ورلڈ باکسنگ کے صدر نے ایمان خلیف سے معافی مانگ لی
اشاعت کی تاریخ: 4th, June 2025 GMT
ورلڈ باکسنگ کے صدر نے الجزائر کی معروف باکسر ایمان خلیف سے معافی مانگ لی۔
غیر ملکی میڈیا رپورٹ کے مطابق ورلڈ باکسنگ کے صدر بورس وان ڈر فورسٹ نے الجزائر کی معروف باکسر ایمان خلیف کا نام نئے جینڈر ٹیسٹ کی پالیسی کے اعلان میں لینے پر باقاعدہ معذرت کر لی۔
رپورٹ کے مطابق خلیف کا نام اس وقت لیا گیا تھا جب ورلڈ باکسنگ نے جمعہ کے روز جنسی جانچ کو لازمی قرار دینے کی پالیسی جاری کی۔ اس اقدام پر مختلف حلقوں کی جانب سے تنقید کی گئی، خاص طور پر اس لیے کہ باکسر کی پرائیویسی کو تحفظ فراہم نہیں کیا گیا۔
ایمان خلیف نے گزشتہ برس پیرس اولمپکس گیمز میں طلائی تمغہ جیتا تھا، تاہم وہ پہلے ہی انٹرنیشنل باکسنگ ایسوسی ایشن (IBA) کی جانب سے کیے گئے ایک متنازعہ جینڈر ٹیسٹ کی وجہ سے خبروں میں رہ چکی ہیں۔
ورلڈ باکسنگ، جو کہ آئندہ اولمپک کھیلوں میں باکسنگ کے انتظام کی ذمہ دار نئی عالمی فیڈریشن ہے، نے تصدیق کی کہ صدر بورس وان ڈر فورسٹ نے الجزائر باکسنگ فیڈریشن سے رابطہ کر کے تحریری معذرت کی ہے۔
بورس وان ڈر فورسٹ نے لکھا کہ میں آپ سب کو ذاتی طور پر ایک باقاعدہ معذرت پیش کر رہا ہوں اور تسلیم کرتا ہوں کہ ایمان خلیف کی نجی معلومات کا تحفظ کیا جانا چاہیے تھا۔
انہوں نے مزید لکھا کہ امید کرتے ہیں کہ آپ سے ذاتی طور پر رابطہ کر کے ہم آپ اور آپ کے ایتھلیٹس کے لیے اپنے سچے احترام کا اظہار کر رہے ہیں۔
ورلڈ باکسنگ نے اپنی نئی حالیہ پالیسی میں کہا ہے کہ یکم جولائی سے تمام باکسرز کے لیے جنس کا ٹیسٹ لازمی ہوگا تاکہ تمام شرکاء کی سلامتی کو یقینی بنایا جا سکے اور مرد و خواتین کے لیے برابری کا میدان فراہم کیا جا سکے۔
واضح رہے کہ الجیریا کی باکسر ایمان خلیف کی میڈیکل رپورٹ لیک ہوئی تھی جس میں انکشاف ہوا تھا کہ وہ خاتون نہیں بلکہ مرد ہیں، جس کے بعد انہوں نے میڈیکل رپورٹ کے خلاف قانونی کارروائی کا اعلان کیا تھا۔
Post Views: 2.ذریعہ: Daily Mumtaz
کلیدی لفظ: ورلڈ باکسنگ باکسنگ کے
پڑھیں:
وزیر اعظم محمد شہباز شریف سے ورلڈ بنک کے ریجنل نائب صدر مسٹر عثمان ڈیون کی ملاقات
وزیر اعظم محمد شہباز شریف سے عالمی بینک کے مشرق وسطیٰ ، شمالی افریقہ، افغانستان اور پاکستان (MENAAP) کے ریجنل نائب صدر مسٹر عثمان ڈیون نے آج اسلام آباد میں ملاقات کی۔وزیراعظم نے پاکستان کے ساتھ طویل شراکت داری پر عالمی بینک کا تہہ دل سے شکریہ ادا کیا۔ انہوں نے خاص طور پر عالمی بینک کے صدر جناب اجے بنگا اور پاکستان کے لئے عالمی بینک کے سابق کنٹری ڈائریکٹر جناب ناجی بنہسین کا پاکستان کے لیے نئے کنٹری پارٹنرشپ فریم ورک (CPF) کو آگے بڑھانے میں اہم کردار ادا کرنے پر تہہ دل سے شکریہ ادا کیا۔وزیراعظم نے پاکستان کی ترقی کی ترجیحات بالخصوص توانائی، انسانی وسائل ، موسمیاتی تبدیلی اور گورننس اصلاحات کے شعبوں میں CPF (Country Partnership Framewok) کے اسٹریٹجک کردار کو سراہا۔وزیراعظم نے سندھ طاس معاہدے جیسے اہم بین الاقوامی معاہدے کو نقصان پہنچانے کے بھارت کے یکطرفہ اور غیر قانونی اقدامات کی روشنی میں پاکستان کے جائز مؤقف کے لیے عالمی بینک کی اصولی حمایت کو سراہا۔ انہوں نے بین الاقوامی قانون کی پاسداری، خوشحالی کے حصول اور علاقائی امن کو برقرار رکھنے کے لیے پاکستان کے عزم کا اعادہ کیا اور تمام مسائل کو بات چیت کے ذریعے حل کرنے کے لیے پاکستان کے عزم کا اظہار کیا۔وزیراعظم نے 2022 کے تباہ کن سیلاب کے دوران عالمی بینک کی بروقت اور فراخدلانہ مدد پر شکریہ ادا کیا، جس نے پاکستان کو فوری امدادی سرگرمیاں شروع کرنے اور تعمیر نو اور بحالی کے اقدامات شروع کرنے میں مدد کی۔جناب عثمان ڈیون نے پاکستان کے دورے کے دوران پر تپاک مہمان نوازی پر وزیر اعظم شہباز شریف کا شکریہ ادا کیا۔ انہوں نے پاکستان کی دیرینہ شراکت داری اور معیشت کے اہم شعبوں میں تعاون کو مزید گہرا اور وسعت دینے کے لیے عالمی بینک کے عزم کا اعادہ کیا۔جناب ڈیون نے پاکستان کی جاری میکرو اکنامک بحالی کی تعریف کی اور ملک کو مالیاتی استحکام اور پائیدار ترقی کی طرف لے جانے پر وزیر اعظم کی حکومت کی تعریف کی۔ انہوں نے خاص طور پر موجودہ انتظامیہ کے اصلاحاتی ایجنڈے کی تعریف کی، جس میں وزیر اعظم شہباز شریف کی مضبوط قیادت کو ادارہ جاتی جاتی اصلاحات کو آگے بڑھانے، سرمایہ کاروں کا اعتماد بحال کرنے اور جامع اقتصادی ترقی کو فروغ دینے میں اہم قرار دیا۔ملاقات کے اختتام پر حکومت پاکستان اور ورلڈ بنک کی جانب سے طویل المدتی ترقیاتی اہداف کے حصول اور پاکستان کے عوام کے لیے ایک خوشحال مستقبل کی تعمیر کے لئے، آنے والے سالوں میں دونوں کے مابین تعاون کو مزید مضبوط بنانے کے لیے مشترکہ عزم کا اظہار کیا گیا.
کاروباری دنیا میں مفت کچھ نہیں