کراچی میں کروڑوں روپے کی بھارتی ساختہ اشیا ضبط، کون کون سے ممنوعہ اشیا شامل ہیں؟
اشاعت کی تاریخ: 16th, June 2025 GMT
کسٹمز حکام نے کراچی موبائل مارکیٹ میں گودام پر چھاپا مارا ہے جس دوران بھارتی ساختہ مختلف موبائل فونز اور دیگر اشیا برآمد ہوئیں۔
حکومت نے بھارتی ساختہ اشیا کی درآمد پر پابندی عائد کی ہوئی ہے، کسٹم حکام اس وقت تفتیش کر رہے ہیں کہ بھارتی ساختہ اشیا کس طرح کراچی پہنچیں۔
صدر کراچی موبائل اینڈ الیکٹرانکس ڈایلرز ایسوسی ایشن محمد منہاج گلفام نے اس چھاپے کے حوالے سے وی نیوز کو بتایا کہ 3 سے ساڑھے 3 کروڑ کا مال کسٹم نے ضبط کیا گیا ہے، ان کا کہنا تھا کہ اس میں ٹیبلٹس، موبائل فونز اور ڈیجیٹل گھڑیوں سمیت دیگر سامان تھا لیکن اس میں تمام مال بھارتی ساختہ نہیں تھا کچھ نان پی ٹی اے سامان تھے۔ ان کا کہنا تھا کسٹم کے مطابق اس میں آدھا مال بھارتی ساختہ تھا۔
یہ بھی پڑھیے: کراچی: ممنوعہ انجیکشن کی فیکٹری پر چھاپہ، 60 لاکھ روپے کا مال ضبط
منہاج گلفام کا کہنا تھا کہ بھارتی مصنوعات پر پاکستان میں فروخت پر پابندی ہے اور اگر ایسے کسی بھی عمل کا ہمیں علم ہوتا تو ہم ضرور قانون نافذ کرنے والے اداروں کو آگاہ کرتے، انکا مزید کہنا تھا کہ مارکیٹ میں کام معمول کے مطابق چل رہا ہے۔
منہاج گلفام کا کہنا ہے کہ کوئی بھی چیز غیر قانونی آرہی ہے یا ڈیوٹی کا مسلئہ ہے تو ان مسائل کو بیٹھ کر حل کیا جائے، جو چیزیں لیگل لائز ہو سکتی ہیں انہیں لیگل لائز کیا جائے، ایک ایسا لائحہ عمل ہو جس سے ملک کی معیشت کو بھی فائدہ ہو اور کاروبار کو بھی فروغ ملے۔
ان کا کہنا ہے کہ ہم بھارت کی مصنوعات کے خلاف ہیں بھارت کی کسی چیز کی یہاں خرید و فروخت نہیں ہونی چاہیے، اس کے علاوہ قانونی طریقے سے ایمپورٹ ہونی چاہیے، ایک ایسا ملک جس سے ہمارے مراسم ٹھیک نہیں جو ہمارے لیے مشکلات کھڑی کرتا ہے اس کے ہم بھی خلاف ہیں۔
یہ بھی پڑھیے: پاکستان کی فضائی، زمینی اور سمندری حدود بھارتی امپورٹ اور ایکسپورٹ کے لیے بند
موبائل مارکیٹ کے تاجر کاشف احمد کا کہنا ہے کہ بھارتی مصنوعات مکمل طور پر یہاں بین ہیں اور ہونی بھی چاہیں، لیکن اس کے باوجود بہت ساری ممنوعہ اشیا براستہ بارڈر آتی ہیں اور پاکستان کے کراچی کے علاوہ دیگر ائیرپورٹس سے ملک میں داخل ہو رہی ہیں۔ ان کا کہنا ہے کہ تمام اداروں کے ناک کے نیچے سے مال مارکیٹ میں پہنچتا ہے اس کے بعد کسٹم آکر چھاپا مار دیتی ہے سوال یہ ہے کہ یہاں تک مال پہنچا ہی کیسے؟
کاشف احمد کا مزید کہنا ہے کہ جس جس کو مل رہا ہے وہ اپنا ہاتھ صاف کرنے میں دیر نہیں لگاتا، یہ سمجھنا ہوگا کہ کون سا کام ملک کے لیے فائدہ مند اور کون سا نقصان دہ ہے، ان چیزوں کے اثرات ان کاروباریوں پر بھی پڑ جاتے ہیں جو ٹھیک کام کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: بھارتی ساختہ کا کہنا ہے کہ ان کا کہنا کہنا تھا
پڑھیں:
پنجاب کا آئندہ مالی سال کا بجٹ تیار، 6 میگا ٹرانسپورٹ منصوبے شامل
سٹی42: پنجاب حکومت نے آئندہ مالی سال 26-2025 کے بجٹ میں ٹرانسپورٹ کے شعبے کیلئے 6 میگا منصوبے شامل کر لیے ہیں۔
ذرائع کے مطابق محکمہ ٹرانسپورٹ کے منصوبوں کے لیے 310 ارب روپے مختص کرنے کا فیصلہ کیا گیا ہے۔لاہور میں عالمی معیار کی ییلو لائن ٹرین کے منصوبے کے لیے 80 ارب روپے مختص کیے جائیں گے، یہ منصوبہ ٹھوکر نیاز بیگ سے ہربنس پورہ تک 24 کلومیٹر طویل ہوگا۔
تہران: رہائشی کمپلیکس پر اسرائیلی حملے میں شہداء کی تعداد 60 ہوگئی,20 بچے بھی شامل
پنجاب کے دیگر اضلاع میں 600 الیکٹرک بسوں اور 33 بس ڈپوز کے لیے 60 ارب روپے رکھے گئے ہیں۔ٹریفک کی جدید نگرانی کیلئے ٹرانسپورٹ کمانڈ اینڈ کنٹرول سینٹر کی تعمیر کا بھی فیصلہ کیا گیا ہے جس کے لیے 5 ارب 60 کروڑ روپے مختص کیے گئے ہیں، اور یہ عمارت دو سال میں مکمل کی جائے گی۔
فیصل آباد میں 120 ارب روپے کی لاگت سے میٹرو بس سروس شروع کرنے کا منصوبہ بھی بجٹ میں شامل ہے جو دسمبر 2026 تک مکمل ہوگا جبکہ گوجرانوالہ میں میٹرو بس سروس کے لیے 30 ارب روپے مختص کیے گئے ہیں اور اس منصوبے کو آئندہ مالی سال کے دوران ہی مکمل کرنے کا ہدف دیا گیا ہے۔
پنجاب حکومت کا آرٹیفیشل انٹیلی جنس سنٹرل میڈیا مانیٹرنگ یونٹ قائم کرنے کا فیصلہ
پچھلے سال کے مقابلے موجودہ بجٹ میں ٹیکس کم کئے، وزیر خزانہ