ملک اسد قتل کیس: سابق صوبائی وزیر ملک امجد آفریدی ساتھیوں سمیت گرفتار
اشاعت کی تاریخ: 5th, June 2025 GMT
کوہاٹ کے سابق ضلع ناظم ملک اسد خان کے قتل کیس میں سابق صوبائی وزیر، پاکستان پیپلز پارٹی کے صوبائی ترجمان و سیکریٹری اطلاعات ملک امجد آفریدی کو ساتھیوں سمیت گرفتار کر لیا گیا۔
پولیس کے مطابق قتل کی تمام منصوبہ بندی ملک امجد آفریدی کے گھر میں کی گئی تھی۔
یہ بھی پڑھیں: کوہاٹ میں نامعلوم افراد کی فائرنگ، سابق ضلع ناظم ملک اسد جاں بحق
ڈی پی او کوہاٹ زاہد اللہ خان کا کہنا ہے کہ اس کیس میں شامل دیگر ملزمان میں حسین آفریدی، ہاشم عرف شینو، گل زیب، نعمت، عامر اور یاسر شامل ہیں۔ پولیس نے ملزم عامر کو اسلام آباد سے گرفتار کیا جس نے دوران تفتیش دیگر ملزمان کے نام اگل دیے۔
زاہد اللہ خان نے بتایا کہ ملک امجد آفریدی اور ان کے بھانجے حسین آفریدی نے ملزمان کو پناہ دی اور فرار کرانے میں مدد فراہم کی۔
مزید پڑھیے: جی ایچ کیو حملہ کیس، علی امین گنڈاپور سمیت 25 ملزمان کے ناقابل ضمانت وارنٹ گرفتاری جاری
تمام ملزمان کو اسلحہ سمیت گرفتار کر لیا گیا ہے۔ عدالت نے ملک امجد آفریدی کو 5 دن اور دیگر ملزمان کو 7 دن کے ریمانڈ پر پولیس کے حوالے کر دیا ہے۔
واضح رہے کہ ملک امجد آفریدی سابق وفاقی وزیر عباس آفریدی کے بھائی اور سینیٹر شمیم آفریدی کے صاحبزادے ہیں۔ اسد ملک کو اپریل کے وسط میں قتل ہوئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کوہاٹ کے سابق ضلع ناظم ملک اسد خان ملک اسد قتل کیس ملک امجد آفریدی.
ذریعہ
ذریعہ: WE News
کلیدی لفظ: کوہاٹ کے سابق ضلع ناظم ملک اسد خان ملک اسد قتل کیس ملک امجد ا فریدی ملک امجد آفریدی ملک اسد قتل کی
پڑھیں:
کوٹ عبدالمالک: بیٹی‘ سابق بیوی پر تشدد‘ تیزاب پھینک دیا‘ دونوں جھلس گئیں
فیروزوالہ (نامہ نگار) شرقپور خورد کوٹ عبدالمالک میں ایک شخص وقاص احمد نے بیوٹی پارلر پر جا کر سابقہ بیوی مسرت بی بی اور جواں سال بیٹی ایمان فاطمہ کو تشدد کا نشانہ بنانے کے بعد تیزاب پھینک دیا جس سے مسرت بی بی جسم پر تیزاب پڑنے سے بری طرح جھلس گئی جبکہ ایمان فاطمہ معمولی زخمی ہوئی۔ دریں اثناء ایس ایچ او کوٹ عبدالمالک نے بتایا ہے کہ ملزم وقاص احمد نشہ کا عادی ہے۔ وقوعہ کے وقت وقاص احمد اپنی بیٹی ایمان فاطمہ کو ملنے کی خاطر سابقہ بیوی مسرت بی بی کے بیوٹی پارلر پر آیا جہاں مسرت بی بی نے بیٹی کو ملانے سے انکار کر دیا۔ ملزم شیخوپورہ کے قریب قصبہ بھکھی میں رہ رہا ہے جس کو گرفتار کرنے کی خاطر اس کے تمام ممکنہ ٹھکانوں پر چھاپے مارے جا رہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ