عمران خان کا پولی گرافک ٹیسٹ سے انکار ٹرائل سے بچنے کی کوشش ہے. عدالت کا تحریری فیصلہ
اشاعت کی تاریخ: 16th, June 2025 GMT
لاہور(اردوپوائنٹ اخبارتازہ ترین-انٹرنیشنل پریس ایجنسی۔16 جون ۔2025 )انسداد دہشت گردی عدالت لاہور نے سابق وزیراعظم عمران خان کے پولی گرافک اور فوٹو گرامیٹک ٹیسٹ سے متعلق پراسیکیوشن کی درخواست پر تین صفحات پر مشتمل تحریری فیصلہ جاری کر دیا ہے عدالت نے قرار دیا کہ پی ٹی آئی کے بانی چیئرمین کو اپنی بے گناہی ثابت کرنے کے لیے مکمل اور منصفانہ مواقع دیئے گئے تاہم ان کی ضد اور مسلسل انکار کے باعث کوئی نتیجہ حاصل نہ ہو سکا.
(جاری ہے)
عدالت نے اپنے فیصلے میں لکھا کہ ایک عام ملزم کو ایسے ٹیسٹ سے انکار کا موقع نہیں دیا جاتا جبکہ موجودہ ملزم نے نہ صرف ٹیسٹ کروانے سے انکار کیا بلکہ تفتیشی ٹیم سے ملاقات سے بھی گریز کیا، عدالت نے اظہار تعجب کیا کہ ایسی صورتحال میں تفتیش مکمل کیسے کی جا سکتی ہے؟. فیصلے میں کہا گیا کہ عدالت کو یہ محسوس ہوتا ہے کہ عمران خان ان ٹیسٹوں سے انکار کر کے ٹرائل سے بچنے کی کوشش کر رہے ہیں، عدالت نے سابق وزیراعظم کو ٹیسٹ کروانے کے لیے دو مواقع فراہم کیے تھے لیکن دونوں مرتبہ انہوں نے انکار کیا، اس بنیاد پر عدالت نے واضح کیا ہے کہ اب انہیں تیسرا موقع نہیں دیا جائے گا کیونکہ عدالت کو اس حوالے سے کوئی مثبت نتیجہ نکلنے کی امید نہیں ہے. جج منظر علی گل نے فیصلے میں مزید کہا کہ اگرچہ ملزم کے وکیل کی اس بات سے اتفاق ہے کہ عدالت کسی کو زبردستی ٹیسٹ کروانے پر مجبور نہیں کر سکتی لیکن ملزم کا مسلسل انکار تفتیشی عمل میں رکاوٹ ہے، عدالت نے ہدایت دی کہ تفتیشی افسران اس معاملے میں تفتیش کو تکنیکی بنیادوں پر مکمل کریں. دوسری جانب انسداد دہشت گردی عدالت لاہور نے 8 فروری کو ہونے والی پرتشدد ریلی اور ریاست مخالف نعرے بازی کے مقدمے میں پی ٹی آئی راہنماﺅں عالیہ حمزہ، انتظار پنجوتھہ اور فلک ناز بلوچ کی عبوری ضمانتوں کی توثیق کر دی ہے لاہور کی انسداد دہشت گردی عدالت کے جج عرفان حیدر نے درخواست ضمانتوں پر محفوظ شدہ فیصلہ سنایا. پی ٹی آئی راہنماﺅں کی جانب سے ایڈووکیٹ زبیر خالد عدالت میں پیش ہوئے اور موقف اختیار کیا کہ ان کے موکلین بے قصور ہیں اور انہیں جھوٹے مقدمے میں ملوث کیا گیا ہے سماعت کے دوران پولیس کی جانب سے درخواست ضمانتوں پر کارروائی ملتوی کرنے کی استدعا کی گئی تاہم عدالت نے فریقین کے دلائل اور ریکارڈ کا تفصیلی جائزہ لینے کے بعد تینوں ملزمان کی عبوری ضمانتوں کو کنفرم کر دیا.
ذریعہ: UrduPoint
کلیدی لفظ: تلاش کیجئے عدالت نے سے انکار
پڑھیں:
بھارت کیخلاف فیصلہ کن ٹیسٹ سے قبل انگلینڈ کو بڑا دھچکا
لندن:انگلینڈ کو بھارت کے خلاف پانچویں اور فیصلہ کن ٹیسٹ میچ سے قبل بڑا دھچکا لگ گیا۔
انگلش ٹیم کے کپتان بین اسٹوکس دائیں کندھے کی انجری کے باعث میچ سے باہر ہوگئے ہیں۔ دونوں ٹیموں کے درمیان پانچواں ٹیسٹ کل سے لندن کے دی اوول گراؤنڈ میں شروع ہوگا۔
انگلینڈ اینڈ ویلز کرکٹ بورڈ کی جانب سے جاری بیان کے مطابق نائب کپتان اولی پاپ اب پانچویں ٹیسٹ میں ٹیم کی قیادت کریں گے۔
سیریز میں انگلینڈ کو 2-1 کی برتری حاصل ہے اور اب یہ آخری ٹیسٹ سیریز کے فیصلے کا موقع ہوگا۔
Ben Stokes will miss out on the final Test of the series with a right shoulder injury ❌
And we've made four changes to our side ????
بین اسٹوکس اس سیریز میں (سب سے زیادہ) 17 وکٹیں لے چکے ہیں اور 304 رنز بھی بنا چکے ہیں، ٹیم کے اہم ترین کھلاڑیوں میں سے ایک رہے ہیں۔ ان کی غیر موجودگی میں انگلینڈ کو خاصی محنت درکار ہوگی۔
ٹیم میں 4 تبدیلیاں
پانچویں ٹیسٹ کے لیے انگلینڈ نے چار تبدیلیاں کی ہیں:
بین اسٹوکس، جوفرا آرچر، لیام ڈاسن اور برائیڈن کارس کو ٹیم سے ڈراپ کیا گیا ہے، انکی جگہ جیکب بیتھل، گس ایٹکنسن، جیمی اوورٹن اور جوش ٹنگ کو ٹیم میں شامل کیا گیا ہے۔
جیکب بیتھل نمبر 6 پر بیٹنگ کریں گے اور وہ ٹیم کے واحد اسپنر ہوں گے کیونکہ لیام ڈاسن کو باہر کر دیا گیا ہے، جیکب بیتھل آل راؤنڈر کی حیثیت سے کھیلیں گے۔
جوفرا آرچر نے سیریز کے دو میچوں میں 9 وکٹیں حاصل کی تھیں، جبکہ کارس نے چاروں ٹیسٹ میچز میں شرکت کی اور 9 وکٹوں کے ساتھ ساتھ 164 رنز بھی اسکور کیے، جن میں ایک نصف سنچری بھی شامل ہے۔
لیام ڈاسن نے آٹھ سال بعد مانچسٹر میں ٹیسٹ کرکٹ میں واپسی کی تھی لیکن وہ صرف ایک وکٹ لے سکے اور 26 رنز بنائے۔
جوش ٹنگ، جو آخری بار برمنگھم ٹیسٹ میں نظر آئے تھے، اب تک 11 وکٹیں لے چکے ہیں جن کا اوسط 33.63 رہا ہے۔
بھارت کے پاس سیریز برابر کرنے کا موقع
بھارت اولڈ ٹریفورڈ میں کھیلے گئے چوتھے ٹیسٹ کو ڈرا کر کے سیریز میں موجود ہے، اگرچہ وہ سیریز جیتنے سے محروم رہے گا، تاہم پانچواں میچ جیت کر سیریز 2-2 سے برابر کرنے کا موقع رکھتا ہے جو انگلش سرزمین پر عزت بچانے کا آخری موقع ہوگا کیونکہ بھارت نے آخری بار 2007 میں انگلینڈ میں سیریز جیتی تھی۔
دہرے قتل کے معاملے میں اہم پیش رفت، کوئٹہ پولیس نے مقتولہ بانو بی بی کی والدہ کو گرفتار کرلیا