شمالی کوریا کے ہزاروں فوجی روس کیوں بھیجے گئے؟
اشاعت کی تاریخ: 18th, June 2025 GMT
شمالی کوریا نے روس کے لیے 6,000 فوجی ورکرز اور سَیپرز روانہ کرنے کا اعلان کیا ہے۔
روس کے سیکیورٹی کونسل کے سیکریٹری سرگئی شوئگو نے پیانگ یانگ میں اس بات کی تصدیق کی کہ شمالی کوریا روس کے علاقے کورسک میں تعمیراتی کاموں اور بارودی مواد صاف کرنے میں مدد دے گا۔
یہ بھی پڑھیں:شمالی کوریا کا متعدد قسم کے بیلسٹک میزائلوں کا تجربہ
اس منصوبے کے تحت 1,000 سَیپرز مائنوں کو ہٹانے میں مصروف ہوں گے جبکہ 5,000 فوجی تعمیراتی کارکن تباہ شدہ عمارتوں اور انفراسٹرکچر کی بحالی پر کام کریں گے۔
یہ اقدام دونوں ممالک کے درمیان گزشتہ سال طے پانے والے اسٹریٹجک معاہدے کے تحت سامنے آیا ہے جس کا مقصد باہمی فوجی اور اقتصادی تعاون کو فروغ دینا ہے۔
کورسک میں جاری جھڑپوں اور بمباری میں شمالی کوریا کے تقریباً 6,000 فوجیوں کے زخمی یا ہلاک ہونے کی اطلاعات بھی سامنے آئی ہیں۔ روسی حکام نے ان فوجیوں کی یاد میں یادگاریں تعمیر کرنے کا بھی اعلان کیا ہے۔
یہ بھی پڑھیں:شمالی کوریا کے جنوبی کوریا پر انوکھے طرز کے حملوں میں اضافہ
دوسری طرف امریکا، جاپان اور جنوبی کوریا نے اس تعاون پر خدشات کا اظہار کیا ہے۔ ان کا کہنا ہے کہ یہ اقدام اقوام متحدہ کی قراردادوں کی ممکنہ خلاف ورزی ہے اور اس کے ذریعے شمالی کوریا کو عسکری ٹیکنالوجی یا مالی امداد حاصل ہو سکتی ہے۔
مغربی ممالک اس پیشرفت پر گہری نظر رکھے ہوئے ہیں کیونکہ یہ بین الاقوامی سطح پر طاقت کے توازن کو متاثر کر سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا جاپان روس سپاہی شمالی کوریا.ذریعہ: WE News
کلیدی لفظ: امریکا جاپان سپاہی شمالی کوریا شمالی کوریا
پڑھیں:
خیبر پختونخوا، سکیورٹی فورسز کے آپریشنز میں 5 دہشتگرد ہلاک
آئی ایس پی آر) کے مطابق سکیورٹی فورسز نے خفیہ اطلاع پر کے پی میں 2 مختلف آپریشن کیے، جہاں ایک آپریشن شمالی وزیرستان اور دوسرا پشاور میں کیا گیا۔ اسلام ٹائمز۔ خیبر پختونخوا میں سکیورٹی فورسز کے 2 مختلف آپریشنز میں 5 خوارج مارے گئے۔ پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے خفیہ اطلاع پر کے پی میں 2 مختلف آپریشن کیے، جہاں ایک آپریشن شمالی وزیرستان اور دوسرا پشاور میں کیا گیا۔ آئی ایس پی آر نے بتایا کہ سکیورٹی فورسز کے 2 مختلف آپریشنز کے نتیجے میں 5 بھارتی حمایت یافتہ خوارج ہلاک کردیے گئے جن میں سے ایک شمالی وزیرستان میں ہلاک کیا گیا۔ آئی ایس پی آر کے مطابق آپریشن کے دوران سکیورٹی فورسز نے خوارج کے ٹھکانوں پر مؤثر کارروائی کی، ہلاک ہونے والے خوارج دہشتگردی کی کئی کارروائیوں میں ملوث تھے۔ آئی ایس پی آر کے مطابق مارے گئے خوارجیوں میں حارث اور بصیر بھی شامل تھے، بھارتی حمایت یافتہ خوارجیوں سے اسلحہ و گولہ بارود برآمد کیا گیا ہے۔
ایئر انڈیا کا طیارہ احمد آباد ایئرپورٹ کے قریب حادثے کا شکار