پختونخوا کے بیشتر علاقے شدید گرمی کی لپیٹ میں،کچھ اضلاع میں بارش کا امکان
اشاعت کی تاریخ: 16th, June 2025 GMT
پشاور:
خیبرپختونخوا کے بیشتر اضلاع میں آج موسم گرم اور جزوی طور پر ابر آلود رہنے کا امکان ہے جب کہ میدانی علاقے شدید گرمی کی لپیٹ میں رہیں گے۔
محکمہ موسمیات کے مطابق صوبے کے مختلف علاقوں میں تیز ہوائیں چلنے اور بعض مقامات پر گرج چمک کے ساتھ بارش کی پیش گوئی کی گئی ہے۔ چترال، بالائی و زیریں دیر، سوات، شانگلہ، کوہستان، بٹگرام، مانسہرہ اور ایبٹ آباد کے کچھ حصوں میں تیز ہوائیں چل سکتی ہیں اور گرج چمک کے ساتھ بارش متوقع ہے۔
اسی طرح بونیر، صوابی، مردان، چارسدہ، پشاور، نوشہرہ، کوہاٹ، کرک، ہنگو، لکی مروت اور بنوں میں بھی بارش اور طوفانی ہواؤں کا امکان ظاہر کیا گیا ہے۔
ڈیرہ اسماعیل خان، ٹانک، باجوڑ، مہمند، خیبر، کرم، اور جنوبی و شمالی وزیرستان کے اضلاع میں بھی بعض مقامات پر گرج چمک اور تیز ہواؤں کے ساتھ بارش کا امکان ہے۔ محکمہ موسمیات کا کہنا ہے کہ صوبے کے میدانی علاقوں میں گرد آلود ہوائیں چلنے کا بھی امکان ہے ۔
درجہ حرارت کے حوالے سے رپورٹ میں بتایا گیا ہے کہ پشاور، بنوں اور ڈیرہ اسماعیل خان میں پارہ 44 ڈگری سینٹی گریڈ تک جا پہنچا ہے، جو اس سیزن کا انتہائی درجہ حرارت ہے۔ اس کے علاوہ چترال میں 32، دیر میں 36، کالام میں 27 جبکہ مالم جبہ میں 25 ڈگری سینٹی گریڈ درجہ حرارت ریکارڈ کیا گیا ہے۔
محکمہ موسمیات نے شہریوں کو مشورہ دیا ہے کہ وہ شدید گرمی، تیز ہواؤں اور ممکنہ بارشوں کے پیش نظر احتیاطی تدابیر اختیار کریں تاکہ کسی بھی ممکنہ صورتحال سے بچا جا سکے۔
.ذریعہ: Express News
کلیدی لفظ: کا امکان
پڑھیں:
محکمہ موسمیات نے بارش کے حوالے سے بڑی پیشگوئی کردی
محکمہ موسمیات نے ملک کے بیشتر اضلاع میں بارش کا امکان ظاہر کیا ہے۔
محکمہ موسمیات کے مطابق آئندہ بارہ گھٹنوں میں خیبرپختونخوا، اسلام آباد، خطہ پوٹھوہار، شمال مشرقی پنجاب، کشمیر اور گلگت بلتستان میں گرج چمک اور آندھی کے ساتھ بارش ہونے کا امکان ہے۔
خاص طور پر بالائی خیبرپختونخوا، پوٹھوہار، کشمیر اور پہاڑی علاقوں میں کہیں کہیں تیز بارش اور ژالہ باری بھی ہو سکتی ہے۔
اسلام آباد اور اس کے گرد و نواح میں گرج چمک کے ساتھ بارش کا امکان ہے اور چند جگہوں پر ژالہ باری بھی متوقع ہے جب کہ راولپنڈی، مری، گلیات، جہلم، اٹک اور چکوال میں بھی بارش کی پیشگوئی کی گئی ہے۔
شمالی پنجاب کے شہروں جیسے لاہور، سیالکوٹ، خوشاب، سرگودھا، نارووال، حافظ آباد، فیصل آباد، منڈی بہاؤالدین، گجرات، قصور اور گوجرانوالہ میں بھی گرج چمک کے ساتھ بارش کا امکان ہے۔
بلوچستان کے جنوبی علاقوں میں آسمان جزوی ابرآلود رہے گا جبکہ سندھ کے ساحلی علاقوں میں بھی کہیں کہیں بارش ہو سکتی ہے۔ خیبرپختونخوا کے دیر، چترال، سوات، کوہستان، شانگلہ اور بٹگرام جیسے علاقوں میں بارش متوقع ہے۔
مانسہرہ، ایبٹ آباد، ہری پور، بونیر، مالاکنڈ، باجوڑ، مہمند، چارسدہ، نوشہرہ، مردان، صوابی، خیبر، اورکزئی، کرم، پشاور، کوہاٹ، ہنگو، کرک اور وزیرستان میں بھی گرج چمک کے ساتھ بارش کا امکان ہے۔
آزاد کشمیر اور گلگت بلتستان میں تیز ہواؤں اور گرج چمک کے ساتھ بارش متوقع ہے۔گزشتہ چوبیس گھنٹوں میں ملک کے بیشتر حصوں میں موسم گرم اور خشک رہا تاہم بالائی خیبرپختونخوا کے کچھ علاقوں میں بارش ہوئی اور کراچی میں ہلکی بوندا باندی ہوئی۔
پاکستان اور قازقستان کا تعلقات مزید مضبوط بنانے کا عزم