غریب محض عید پر، اڈیالہ کا قیدی روز گوشت کھاتا ہے: عظمیٰ بخاری
اشاعت کی تاریخ: 6th, June 2025 GMT
لاہور(نوائے وقت رپورٹ) وزیر اطلاعات و ثقافت عظمیٰ بخاری نے کہا غریب محض عید پر جبکہ اڈیالہ کا قیدی روز گوشت کھاتا ہے۔ قیدی نمبر 804 اور اس کا خاندان رات بھر خوابی فلمیں دیکھتی ہیں۔ صبح اٹھ کر کسی اور دنیا میں ہوتے ہیں۔ باجی علیمہ کا کہنا ہے سب ڈٹ کر کھڑے ہیں، مگر حقیقت یہ ہے کہ سب ایک کھیل کا حصہ ہیں۔ ان خیالات کا اظہار انہوں نے وزیر بلدیات پنجاب ذیشان رفیق اور وزیر اعلیٰ پنجاب کی معاون خصوصی برائے پرائس کنٹرول سلمیٰ بٹ کے ہمراہ ڈی جی پی آر میں پریس کانفرنس کرتے ہوئے کیا۔ انہوں نے کہا میں وزیر اعلیٰ پنجاب کی جانب سے وزیر اعظم پاکستان اور اسحاق ڈار کو دل کی گہرائیوں سے مبارکباد پیش کرتی ہوں۔ پاکستان کو اقوام متحدہ کی سکیورٹی کونسل کا نائب صدر منتخب کیا گیا ہے۔ ملکی تاریخ میں یہ پہلا موقع ہے شاندار سفارت کاری کے نتیجے میں پاکستان کو یہ عالمی سطح کی اہم ذمہ داری سونپی گئی ہے۔ پچھلے سال جو خدمت کا بنچ مارک سیٹ کیا گیا، اس سال صفائی میں نیا ریکارڈ قائم کریں گے۔" انہوں نے وزیر بلدیات ذیشان رفیق کو سراہتے ہوئے کہا کہ ذیشان رفیق نے ایک نئی روایت قائم کی ہے جسے دوسرے صوبے بھی اپنانے پر مجبور ہوئے۔" عیدالاضحی کے تناظر میں قیمتوں اور صفائی کے نظام پر بھی بات کرتے ہوئے ان کا کہنا تھا کہ عید پر کھانے پکانے کے اخراجات اور سبزیوں کی قیمتوں پر خصوصی نظر رکھی جا رہی ہے۔ پنجاب واحد صوبہ جہاں اشیاثے خور و نوش کی منصوبہ بندی موثر انداز میں کی جارہی ہے۔ پنجاب میں بجلی کی قیمتوں سے متعلق عوام کو خوشخبری دیتے ہوئے عظمیٰ بخاری نے بتایا کہ پنجاب حکومت نے بجلی پیدا کرنے والی کمپنی کے منافع میں کمی کی ہے، تاکہ سستی بجلی نیشنل گرڈ میں شامل کی جا سکے۔ اس اقدام سے صارفین کو بجلی کے بلوں میں واضح ریلیف ملے گا۔
.
ذریعہ
ذریعہ: Nawaiwaqt
پڑھیں:
بجلی، گیس، پانی، پیٹرول سمیت ہر شعبے میں ٹیکس وصول کیے جا رہے ہیں، شاداب نقشبندی
سربراہ پاکستان سنی تحریک نے کہا کہ وقت کا تقاضا ہے کہ عوام کو مہنگائی، بے روزگاری اور بنیادی سہولیات کے بحران سے نجات دلانے کے لیے فوری، سنجیدہ اور مؤثر اقدامات کیے جائیں تاکہ عوام کا اعتماد بحال ہو اور ملک معاشی استحکام کی جانب گامزن ہو سکے۔ اسلام ٹائمز۔ پاکستان سنی تحریک کے سربراہ محمد شاداب رضا نقشبندی نے کہا ہے کہ گیس، بجلی اور پانی کی مسلسل قلت، بڑھتی ہوئی مہنگائی اور حکومتی معاشی پالیسیاں عوام کے لیے شدید پریشانی کا باعث بن چکی ہیں، حکمران طبقہ تاجروں، کسانوں، مزدوروں اور عام شہریوں کو معاشی ریلیف اور سہولیات فرام کرنے میں بے بس ہے۔ ان کیالات کا اظہار انہوں نے مرکز اہلسنت سے جاری ایک بیان میں کیا۔ محمد شاداب رضا نقشبندی نے کہا کہ پیٹرولیم مصنوعات کی قیمتوں میں بار بار ہونے والے اضافے نے نہ صرف شہریوں کی مشکلات میں اضافہ کیا ہے بلکہ معیشت کو بھی عدم استحکام سے دوچار کر دیا ہے، بازاروں میں سناٹے تاجر بھی پریشان حال ہیں، حکمرانوں کے پاس تاحال ایسی عوام دوست معاشی پالیسی دکھائی نہیں دے رہی جو مہنگائی پر قابو پا سکے اور عام آدمی کو حقیقی سہولت فراہم کرے۔
ان کا کہنا تھا کہ حکومت کو چاہیئے کہ دعووں اور اعلانات کے بجائے عملی اقدامات کرے، عوام کی بنیادی ضروریات کی فراہمی کو یقینی بنائے اور معاشی استحکام کے لیے بڑے، مؤثر اور دیرپا فیصلے کرے۔ انہوں نے کہا کہ جمہوریت اور آئین کا بنیادی مقصد عوام کو باعزت، محفوظ اور خوشحال زندگی فراہم کرنا ہے، حکومت کی ذمہ داری ہے کہ وہ شہریوں کو معیاری تعلیم، بہترین طبی سہولیات، روزگار کے مواقع، معاشی استحکام اور بنیادی ضروریات کی فراہمی یقینی بنائے، عوام کو مہنگائی، بے روزگاری اور غربت سے نجات دلانے کے لیے مؤثر اور عوام دوست پالیسیاں اختیار کی جائیں، حقیقی جمہوریت اسی وقت مضبوط ہوتی ہے جب آئین کی بالادستی، قانون کی مساوی حکمرانی اور عوامی فلاح و بہبود کو اولین ترجیح دی جائے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی