کن علاقوں کے افراد کو بھوک کا عفریت نگلنے والا ہے؟
اشاعت کی تاریخ: 17th, June 2025 GMT
دنیا میں بھوک سے متاثرہ 5 علاقوں میں لوگوں کو جان لیوا قحط کا خطرہ لاحق ہے جس پر قابو پانے کے لیے ہنگامی بنیادوں پر امدادی اقدامات کے ساتھ جنگوں کو روکنے اور نقل مکانی کی وجوہات کا خاتمہ کرنے کی ضرورت ہے۔
یہ بھی پڑھیں: غزہ دنیا کا ’سب سے بھوکا علاقہ‘ قرار، اقوام متحدہ کا انتباہ
اقوام متحدہ کے عالمی پروگرام برائے خوراک (ڈبلیو ایف پی) اور ادارہ خوراک و زراعت (ایف اے او) کی مشترکہ رپورٹ میں بتایا گیا ہے کہ سوڈان، فلسطین، جنوبی سوڈان، ہیٹی اور مالی کو بھوک کا شدید بحران درپیش ہے جہاں بڑی تعداد میں لوگوں کو قحط کے خطرے کا سامنا ہے۔ رسائی میں حائل رکاوٹوں اور امداد کی قلت کے باعث یہ بحران بگڑتے جا رہے ہیں۔
یہ رپورٹ خوراک کے بگڑتے بحران کے حوالے سے آئندہ 5 ماہ کے لیے پیشگوئی پر مبنی اور بروقت انتباہ کی حیثیت رکھتی ہے۔ اسے یورپی یونین کی مالی مدد سے ’غذائی بحرانوں کے خلاف عالمگیر نیٹ ورک‘ کے ذریعے شائع کیا گیا ہے جس میں 13 ممالک اور علاقوں میں شدید غذائی عدم تحفظ کی صورتحال بیان کی گئی ہے جو آئندہ مہینوں میں ممکنہ طور پر بھوک کے بدترین بحران کا سامنا کریں گے۔
لاکھوں لوگوں کے لیے ہنگامی مسئلہرپورٹ میں بتایا گیا ہے کہ مذکورہ بالا پانچوں ممالک کے علاوہ یمن، جمہوریہ کانگو، میانمار اور نائجیریا میں بھی بھوک کا بحران شدت اختیار کرنے کا خدشہ ہے جہاں لوگوں کی زندگیوں اور روزگارکو تحفظ دینے کے لیے ہنگامی اقدامات کی ضرورت ہے۔ دیگر ممالک میں برکینا فاسو، چاڈ، شام اور صومالیہ شامل ہیں۔
ایف اے او کے ڈائریکٹر جنرل کو ڈونگ یو نے کہا ہے کہ بھوک لاکھوں لوگوں کے لیے ایسا ہنگامی مسئلہ بن گئی ہے جس کا انہیں روزانہ سامنا ہوتا ہے۔ اس پر قابو پانے کے لیے سب ہی کو متحد ہو کر فوری اقدامات کرنے ہوں گے۔ اس ضمن میں لوگوں کے کھیتوں اور مویشیوں کو تحفظ دینا ہو گا تاکہ وہ مشکل اور سخت ترین ماحول میں بھی خوراک پیدا کر سکیں۔
مزید پڑھیے: فلسطینیوں کو بھوکا مارنے پر فرانس کی اسرائیل پر پابندیاں عائد کرنے کی دھمکی
ڈبلیو ایف پی کی ایگزیکٹو ڈائریکٹر سنڈی مکین نے کہا ہے کہ یہ رپورٹ ایک کڑا انتباہ ہے۔ بھوک پھیلنا ڈھکی چھپی بات نہیں اور سبھی جانتے ہیں کہ کون لوگ اس سے متاثر ہو رہے ہیں۔ دنیا کے پاس اس مسئلے پر قابو پانے کے لیے درکار ذرائع اور تجربہ موجود ہیں لیکن مالی وسائل اور رسائی کی عدم موجودگی میں زندگیوں کو تحفظ نہیں دیا جا سکتا۔ مزید تباہ کن بھوک کو روکنے کی گنجائش تیزی سے ختم ہوتی جا رہی ہے اور ایسے حالات میں پائیدار سرمایہ کاری، غذائی امداد اور بحالی میں مدد دینا بہت ضروری ہے۔
تباہ کن بھوک کا شکار ممالکسوڈان میں گزشتہ سال قحط کی تصدیق ہوئی تھی۔ ملک میں جاری جنگ اور نقل مکانی کے باعث آئندہ مہینوں میں یہ صورتحال جاری رہنے کا خدشہ ہے۔
بالخصوص کردفان اور ڈارفر کے خطوں میں حالات کہیں زیادہ مخدوش ہیں۔ ملک کے معاشی انہدام کا خطرہ بھی بڑھتا جا رہا ہے جبکہ مہنگائی کے باعث خوراک تک لوگوں کی رسائی میں متواتر کمی آ رہی ہے۔
مزید پڑھیں: غزہ میں بدترین بھوک کا راج، کچھ نہیں بچا جسے بیچ کر کھانا لیا جاسکے، اقوام متحدہ
مئی میں 2 کروڑ 46 لاکھ لوگوں کے بحرانی درجے کی بھوک کا شکار ہونے کے بارے میں بتایا گیا تھا جبکہ 6 لاکھ 37 ہزار کو تباہ کن درجے کی بھوک کا سامنا تھا۔
غزہغزہ میں قحط پھیلنے کا خطرہ بڑھ رہا ہے جہاں اسرائیلی فوج کی کارروائی کے نتیجے میں لوگوں کو غذائی و غیرغذائی امداد فراہم کرنے کی کوششوں میں رکاوٹیں درپیش ہیں۔
خوراک کی انتہائی بلند قیمتوں اور تجارتی سامان کی آمد پر پابندی نے اس بحران کو اور بھی شدید بنا دیا ہے۔ ستمبر تک غزہ کی تمام 21 لاکھ آبادی کو بحرانی یا شدید درجے کی بھوک کا سامنا ہو سکتا ہے جبکہ 4 لاکھ 70 ہزار لوگوں کے تباہ کن بھوک کا شکار ہونے کا خطرہ موجود ہے۔
جنوبی سوڈانجنوبی سوڈان میں تقریباً 77 لاکھ لوگوں یا 57 فیصد آبادی کو جولائی تک شدید درجے کی غذائی قلت کا سامنا ہو سکتا ہے جبکہ 63 ہزار لوگ تباہ کن بھوک کے دھانے پر ہیں اور ملک کے دو علاقوں میں قحط پھیلنے کا خطرہ ہے۔
ہیٹی میں جرائم پیشہ مسلح جتھوں کے تشدد اور عدم تحفط کے نتیجے میں لوگوں کی بڑی تعداد اپنے گھروں اور علاقوں سے نقل مکانی کر رہی ہے جہاں دارالحکومت پورٹ او پرنس میں اندرون ملک بے گھر ہونے والے 8،400 لوگوں کو تباہ کن درجے کی بھوک کا سامنا ہے۔
مالیافریقی ملک مالی میں اناج کی بلند ہوئی قیمتوں اور مسلح تنازع کے نتیجے میں لوگوں کو بڑھتی ہوئی بھوک کا سامنا ہے۔ اگست تک 2،600 لوگوں کے لیے تباہ کن درجے کی بھوک کا خدشہ ظاہر کیا گیا ہے۔
خانہ جنگی، نقل مکانی اور مہنگائیجمہوریہ کانگو کو دوسری مرتبہ اس فہرست میں شامل کیا گیا ہے جہاں حالیہ مہینوں کے دوران سرکاری فوج اور باغی گروہوں کے مابین لڑائی میں شدت آ چکی ہے۔
یہ بھی پڑھیے: خانہ جنگی نے سوڈان کو قحط کے منہ میں دھکیل دیا
ایتھوپیا، کینیا، لبنان، لیسوتھو، ملاوی، موزمبیق، نمیبیا، نیجر، زیمبیا اور زمبابوے ایسے ممالک کی فہرست سے نکل گئے ہیں جنہیں آئندہ مہینوں میں بھوک کے شدید بحران کا سامنا ہو سکتا ہے۔ جنوبی اور مشرقی افریقہ بشمول نیجر میں بہتر موسمیاتی حالات کے نتیجے میں غذائی تحفظ پر دباؤ میں کمی آئی ہے۔ تاہم دونوں اداروں نے متنبہ کیا ہےکہ یہ حالات منفی طور پر تبدیل بھی ہو سکتے ہیں۔
رپورٹ کے مطابق میانمار میں حالیہ زلزلوں کے نتیجے میں غذائی عدم تحفظ کی صورتحال مزید بڑھنے کا خدشہ ہے جبکہ خانہ جنگی، بڑے پیمانے پر نقل مکانی، کڑی پابندیوں اور بلند قیمتوں کے باعث خوراک تک لوگوں کی رسائی محدود ہو رہی ہے۔
مزید پڑھیں: دنیا میں 7 کروڑ سے زائد افراد جان بچانے کے لیے نقل مکانی پر مجبور
بھوک سے متاثرہ بہت سے ممالک میں امداد کی فراہمی کو عدم تحفظ، افسرشاہی کی رکاوٹوں یا رسائی کے مسائل کا سامنا ہے۔ وسائل کی قلت کے باعث بہت سی جگہوں پر لوگوں کو دی جانے والی غذائی امداد، غذائیت کی فراہمی اور زرعی شعبے میں مہیا کی جانے والی مدد میں بھی کمی آ گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھوک بھوک سے دوچار ممالک سوڈان غزہ قحط زدہ علاقے.ذریعہ: WE News
کلیدی لفظ: بھوک سوڈان قحط زدہ علاقے درجے کی بھوک کا بھوک کا سامنا کے نتیجے میں میں لوگوں کو کا سامنا ہے نقل مکانی سامنا ہو لوگوں کی لوگوں کے کا خدشہ ہے جہاں کے باعث کا خطرہ ہے جبکہ رہی ہے کے لیے گیا ہے
پڑھیں:
موٹاپے سے ذیابیطن ،ہائی بلڈپریشر ،قلب و جگر کے امراض بڑھ رہے ہیں
data-id="863a0a8" data-element_type="widget" data-widget_type="theme-post-content.default">
250616-01-13
کراچی (رپورٹ:منیر عقیل انصاری) موٹاپے سے ذیابیطس‘ ہائی بلڈ پریشر‘ قلب و جگر کے امراض بڑھ رہے ہیں ‘ خواتین میں ہڈیوں، جوڑوں ،بریسٹ، بچہ دانی میں بیماریوں کے امکانات بھی بڑھ جاتے ہیں‘ خون کی رگوں میں کولیسٹرول کی تہہ جم جاتی ہے‘جنک فوڈکھانے اور ورزش نہ کرنے نے مسائل کو سنگین کیا، شعبہ صحت دبائو کا شکار ہے۔ان خیالات کا اظہار انڈس اسپتال کے چیف ایگزیکٹو آفیسر (سی ای او) اور ہیلتھ نیٹ ورک کے صدر پروفیسر ڈاکٹر عبدالباری خان، پریمیم انٹرنیشنل اسپتال اسلام آباد کے چیف ایگزیکٹو آفیسر (سی ای او)، گلوبل ینگ اکیڈمی کے ممبر ڈاکٹر محمد قاسم، نیشنل انسٹیٹیوٹ آف ہیلتھ (NIH) سے وابستہ پبلک ہیلتھ کے ماہر ڈاکٹر ممتاز علی خان، معروف معالج پروفیسر رئوف نیازی، پمز اسلام آباد سے وابستہ ڈاکٹر محمد علی عارف اور معروف ریمیٹولوجسٹ، کنسلٹنٹ اور فزیشن ڈاکٹر ارشد علی بھٹو نے جسارت کے اس سوال کے جواب میں کیا کہ’’موٹاپے کے نقصانات کیا ہیں؟ ڈاکٹر عبدالباری خان کا کہنا ہے کہ پاکستان میں موٹاپے کی بڑھتی شرح ایک خطرناک صورتحال اختیار کر چکی ہے، عالمی ادارہ صحت کے مطابق پاکستان میں آدھی سے زیادہ آبادی موٹاپے کا شکار ہے، 72 فیصد لوگ زیادہ وزن،58 فیصد لوگ موٹاپے کا شکار ہیں اور یہ شرح روز بروز بڑھتی جا رہی ہے ،جنک فوڈ کا بڑھتا ہوا رجحان، خراب طرزِ زندگی، سستی و کاہلی کے باعث موٹاپا اپنی جڑیں مضبوط کرتا جا رہا ہے ‘ بیماریوں کی شرح میں اضافے کی بنیادی وجہ یہی موٹاپا ہے‘ پاکستان میں ہر تیسرے شخص کے جگر پر چربی ہے خواتین موٹاپے کے باعث کم عمری میں ہی ہڈیوں، جوڑوں کے مسائل کا شکار ہو جاتی ہیں شوگر، بلڈ پریشر، دل کے امراض، ہائی کولیسٹرول عام بیماریاں بن چکی ہیں‘ موٹاپا صرف وزن کے جمع ہونے یا آپ کے بہترین نظر آنے کے بارے میں نہیں ہے‘ یہ جسم میں چربی کے جمع ہونے کی ایک سنگین حالت ہے جس سے ذیابیطس، کولیسٹرول، بلڈ پریشر اور یہاں تک کہ کینسر جیسی دائمی بیماریوں کا خطرہ بڑھ سکتا ہے جو کھانا ہم کھاتے ہیں وہ ہمیں اپنی صحت کے لیے ضروری غذائی اجزا اور توانائی کے لیے کیلوریز فراہم کرتا ہے۔ اضافی کیلوریز، جسے ہمارا جسم جلا نہیں سکتا، چربی میں بدل جاتا ہے اور ذخیرہ ہوجاتا ہے۔ اگر آپ کا باڈی ماس انڈیکس (BMI) 30 سے زیادہ ہے تو آپ کو موٹاپا سمجھا جاتا ہے۔موٹاپے کا سبب بننے والے بہت سے عوامل ہیں۔ اس کی بنیادی وجہ خوراک اور استعمال کا عدم توازن ہے، اس کے علاوہ عمر، جنس، جینز، ہارمونز، تناؤ وغیرہ جیسے عوامل موٹاپے میں اہم کردار ادا کرتے ہیں‘ جدید دور کی زیادہ تر غذاوں میں فاسٹ فوڈ اور زیادہ کیلوری والے مشروبات شامل ہیں۔ ڈاکٹر محمد قاسم کا کہنا ہے کہ موٹاپا انسان کی صحت کو تباہ کرتے ہوئے زندگی کو مشکل بنا دیتا ہے‘ موٹاپا شوگر کی بیماری کی سب سے بڑی وجہ ہے‘ ضرورت سے زیادہ خوراک کے استعمال اور ورزش کی کمی سے جسم کی انسولین کی ضرورت بڑھتی ہے۔ جب لبلبہ یہ بڑھی ہوئی ضرورت پوری نہیں کر پاتا تو نتیجہ شوگر کی بیماری کی صورت میں نکلتا ہے‘ آج کل تو موٹاپے کی وجہ سے جواں سال لوگوں میں بھی شوگر کی بیماری عام ہوتی جا رہی ہے‘ موٹاپے کی وجہ سے خون کی رگوں میں کولیسٹرول کی تہہ جم جاتی ہے‘ اس سے خون کی رگیں تنگ ہوتی ہیں اور ان میں خون کا پریشر بڑھ جاتا ہے۔ اس مسئلے کو عرف عام میں بلڈ پریشر کی بیماری کہا جاتا ہے۔ بلڈ پریشر کی بیماری ایک خطرناک بیماری ہے جو ہارٹ اٹیک ، فالج ، گردوں کی خرابی سمیت کئی دیگر جان لیوا چیزوں کی جڑ بن سکتی ہے چونکہ جسم اضافی خوراک کو چربی کی صورت میں ذخیرہ کرتا ہے، اس لئے خون میں بھی چربی کے مختلف اجزا بڑھ جاتے ہیں‘ انہی اجزا میں سے ایک کولیسٹرول ہے جو خون کی رگوں کے لیے بہت نقصان دہ ہے‘ کولیسٹرول کی زیادتی بھی بلڈ پریشر، ہارٹ اٹیک اور فالج جیسی چیزوں کا خطرہ بڑھا دیتی ہے‘ انسان کو انجائنا اور ہارٹ اٹیک کا خطرہ لاحق رہتا ہے‘ موٹے لوگوں میں جوڑوں پر دباؤ پڑنے سے جوڑوں کی سطح گھسنے لگتی ہے۔ اس کے نتیجے میں انسان کم عمر میں ہی جوڑوں کی بیماری یا آرتھرائٹس کا شکار ہو جاتا ہے‘ پیٹ کے آگے نکلنے سے کمر کا خم بڑھ جاتا ہے‘ اس سے مہروں پر دباؤآتا ہے اور حرام مغز سے نکلنے والے اعصاب ہڈیوں کے درمیان پچک سکتے ہیں۔ اس مسئلے کی علامات میں ٹانگوں کا سن ہونا ، ہلنے جلنے میں تکلیف اور پٹھوں کی کمزوری شامل ہیں‘ جدید ریسرچ کے مطابق موٹاپا آنتوں ، خوراک کی نالی، گردے اور لبلبے کے کینسر کے امکانات بڑھاتا ہے‘ اس کے علاوہ خواتین میں موٹاپے کے باعث بریسٹ کینسر، بچہ دانی اور بیضہ دانی کے کینسر کے امکانات بھی بڑھ جاتے ہیں‘ موٹاپا نہ صرف ظاہری شخصیت کو تباہ کردیتا ہے بلکہ یہ امراض کی جڑ بھی ثابت ہوتا ہے‘ نوجوان نسل اور بچوں میں موٹاپے کے بڑھتے ہوئے رجحان کی وجہ غیر صحت بخش خوراک اور ورزش کی کمی ہے‘ پاکستان کی نئی نسل میں موٹاپا تیزی سے پھیل رہا ہے‘ صحت مند زندگی گزارنے اور مستقبل میں مہلک امراض سے محفوظ رہنے کے لیے ضروری ہے کہ سادہ اور متوازن خوراک استعمال کریں‘ سادہ طرز زندگی اپنائیں‘ ہلکی پھلکی ورزش کو اپنے روزمرہ کے معمول کا حصہ بنائیں۔ ڈاکٹر ممتاز علی خان کے مطابق موٹاپے اور غیر صحت بخش عادات کی وجہ سے پاکستانی قوم عمر سے پہلے بوڑھی ہو رہی ہے۔بطور ماہر امراض اطفال انہوں نے بچوں میں بڑھتے ہوئے موٹاپے پر شدید تشویش ظاہر کرتے ہوئے کہا کہ اس کی بڑی وجوہات میں اسکرین ایڈکشن، جنک فوڈ اور جسمانی سرگرمیوں کی کمی شامل ہیں‘ اکثر موٹے بچوں کو صحت مند سمجھتے ہیں، جو کہ ایک خطرناک سوچ ہے۔ پروفیسر رئوف نیازی کے مطابق موٹاپا پاکستان کی معیشت پر خاموشی سے ایک تباہ کن بوجھ بنتا جا رہا ہے، جو فی الوقت سالانہ 3 ارب41 کروڑ ڈالر یعنی 950 ارب روپے سے زاید کا نقصان پہنچا رہا ہے، اور اگر فوری اقدامات نہ کیے گئے تو 2030ء تک یہ بوجھ بڑھ کر 7.6 ارب ڈالر یعنی 2.13 کھرب روپے تک پہنچ سکتا ہے، موٹاپا صرف انفرادی صحت کا مسئلہ نہیں ہے بلکہ ایک قومی صحت ایمرجنسی اور معیشت کے لیے ایک بڑا خطرہ بن چکا ہے، موٹاپے سے متعلق پیچیدگیوں کی وجہ سے سرکاری و نجی شعبے میں علاج معالجے پر بڑھتا ہوا خرچ، ملازمتوں سے غیر حاضری، کام کی پیداوار میں کمی اور وقت سے پہلے اموات معیشت کو شدید نقصان پہنچا رہی ہیں، امراض کا براہ راست تعلق موٹاپے سے ہے اور یہ بیماریاں قومی وسائل کو چاٹ رہی ہیں‘ 70 سے 80 فیصد پاکستانی افراد بشمول بچے اب زاید الوزن یا موٹاپے کا شکار ہیں جس کی بڑی وجہ کاربوہائیڈریٹس سے بھرپور خوراک، جنک فوڈ، میٹھے مشروبات اور بیٹھے بیٹھے گزارا جانے والا طرز زندگی ہے۔ پروفیسر نیازی کا مشورہ تھا کہ سادہ طرز زندگی اپنانے کی ضرورت ہے، جیسا کہ پیغمبر اسلام صلی اللہ علیہ وآلہ وسلم کی سیرت سے ملتا ہے، جنہوں نے متوازن خوراک، باقاعدہ چہل قدمی، تیراکی اور جسمانی مشقت کو زندگی کا حصہ بنایا۔ ڈاکٹر محمد علی عارف کا کہنا ہے کہ سفید چینی، بیکری اشیا، میٹھے مشروبات اور پراسیسڈ خوراک پر بھاری ٹیکس عاید کیے جانے چاہئیں کیونکہ یہ خوراک کی بنیادی ضرورت نہیں ہے بلکہ مہلک عادت بن چکی ہیں‘ موٹاپے سے متعلق عوام میں آگاہی، رویوں میں تبدیلی اور طرز زندگی میں اصلاح کے لیے منصوبہ بندی کی جائے۔ڈاکٹر ارشد علی بھٹو کا کہنا ہے کہ آج کے دور میں موٹاپا صرف ایک ظاہری مسئلہ نہیں رہا بلکہ یہ ایک جان لیوا بیماری کی شکل اختیار کر چکا ہے‘ موٹاپا ایک خاموش قاتل ہے‘ موٹاپے کے نقصانات میں ہائی بلڈ پریشر، شوگر (ٹائپ 2 ذیابیطس)، دل کے امراض، جوڑوں میں درد اور گھٹنوں کا خراب ہونا، نیند کی کمی اور خراٹے، بانجھ پن (Infertility)کچھ اقسام کے کینسرز کا خطرہ ،خود اعتمادی کی کمی شامل ہے، یاد رکھیں جسم کا ہر اضافی کلو، آپ کے دل، گردوں، جوڑوں اور دماغ پر اضافی بوجھ ہے‘ صحت مند رہنے کے لیے روزانہ کم از کم 30 منٹ تیز واک کریں‘ میٹھے اور کولڈ ڈرنک سے پرہیز کریں ، چکنی اور فاسٹ فوڈ چھوڑ دیں، زیادہ پانی پئیں، چھوٹے نوالے کیساتھ آہستہ کھائیں، نیند پوری کریں (7-8 گھنٹے) ذہنی دباؤ کم کریں ڈاکٹر یا ڈائٹ یشین سے مشورہ ضرور لیں ۔
برطانیہ اور اس کے اتحادی ممالک نے اسرائیلی وزرا پر پابندیاں عائد کردیں