بختاور بھٹو کی عیدالاضحیٰ پر اپنے بیٹوں اور دُنبوں کے ہمراہ تصاویر وائرل
اشاعت کی تاریخ: 7th, June 2025 GMT
View this post on Instagram
A post shared by Bakhtawar Bhutto-Zardari (@bakhtawarbz)
سابق وزیر اعظم بے نظیر اور موجودہ صدر آصف علی زرداری کی بڑی صاحبزادی بختاور بھٹو زرداری نے عیدالاضحیٰ کے موقع پر بیٹوں، شوہر اور دنبوں کے ہمراہ تصاویر شیئر کیں جو وائرل ہو گئیں۔انسٹاگرام پر بختاور بھٹو زرداری اپنے اہلخانہ کے ہمراہ مختلف پوسٹس شیئر کیں، انہوں نے عید لُک شیئر کرتے ہوئے سوشل میڈیا صارفین کو عید کی مبارکباد بھی دی۔سوشل میڈیا پر شیئر کی گئی خوبصورت تصاویر میں بختاور بھٹو کو بھورے بادامی لباس میں دیکھا جاسکتا ہے جب کہ ان کے شوہر محمود چوہدری سمیت تینوں بیٹے سیاہ ویسٹ کوٹ اور سفید کرتا شلوار میں ٹوئینگ کرتے نظر آئے۔انسٹاگرام پر شیئر کی گئی پوسٹ میں 2 خوبصورت دنبے بھی موجود ہیں، جس سے اندازہ ہوتا ہے کہ بختاور بھٹو اور ان کے شوہر محمود چوہدری نے اس بار دنبوں کی قربانی کی ہے۔یاد رہے کہ بختاور بھٹو زرداری دبئی کے پاکستانی نژاد کاروباری شخص محمود چوہدری کے ساتھ 29 جنوری 2021 کو رشتہ ازدواج میں منسلک ہوئی تھیں۔اب اس جوڑی کے تین بیٹے بھی ہیں، بڑے بیٹے کا نام میر حاکم، منجھلے بیٹے کا نام میر سجاول جب کہ چھوٹے بیٹے کا نام میر ذوالفقار ہے۔
View this post on InstagramA post shared by Bakhtawar Bhutto-Zardari (@bakhtawarbz)
.
ذریعہ: Nawaiwaqt
کلیدی لفظ: بختاور بھٹو شیئر کی
پڑھیں:
پاکستان امن کیلئے تیار، بھارت کو ایک قدم آگے بڑھنے کی ضرورت ہے: بلاول بھٹو
واشنگٹن (ڈیلی پاکستان آن لائن)چیئرمین پاکستان پیپلزپارٹی بلاول بھٹو زرداری نے کہا ہے کہ پاکستان امن کیلئے تیار ہے، بھارت کو ایک قدم آگے بڑھنے کی ضرورت ہے۔
نجی ٹی وی دنیا نیوز کے مطابق سماجی رابطے کی ویب سائٹ ایکس (سابقہ ٹوئٹر) پر اپنے پیغام میں بلاول بھٹو زرداری نے لکھا کہ پاک بھارت جنگ بندی کرانے پر امریکی صدر کے کردار کا شکریہ ادا کرتے ہیں، ہم امریکی حکومت کے ساتھ مل کر جنوبی ایشیا میں مستقل امن کیلئے آپ کے وژن پر عملدرآمد کے منتظر ہیں۔
ان کا کہنا تھا کہ بھارت سے کسی غیرجانبدار مقام پر تمام متنازع امور پر بات چیت کیلئے تیار ہیں، ہم امید کرتے ہیں کہ بھارتی حکومت اور واشنگٹن میں موجود بھارتی لابی آپ کی شاندار کوششوں کو سبوتاژ نہیں کرے گی۔
بلاول بھٹو زرداری نے کہا کہ پاکستان امن کیلئے تیار ہے، اب بھارت کو ایک قدم آگے بڑھنے کی ضرورت ہے۔
بھارتی بربریت ، میر واعظ عمر فاروق کو عیدالاضحیٰ پر جامع مسجد سری نگر جانے سے روک دیا گیا
مزید :
جماعت اسلامی نے برطانیہ سے غزہ میں جنگ بندی کروانے کا مطالبہ کر دیا