آئندہ مالی سال کے وفاقی بجٹ کے اہم نکات سامنے آ گئے
اشاعت کی تاریخ: 10th, June 2025 GMT
اسلام آباد(ڈیلی پاکستان آن لائن)آئندہ مالی سال کے وفاقی بجٹ کے اہم نکات سامنے آ گئے۔
نجی ٹی وی چینل جیو نیوز ذرائع کے مطابق قرضوں پر سود کی ادائیگی کیلئے 8207ارب مختص کئے گئے ہیں،دفاع کیلئے 2550ارب روپے مختص کرنے کی تجویز ہے،حکومتی نظام چلانے کے اخراجات کیلئے 971ارب روپے رکھنے کی تجویز ہے،اسی طرح پنشنزکی ادائیگی کیلئے 1055ارب روپے مختص کرنے کی تجویزہے،سبسڈیز کی مد میں 1186ارب روپے رکھنے کی تجویز ہے۔
ذرائع کا مزید کہنا ہے کہ گرانٹس کی مد میں 1928ارب روپے رکھنے کی تجویز ہے،ترقیاتی بجٹ کیلئے ایک ہزار ار ب روپے مختص کرنے کی تجویز ہے،ایف بی آرٹیکس وصولی کا ہدف 14131 ارب روپے رکھنے کی تجویز ہے،نان ٹیکس ریونیو کا ہدف 5167ارب روپے رکھنے کی تجویز ہے جبکہ فیڈرل گروس ریونیو کا ہدف 19298ارب روپے رکھنے کی تجویز ہے۔
بجٹ 2025-26، سپر ٹیکس میں کتنی کمی کی تجویز ہے؟ بجٹ دستاویز سامنے آ گئیں
ذرائع کاکہنا ہے کہ صوبوں کو محاصل کی منتقلی کا تخمینہ 8206ارب روپے ہوگا، نیٹ فیڈرل ریونیو11072ارب روپے رہنے کا تخمینہ ہے ،آئندہ مالی سال جاری اخراجات 16ہزار 286ارب روپے رہنے کا تخمینہ ہے،آئندہ مالی سال مجموعی اخراجات 17ہزار573ارب روپے رہنے کاتخمینہ ہے۔
اسی طرح آئندہ مالی سال بجٹ خسارہ جی ڈی پی کا 5فیصد رہنے کا تخمینہ ہے،بجٹ خسارہ 6501ارب روپے رہنے کا تخمینہ ہے۔
مزید :.
ذریعہ
ذریعہ: Daily Pakistan
کلیدی لفظ: رہنے کا تخمینہ ہے ا ئندہ مالی سال روپے رہنے کا
پڑھیں:
توشہ خانہ ریکارڈ، وزیراعظم اور اسحاق ڈار کے تحائف کی تفصیلات سامنے آگئیں
اسلام آباد(رضوان عباسی ): توشہ خانہ ریکارڈ میں وزیراعظم شہباز شریف اور نائب وزیراعظم و وزیر خارجہ سینیٹر اسحاق ڈار کو اپریل سے جون 2026 کے دوران مختلف غیر ملکی شخصیات اور وفود کی جانب سے ملنے والے سرکاری تحائف کی تفصیلات سامنے آ گئی ہیں۔
کابینہ ڈویژن کی دستاویزات کے مطابق اس عرصے میں موصول ہونے والے تمام سرکاری تحائف توشہ خانہ قواعد کے تحت کابینہ ڈویژن میں جمع کرا دیے گئے ہیں، جبکہ ان کی مالیت کے تعین (ویلیوایشن) کا عمل تاحال جاری ہے۔
دستاویزات کے مطابق وزیراعظم شہباز شریف کو مختلف ممالک کے سربراہان، اعلیٰ حکام اور سرکاری وفود کی جانب سے متعدد یادگاری تحائف پیش کیے گئے۔ ان میں شوگر باؤل، گاڑی کا فریم شدہ ماڈل، شیلڈز، قیمتی قلم، کف لنکس، ٹائی، کافی کپ اور واٹر گلاس سیٹ، چائے کے کپ اور ساسرز، آرائشی واز، ایرانی فیروزہ اِنلے دستکاری پر مشتمل پانچ پیس سیٹ، روایتی چینی اسکرول پینٹنگ، چائنا اسپیس اسٹیشن کا ماڈل اور دیگر سووینئرز شامل ہیں۔
اسی طرح نائب وزیراعظم و وزیر خارجہ سینیٹر اسحاق ڈار کو بھی مختلف ممالک کی جانب سے متعدد سرکاری تحائف دیے گئے، جن میں مصری طرز کا مجسمہ، مسجد نبوی ﷺ کا ماڈل، کف لنکس اور دیگر یادگاری اشیا شامل ہیں۔
دستاویزات میں یہ بھی بتایا گیا ہے کہ ڈپٹی چیف آف پروٹوکول محمد ارسلان میر کو ایک قیمتی ڈائمنڈ کلیکشن رسٹ واچ بطور سرکاری تحفہ موصول ہوئی، جس کی مالیت کا تعین بھی جاری ہے۔
کابینہ ڈویژن کے مطابق توشہ خانہ ریکارڈ میں شامل تمام تحائف متعلقہ قوانین اور قواعد کے مطابق وصول کیے گئے ہیں۔ حکام کا کہنا ہے کہ ویلیوایشن مکمل ہونے کے بعد توشہ خانہ رولز کے مطابق آئندہ کارروائی کی جائے گی۔
سرکاری ذرائع کے مطابق تحائف کی مالیت کا تعین مکمل ہونے کے بعد قواعد کے مطابق یہ فیصلہ کیا جائے گا کہ متعلقہ حکام ان تحائف کو اپنے پاس رکھ سکتے ہیں یا انہیں سرکاری تحویل میں برقرار رکھا جائے گا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی