این ایف سی ایوارڈ پر نظر ثانی، وزیراعظم شہباز شریف نے بڑا اعلان کردیا
اشاعت کی تاریخ: 3rd, June 2025 GMT
وزیراعظم پاکستان شہباز شریف نے نیشنل فنانس کمیشن (این ایف سی) ایوارڈ پر نظر ثانی کے لیے پہلی میٹنگ بلانے کا اعلان کردیا۔
یہ بھی پڑھیں این ایف سی ایوارڈ میں بلوچستان کا حصہ دوگنا کردیا گیا ہے، وزیراعظم شہباز شریف
پشاور میں گرینڈ جرگے سے خطاب کرتے ہوئے انہوں نے کہاکہ ہم این ایف سی ایوارڈ کے حوالے سے اگست میں پہلی میٹنگ کرنے جارہے ہیں۔
وزیراعظم نے کہاکہ 2010 کے این ایف سی ایوارڈ میں پہلا نکتہ خیبرپختونخوا کو دہشتگردی کے خلاف وسائل کی فراہمی ہے، مختلف ادوار میں 700 ارب روپے خیبرپختونخوا کو دیے گئے، اور دہشتگردی کے خاتمے تک فنڈز کی فراہمی کا یہ سلسلہ جاری رہےگا۔
انہوں نے کہاکہ این ایف سی ایوارڈ میں خیبرپختونخوا کے حصے پر کمیٹی تشکیل دوں گا۔ ہم مل بیٹھ کر خیبرپختونخوا کے معاملات کو سنجیدگی سے دیکھیں گے اور ضرورت پڑی تو پارلیمنٹ میں لے کر جائیں گے۔
یہ بھی پڑھیں این ایف سی ایوارڈ کے تحت حق نہ ملا تو زبردستی لیں گے، علی امین گنڈاپور
وزیراعظم شہباز شریف نے کہاکہ فیلڈ مارشل سید عاصم منیر کی قیادت میں پاکستان نے بھارت کو جو سبق سکھایا ہے وہ قیامت تک یاد رکھے گا، اب معاشی میدان میں بھی پاکستان کی تقدیر بدلیں گے جس کے لیے بڑے فیصلے کرنے ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews این ایف سی ایوارڈ بڑا اعلان شہباز شریف کمیٹی کی تشکیل وزیراعظم پاکستان وی نیوز.ذریعہ: WE News
کلیدی لفظ: این ایف سی ایوارڈ بڑا اعلان شہباز شریف کمیٹی کی تشکیل وزیراعظم پاکستان وی نیوز ایف سی ایوارڈ شہباز شریف نے کہاکہ
پڑھیں:
ڈونلڈ ٹرمپ نے پاک بھارت جنگ بندی کروا کر لاکھوں جانیں بچائیں، وزیراعظم شہباز شریف
وزیراعظم شہباز شریف نے کہا ہے کہ پاک بھارت حالیہ جنگ کے دوران امریکی صدر ڈونلڈ ٹرمپ نے جنگ بندی کروا کر لاکھوں جانیں بچائیں۔
چترال میں دانش اسکول کے سنگ بنیاد رکھنے کی تقریب سے خطاب کرتے ہوئے کہا کہ اہلِ چترال ایک مہذب، پرامن اور محبِ وطن قوم ہیں جنہوں نے ہمیشہ پاکستان کی ترقی و خوشحالی میں نمایاں کردار ادا کیا ہے۔ انہوں نے کہا کہ انہیں چترال آکر بے حد خوشی ہوئی ہے اور وہ اپنے بڑے بھائی، قائدِ مسلم لیگ (ن) میاں محمد نواز شریف کی جانب سے نیک تمنائیں لے کر آئے ہیں۔
وزیراعظم نے کہا کہ نواز شریف نہ صرف ملک کی مجموعی ترقی کے لیے کوشاں ہیں بلکہ خیبرپختونخوا اور خصوصاً چترال کے ترقیاتی منصوبوں میں بھی گہری دلچسپی رکھتے ہیں۔ انہوں نے اعلان کیا کہ چترال میں جدید سہولتوں سے آراستہ “دانی اسکول” قائم کیا جائے گا، جو مکمل طور پر مفت ہوگا۔ اس ادارے میں یتیم، غریب اور عام گھرانوں کے بچے معیاری تعلیم حاصل کریں گے۔ اسکول میں ڈیجیٹل لائبریری، اسمارٹ بورڈز، جدید لیبارٹریاں، کھیلوں کے میدان اور رہائشی سہولتیں فراہم کی جائیں گی۔
وزیراعظم شہباز شریف نے کہا کہ ملک کے دور دراز علاقوں بشمول آزاد کشمیر، گلگت بلتستان، بلوچستان اور چترال میں تعلیم، صحت اور بنیادی سہولتوں کی فراہمی حکومت کی ترجیح ہے۔ انہوں نے اعلان کیا کہ چترال کے طلبہ کو بھی لیپ ٹاپ اسکیم میں شامل کیا جائے گا تاکہ وہ جدید تعلیم کے تقاضوں سے ہم آہنگ ہو سکیں۔
چترال کے لیے منصوبوں کا اعلان
وزیراعظم نے اپنے خطاب میں چترال کے لیے متعدد ترقیاتی منصوبوں کا اعلان کیا۔ انہوں نے کہا کہ اپر چترال میں گیس پلانٹ لگایا جائے گا، جس کے احکامات وہ اسلام آباد پہنچتے ہی جاری کریں گے۔ اسی طرح چترال-بونی-مستوج-شندور روڈ، جو 153 کلومیٹر طویل ہے، اگلے سال دسمبر تک مکمل کر لی جائے گی، جبکہ چترال-ایون-بمبوریت روڈ پر جاری کام مئی تک مکمل ہونے کی توقع ہے۔
انہوں نے مزید کہا کہ لواری ٹنل کے شمالی راستے کی سات کلومیٹر طویل تعمیر مکمل ہو چکی ہے، جس کی مزید بہتری کے لیے اقدامات کیے جائیں گے۔ وزیراعظم نے کہا کہ وہ جلد وزیرِ مواصلات اور سیکرٹری مواصلات کے ہمراہ چترال کا دوبارہ دورہ کریں گے تاکہ دیگر منصوبوں پر پیش رفت کا جائزہ لیا جا سکے۔
انہوں نے کہا کہ پاکستان وسائل سے مالا مال ملک ہے اور اس کی نوجوان نسل ترقی کا ضامن ہے۔ سیاسی اختلافات اپنی جگہ مگر قومی ترقی، خوشحالی اور دہشت گردی کے خاتمے کے لیے سب کو متحد ہونا چاہیے۔
وزیراعظم شہباز شریف نے کہا ہے کہ پاکستان نے حالیہ چار روزہ جنگ میں بھارت کو شکست دی اور پاک افواج کی جرات و بہادری پر پوری قوم کو فخر ہے۔ انہوں نے کہا کہ فیلڈ مارشل سید عاصم منیر اور ایئر چیف مارشل ظہیر بابر کی قیادت میں پاک فوج اور فضائیہ نے دفاعِ وطن میں نئی تاریخ رقم کی۔ وزیراعظم نے امریکی صدر ڈونلڈ ٹرمپ کے کردار کو بھی سراہا کہ انہوں نے جنگ بندی کے قیام میں کلیدی کردار ادا کیا اور لاکھوں جانیں بچائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news چترال دانش اسکول ڈونلڈ ٹرمپ شہباز شریف
پی ٹی آئی نے وزیراعلیٰ پختونخوا اور کور کمانڈر پشاور کی ملاقات کی تصدیق کر دی