ہانگ کانگ: ائر انڈیا کا طیارہ بڑے حادثے سے بال بال بچ گیا
اشاعت کی تاریخ: 17th, June 2025 GMT
data-id="863a0a8" data-element_type="widget" data-widget_type="theme-post-content.default">
ہانگ کانگ (انٹرنیشنل ڈیسک) ائرانڈیا کا بوئنگ 787 طیارہ بڑے حادثے سے بال بال بچ گیا اور پائلٹ نے فوری طور پر طیارے کو بحفاظت ہانگ کانگ ائرپورٹ پر اتارلیا۔ بھارتی میڈیا نے کہا کہ دہلی جانے والے بوئنگ 787 ڈریم لائنر کو ٹیک آف کے 30 منٹ بعد ہی اچانک تکنیکی خرابی پیدا ہوئی ، جس کے باعث پرواز اے ایل 315 کو واپس ہانگ کانگ ائرپورٹ پر اتار لیا گیا۔ طیارہ اڑنے کے بعد پائلٹ کو تکنیکی خرابی کا احساس ہوا اور پائلٹ نے فوری طورپر واپس ہانگ کانگ جانے کا فیصلہ کیا۔ یاد رہے گزشتہ ہفتے احمد آباد میں ایئرانڈیا کے بوئنگ 787طیارے کو حادثہ پیش آیا تھا۔
.ذریعہ: Jasarat News
کلیدی لفظ: ہانگ کانگ
پڑھیں:
شہدائے وطن کو سلام،لسبیلہ میں پاک فوج کے ہیلی کاپٹر حادثے کو 3 سال بیت گئے
پاکستانی قوم آج بھی اُن جانباز سپاہیوں کو یاد کرتی ہے جو یکم اگست 2022 کو بلوچستان کے ضلع لسبیلہ میں پاک فوج کے ہیلی کاپٹر حادثے میں شہید ہوئے۔ اس حادثے کو تین برس بیت چکے ہیں، مگر اُن کی قربانیاں آج بھی قوم کے دلوں میں زندہ ہیں۔
پاکستانی تاریخ پاک فوج کی عوام کے لیے دی جانے والی بے لوث خدمات سے بھری پڑی ہے۔ جنگ ہو یا کوئی ناگہانی آفت، پاک فوج نے عوام کو کبھی مایوس نہیں کیا اور نہ ہی تنہا چھوڑا۔ ایسی ہی بے مثال عوامی خدمت کا مظاہرہ 2022 میں ملک میں آنے والے بدترین سیلاب کے دوران بھی دیکھا گیا، جب فوجی جوانوں نے زندگی خطرے میں ڈال کر لوگوں کی مدد کی۔
لیفٹیننٹ جنرل سرفراز علی شہید اُن افسروں میں شامل تھے جو یکم اگست 2022 کو خود لسبیلہ میں امدادی سرگرمیوں کا جائزہ لینے پہنچے تاکہ ریسکیو مشن میں تیزی لائی جاسکے۔ وہ خود اس مشن کی قیادت کر رہے تھے، مگر افسوس کہ خراب موسم کے باعث ہیلی کاپٹر حادثے کا شکار ہو گیا۔
اس افسوسناک حادثے میں لیفٹیننٹ جنرل سرفراز علی، بریگیڈیئر امجد حنیف، بریگیڈیئر محمد خالد، پائلٹ میجر سعید احمد، میجر محمد طلحہ اور نائیک مدثر فیاض جام شہادت نوش کر گئے۔ بریگیڈیئر امجد حنیف شہید کو حادثے سے کچھ عرصہ قبل ہی میجر جنرل کے عہدے پر ترقی دی گئی تھی۔
یہ حادثہ نہ صرف فوج بلکہ پوری قوم کے لیے ایک ناقابلِ فراموش دکھ کا لمحہ تھا۔ ہر آنکھ اشک بار تھی اور ملک کی فضا کئی دن تک سوگوار رہی۔
لیفٹیننٹ جنرل سرفراز علی شہید ایک انتہائی پروفیشنل اور باصلاحیت افسر تھے، جنہوں نے پاک فوج میں مختلف اہم عہدوں پر خدمات انجام دیں۔ نومبر 2020 میں انہیں تھری اسٹار جنرل کے عہدے پر ترقی دی گئی، اور دسمبر 2020 میں وہ کور کمانڈر کوئٹہ تعینات ہوئے۔
یہ عظیم شہداء اس بات کی روشن مثال ہیں کہ پاک فوج ہمیشہ ملک و قوم کی ہر مشکل گھڑی میں ہر ممکن مدد کے لیے تیار رہی ہے اور رہے گی، اور کسی بھی قربانی سے کبھی دریغ نہیں کرے گی۔
"ایک اہم صوبائی عہدےدار ڈیرہ اسماعیل خان میں طالبان کو کتنے پیسے ہر ماہ دیتا ہے ؟"وزیرداخلہ محسن نقوی کا ٹوئیٹ، سوال اٹھا دیا