفاع کرنے کی کوشش کریں گی، جبکہ پاکستان سمیت دیگر ایشیائی ٹیمیں ٹائٹل کے حصول کے لیے بھرپور مقابلہ کریں گی۔
مزید پڑھیں۔سوناہزاروں روپے سستا، ایک دن کی بڑی کمی نے مارکیٹ ہلا دی
بھارت سے جنگ اور افغانستان میں کارروائی خارج ازامکان نہیں، وزیردفاع