عمران خان کی پارٹی رہنماؤں کو پورے ملک میں احتجاجی تحریک کی تیاری کی ہدایت
اشاعت کی تاریخ: 11th, June 2025 GMT
data-id="863a0a8" data-element_type="widget" data-widget_type="theme-post-content.default">
پاکستان تحریک انصاف (پی ٹی آئی) کے بانی عمران خان کی بہن علیمہ خان نے انکشاف کیا ہے کہ عمران خان نے پارٹی کو ملک بھر میں احتجاجی تحریک شروع کرنے کی ہدایت دی ہے۔ ان کے مطابق، عمران خان نے پی ٹی آئی کے رہنما علی امین گنڈا پور سے مطالبہ کیا ہے کہ پارٹی کی معاشی ٹیم کو بجٹ پر مشاورت کی اجازت دی جائے۔
راولپنڈی میں میڈیا سے گفتگو کرتے ہوئے، علیمہ خان نے بتایا کہ انہوں نے دیگر دو بہنوں کے ہمراہ اڈیالہ جیل میں عمران خان سے ملاقات کی، تاہم ان کے وکیل سلمان اکرم راجا سمیت کسی وکیل کو ملاقات کی اجازت نہیں دی گئی۔ علیمہ خان نے کہا کہ آج انہیں بھی کافی دیر تک جیل کے باہر انتظار کرنا پڑا۔
انہوں نے بتایا کہ عمران خان نے بجٹ سے متعلق خدشات کا اظہار کرتے ہوئے کہا کہ یہ بجٹ بھی ایک بار پھر تنخواہ دار طبقے اور کسانوں پر بوجھ ڈالے گا۔ ان کے بقول، خیبرپختونخوا کا بجٹ فری بجٹ ہوگا، اور پارٹی کی معاشی ٹیم کی شمولیت کے بغیر بجٹ کی کوئی ایلوکیشن قابل قبول نہیں۔
علیمہ خان نے الزام لگایا کہ حکومت اتنی خوفزدہ ہے کہ چند افراد کو بھی بجٹ پر مشاورت کی اجازت نہیں دے رہی، حالانکہ بین الاقوامی مالیاتی ادارے (آئی ایم ایف) کی شرط بھی ہے کہ اپوزیشن، بالخصوص پی ٹی آئی سے مشاورت کی جائے۔
انہوں نے مزید کہا کہ عمران خان نے قوم کو احتجاجی تحریک کی تیاری کا پیغام دیا ہے اور ملک بھر میں مظاہروں کا اعلان کیا ہے۔ ان کا کہنا تھا کہ 26 ویں آئینی ترمیم کے بعد آئین اور قانون کی حکمرانی کو دفن کر دیا گیا ہے۔
علیمہ خان کا کہنا تھا کہ عمران خان عوام کے حق کے لیے جیل میں ہیں اور اُن پر دباؤ ڈالا جا رہا ہے کہ وہ 17 نشستوں والی حکومت کو قبول کر لیں اور ذاتی مفاد کی خاطر کوئی ڈیل کر لیں، لیکن وہ صرف عوام کے مؤقف پر قائم ہیں۔
.ذریعہ: Jasarat News
کلیدی لفظ: علیمہ خان نے کہ عمران خان
پڑھیں:
ملک میں ایک شخص کی مرضی چل رہی ہے( عمران خان)
قاسم اور سلیمان میری اولادیں ہیں،باپ کی رہائی کیلئے آواز اٹھانا اُن کا حق ہے، گنڈا پور، بیرسٹر گوہر اور سلمان اکرم راجا رہائی کیلئے بھرپور تحریک چلائیں، بانی کی ہدایت
ملک میں قانون یا مارشل لا نہیں ہے،میرے ساتھ غیر انسانی سلوک کیا جارہا ہے،فیملی، وکلاء اور میڈیا کو آج اندر داخل نہیں ہونے دیا گیا، علیمہ خان کی میڈیا سے گفتگو
پاکستان تحریک انصاف کے بانی چیئرمین عمران خان نے کہا ہے کہ قاسم اور سلیمان میری اولادیں ہیں اور باپ کی رہائی کیلئے آواز اٹھانا اُن کا حق ہے۔ ملک میں قانون یا مارشل لا نہیں بلکہ ایک شخص کی ایماں پر سب کچھ ہورہا ہے۔ علی امین گنڈا پور، بیرسٹر گوہر خان اور سلمان اکرم راجہ کو ہدایت کی ہے کہ بھرپور تحریک چلائیں۔اڈیالہ جیل کے باہر میڈیا سے گفتگو کرتے ہوئے علیمہ خان نے ایک بار پھر بیانات دہرا کر انہیں بانی پی ٹی آئی سے منسوب کرنے کا دعویٰ کیا۔اڈیالہ کے باہر گفتگو کرتے ہوئے علیمہ خان نے کہا کہ آج توشہ خانہ ٹو کیس کی سماعت اڈیالہ جیل میں تھی، ہمیں گزشتہ رات 12 بجے سماعت کی اطلاع دی گئی اور آج صرف دو وکلاء کو اندر جانے کی اجازت دی گئی۔انہوں نے کہا کہ فیملی، وکلاء اور میڈیا کو آج اندر داخل نہیں ہونے دیا گیا، ہم ساڑھے چار گھنٹے تک اڈیالہ جیل کے دروازے پر انتظار کرتے رہے۔علیمہ خان کے مطابق ’بانی نے کہا ہے انہیں 22 گھنٹے تک سیل میں رکھا جارہا ہے، اُن کا اخبار، کتابیں اور ٹی وی تک بند کردیا گیا ہے جبکہ انہوں نے وکیل کو بتایا کہ انہیں آج ایک کتاب فراہم کی گئی ہے۔علیمہ خان کے مطابق بانی نے اپنے وکیل کو بتایا ہے باہر جاکر بتائیں ان کے ساتھ غیر انسانی سلوک کیا جارہا ہے، ملک میں قانون یا مارشل لا نہیں بلکہ ایک شخص کی ایماں پر سب کچھ ہورہا ہے۔بہن کے مطابق بانی نے کہا ہے پاکستان میں ڈاکو ڈفر الائنس بن چکا ہے، عدلیہ کی آزادی ختم کردی گئی ہے، عدالتی احکامات کی کھلی خلاف ورزی ہورہی ہے اور پاکستان میں انصاف کا نظام دفن ہوچکا ہے۔علیمہ خان نے مطالبہ کیا کہ ہمیں بتایا جائے بانی کے ساتھ کس بات پر غیر انسانی سلوک کیا جارہا ہے۔علیمہ خان کے مطابق بانی نے علی امین گنڈا پور، بیرسٹر گوہر خان اور سلمان اکرم راجہ کو ہدایت کی ہے کہ بھرپور تحریک چلائیں۔
انسانی اسمگلنگ میں ملوث 4 مسافر، 2 ایجنٹس طورخم بارڈر سے گرفتار