ثمینہ پیرزادہ 7 برس تک اسکرین سے دور کیوں تھیں؟
اشاعت کی تاریخ: 3rd, June 2025 GMT
پاکستان شوبز انڈسٹری سے وابستہ سینئر اداکارہ ثمینہ پیرزادہ نے 7 برس اسکرین سے دوری کی وجہ سے پردہ اُٹھا دیا۔
سینئر اداکارہ جیو فلمز کے بینر تلے بنائی گئی ہارر فلم ’دیمک‘ کے ساتھ ایک بار پھر اسکرین پر دکھائی دیں گی۔ اس سے قبل ان کا آخری پروجیکٹ 2018 میں نشر ہونے والا ڈرامہ سیریل ’بلا‘ تھا۔
اب حالیہ انٹرویو میں انہوں نے بتایا کہ میں نے بلا کے بعد اداکاری سے اس لیے وقفہ لیا کیونکہ اس کردار نے مجھ پر جذباتی طور پر متاثر کیا تھا۔
View this post on InstagramA post shared by Galaxy Lollywood (@galaxylollywood)
ثمینہ پیرزادہ ان دنوں اپنی آنے والی فلم دیمک کی تشہیری مہم میں مصروف ہیں۔ اس دوران انہوں نے ایک انٹرویو میں گزشتہ 7 برس سے اسکرین سے دوری پر بھی بات کی۔
انہوں نے بتایا کہ جب میں اپنا آخری ڈرامہ بلا کر رہی تھی تو اس کی آخری کی چار سے پانچ اقساط ایسی تھی جس میں، اس کردار کی یاداشت کمزور ہو جاتی ہے جس کے لیے میں نے اپنی والدہ سے انسپریشن لی۔
سینئر اداکارہ نے بتایا کہ میری والدہ کی وفات سے قبل ان کی بھی یاداشت ایسی کم ہوتی چلی گئی تھی، ان دنوں میں صبح اپنی والدہ کو دیکھ کر جاتی اور واپس گھر آنے کے بعد بھی انہیں دیکھتی اور ڈرامے کے سیٹ پر ان کے کردار کو نبھاتی تھی۔
انہوں نے اپنی بات جاری رکھتے ہوئے مزید کہا کہ پھر ان کی (والدہ کی) وفات ہوگئی تو ان کے جانے کے بعد بلا کے کردار نے مجھ پر بہت اثر ڈالا۔
ثمینہ پیرزادہ نے والدہ کے انتقال کا وقت یاد کرتے ہوئے بتایا کہ ڈرامہ سیریل ختم ہونے اور والدہ کے سوئم کے بعد میں نے اپنی بیٹیوں سے رابطہ کیا اور ان کے پاس چلی گئی اسی دوران کوویڈ آگیا تو میرے جتنے پروجیکٹس تھے وہ ختم ہوگئے جس کی وجہ سے میں کام نہیں کر رہی تھی اور پھر میں نے کام نہ کرنے کو انجوائے کرنا شروع کردیا۔
Post Views: 4.ذریعہ: Daily Mumtaz
کلیدی لفظ: ثمینہ پیرزادہ انہوں نے بتایا کہ کے بعد
پڑھیں:
پشاور: تھانہ سی ٹی ڈی میں دھماکے کی رپورٹ تیار
پشاور میں یونیورسٹی روڈ پر تھانہ سی ٹی ڈی میں دھماکے کے واقعے سے متعلق محکمہ انسداد دہشت گردی نے رپورٹ تیار کر لی۔
رپورٹ کے مطابق صبح 7 بج کر 58 منٹ پر تھانہ سی ٹی ڈی کے مال خانے میں دھماکا ہوا، دھماکے سے تھانے کی عمارت کو شدید نقصان پہنچا، دھماکے میں ہیڈ کانسٹیبل بلال شہید اور 3 اہلکار زخمی ہوئے۔
محکمہ انسداد دہشت گردی کی رپورٹ میں بتایا گیا کہ زخمی پولیس اہلکاروں میں کانسٹیبل زیت اللّٰہ، مدثر اور محمد ایاز شامل ہیں، زخمی پولیس اہلکاروں کی حالت خطرے سے باہر ہے۔
رپورٹ کے مطابق مال خانے میں 2025 میں ملزمان سے برآمد ہونے والی اشیاء رکھی گئی تھیں، مال خانے میں 2 کلوگرام بارود، 23 دستی بم اور 7 گرینیڈ لیور موجود تھے۔
محکمہ انسداد دہشت گردی کی رپورٹ میں کہا گیا کہ مال خانے میں 60 رائفلیں اور 10 کلوہائی ایکسپلوسیو اور 2 خودکش جیکٹس موجود تھیں۔ 42 الیکٹرک، 10 نان الیکٹرک ڈیٹونیٹرز، ایک آر پی جی شیل اور ایک آئی ای ڈی ڈیوائس موجود تھی۔
رپورٹ میں کہا گیا کہ مال خانے میں پرائما کورڈ، سیفٹی فیوز، بیٹریاں اور الیکٹرک تاریں رکھی گئی تھیں۔
کنسرٹ تو دور اسرائیل اور نیتن یاہو کے قریب سے بھی نہیں گزرنا چاہتا؛ برطانوی گلوکار