اورنگی ٹاؤن کرسچن قبرستان کے قریب ڈاکوؤں کی فائرنگ سے نوجوان زخمی
اشاعت کی تاریخ: 6th, June 2025 GMT
اورنگی ٹاؤن کے علاقے ساڑھے گیارہ نمبر غازی آباد کرسچن قبرستان کے قریب فائرنگ سے نوجوان زخمی ہوگیا جسے فوری طبی امداد کے لیے عباسی شہید اسپتال لیجایا گیا۔
پاکستان بازار پولیس کا کہنا ہے کہ واقعہ ڈکیتی کے دوران مزاحمت پر پیش آیا ہے جبکہ نوجوان کی شناخت 27 سالہ احمد علی کے نام سے کی گئی جبکہ پولیس واقعے کی مزید معلومات حاصل کر رہی ہے۔
.ذریعہ: Express News
پڑھیں:
کراچی میں دو مختلف مبینہ پولیس مقابلے، 3 زخمیوں سمیت 4 ملزمان گرفتار
کراچی:شہر قائد میں پولیس اور جرائم پیشہ عناصر کے درمیان دو مختلف مقامات پر مبینہ پولیس مقابلوں کے دوران تین زخمیوں سمیت چار ملزمان کو گرفتار کر لیا گیا۔
گرفتار ملزمان کے قبضے سے اسلحہ اور دیگر مسروقہ سامان برآمد ہوا ہے جبکہ زخمیوں کو اسپتال منتقل کر دیا گیا ہے۔
کورنگی انڈسٹریل ایریا میں پولیس اور ڈاکوؤں کے درمیان فائرنگ کا تبادلہ ہوا۔ پولیس کے مطابق واردات کے بعد فرار ہونے والے ملزمان کو روکنے کی کوشش کی گئی تو انہوں نے پولیس پارٹی پر فائرنگ شروع کر دی۔
جس کے جواب میں دو طرفہ فائرنگ کا سلسلہ شروع ہوا۔ مقابلے کے دوران دو ملزمان زخمی جبکہ ایک کو گرفتار کر لیا گیا۔
پولیس کا کہنا ہے کہ ملزمان کے قبضے سے اسلحہ، گولیاں اور دیگر قابل اعتراض سامان برآمد ہوا ہے، جبکہ زخمیوں کو فوری طور پر طبی امداد کے لیے اسپتال منتقل کیا گیا۔ گرفتار ملزمان کا کرمنل ریکارڈ بھی چیک کیا جا رہا ہے۔
مزید پڑھیں: کراچی میں دو مبینہ پولیس مقابلوں میں 4 ڈاکو زخمی حالت میں گرفتار
چھیپا ذرائع کے مطابق زخمی ہونے والے ملزمان کی شناخت اسلم ولد نور خان (عمر 22 سال) اور راحیل ولد جمال الدین (عمر 35 سال) کے نام سے ہوئی ہے، جنہیں چھیپا ایمبولینس کے ذریعے جناح اسپتال منتقل کیا گیا۔
دوسرا مبینہ پولیس مقابلہ نارتھ کراچی سیکٹر 2 میں واقع شراب خانے کے قریب پیش آیا، جہاں اینٹی وہیکل لفٹنگ سیل (AVLC) کی ٹیم نے مشتبہ موٹر سائیکل لفٹر کو روکنے کی کوشش کی۔
ملزم نے فرار ہونے کی کوشش میں فائرنگ کی، جس پر پولیس کی جوابی کارروائی میں وہ زخمی ہو گیا۔
پولیس کے مطابق، زخمی ملزم کی شناخت محمد حسن کے نام سے ہوئی ہے، جسے ابتدائی طبی امداد کے لیے قریبی اسپتال منتقل کر دیا گیا ہے۔ ملزم کے خلاف مزید تحقیقات اور اس کے ماضی کے مجرمانہ ریکارڈ کی جانچ بھی کی جا رہی ہے۔
سعودی عرب نے پاکستان سمیت 14 ممالک کیلیے "ورک ویزا" معطل کر دیئے