پنجاب میں ہیٹ ویو کب تک برقرار رہے گی؟
اشاعت کی تاریخ: 10th, June 2025 GMT
لاہور(نیوز ڈیسک)پنجاب بھر میں شدید گرمی کی لہر جاری ہے اور محکمہ موسمیات نے آئندہ کئی دنوں تک ہیٹ ویو برقرار رہنے کی پیش گوئی کی ہے۔ پی ڈی ایم اے کے مطابق یہ صورتحال 13 جون تک جاری رہ سکتی ہے۔
پی ڈی ایم اے کے ترجمان کا کہنا ہے کہ صوبے بھر میں درجہ حرارت معمول سے 7 ڈگری زیادہ ریکارڈ کیا جا رہا ہے۔ گزشتہ روز ڈیرہ غازی خان اور نورپور تھل میں درجہ حرارت 49 ڈگری سینٹی گریڈ تک پہنچا، جب کہ بھکر، بہاولنگر، گوجرانوالہ اور کوٹ ادو میں 47 ڈگری، لاہور، فیصل آباد، گجرات، ملتان، اوکاڑہ اور سیالکوٹ میں 45 ڈگری سینٹی گریڈ ریکارڈ کیا گیا۔
ریلیف کمشنر پنجاب نبیل جاوید نے تمام کمشنرز اور ڈپٹی کمشنرز کو الرٹ رہنے کی ہدایت کرتے ہوئے کہا ہے کہ وزیر اعلیٰ پنجاب کی ہدایات کے پیش نظر تمام متعلقہ ادارے فعال انداز میں کام کریں اورعوامی مقامات، لاری اڈوں، منڈیوں میں ٹھنڈے پانی کی فراہمی یقینی بنائیں۔
ڈی جی پی ڈی ایم اے نے بتایا کہ ہیٹ ویو کے پیش نظرچولستان میں بھی صاف پانی کی فراہمی کو یقینی بنایا جا رہا ہے اور تمام سرکاری اسپتالوں میں ہیٹ ویو کاؤنٹرز قائم کر دیے گئے ہیں۔
ڈی جی پی ڈی ایم اے عرفان علی کاٹھیا نے عوام سے اپیل کی ہے کہ احتیاطی تدابیر اختیار کریں ۔ بچوں، بزرگوں اور مریضوں کا خاص خیال رکھیں اورغیر ضروری باہر نکلنے سے گریز کریں اور کسی بھی ایمرجنسی میں پی ڈی ایم اے ہیلپ لائن 1129 پر فوری رابطہ کریں۔
ماہرین صحت نے بھی عوام کو گرمی سے بچاؤ کے لیے مناسب احتیاطی تدابیر اپنانے اور پانی کا استعمال زیادہ کرنے کی ہدایت کی ہے۔
.ذریعہ: Daily Ausaf
کلیدی لفظ: پی ڈی ایم اے ہیٹ ویو
پڑھیں:
بلدیاتی انتخابات، استحکام پاکستان پارٹی نے تیاریاں شروع کر دیں
استحکام پاکستان پارٹی کے صدر عبدالعلیم خان کی ہدایات کے مطابق پنجاب میں بلدیاتی انتخابات کی تیاریوں کی نگرانی مرکزی جنرل سیکرٹری میاں خالد محمود، رکن پنجاب اسمبلی شعیب صدیقی اور مرکزی سیکرٹری اطلاعات سید صمصام بخاری، صدر پنجاب رانا نذیر احمد خان کریں گے۔ اسلام ٹائمز۔ پنجاب میں بلدیاتی انتخابات کے حوالے سے استحکام پاکستان پارٹی نے تیاریاں شروع کر دی ہیں۔ مرکزی صدر عبدالعلیم خان نے بلدیاتی انتخابات کیلئے لاہور سمیت پنجاب کی قیادت کو ٹاسک سونپ دیئے ہیں۔ استحکام پاکستان پارٹی کے صدر عبدالعلیم خان کی ہدایات کے مطابق پنجاب میں بلدیاتی انتخابات کی تیاریوں کی نگرانی مرکزی جنرل سیکرٹری میاں خالد محمود، رکن پنجاب اسمبلی شعیب صدیقی اور مرکزی سیکرٹری اطلاعات سید صمصام بخاری، صدر پنجاب رانا نذیر احمد خان کریں گے۔
لاہور ڈویژن میں بلدیاتی انتخابات کی تیاریوں کی نگرانی آئی پی پی لاہور کے صدر ملک زمان نصیب کریں گے۔ ہدایات کے مطابق کے ہر ڈویژن کے مرکزی عہدیدار اپنے اپنے اضلاع کی نگرانی کریں گے، جبکہ لاہور سمیت پنجاب بھر کے عہدیدار بلدیاتی انتخابات کیلئے امیدواروں کی فہرستیں تیار کر کے پارٹی کی مرکزی قیادت کو پیش کریں گے، امیدواروں کا حتمی فیصلہ مرکزی قیادت کرے گی۔
عبدالعلیم خان اور دیگر مرکزی قائدین ڈویژنل اور ضلع کے عہدیداروں کی سفارش پر امیدواروں کا حتمی فیصلہ کریں گے۔ عبدالعلیم خان کی جانب سے جاری کردہ ہدایات میں کہا گیا ہے کہ ایسے امیدوار سامنے لائے جائیں جو ایماندار اور سیاسی اثر و رسوخ رکھتے ہوں، جبکہ ہر یونین کونسل میں سیاسی طور پر مضبوط شخصیات کو پارٹی میں فوری شامل کیا جائے اور تنظیم سازی کے عمل کو بھی تیز کیا جائے۔
اسلام آباد کی طرف کسی نے میلی آنکھ سے دیکھا تو آنکھیں نکال دیں گے،خواجہ آصف