علامہ شبیر میثمی کا دورہ کوئٹہ، علامہ جمعہ اسدی سے ملاقات
اشاعت کی تاریخ: 18th, June 2025 GMT
کوئٹہ میں اپنے دورے کے موقع پر علامہ شبیر میثمی علمدار روڈ پر واقع جامعہ امام صادق علیہ السلام پہنچے، جہاں انہوں نے علماء کرام اور طلباء سے خطاب کیا۔ اسلام ٹائمز۔ شیعہ علماء کونسل کے مرکزی سیکرٹری جنرل علامہ ڈاکٹر شبیر حسن میثمی نے جامعہ امام صادق علیہ السلام کوئٹہ کے پرنسپل علامہ محمد جمعہ اسدی اور دیگر علماء سے ملاقات کی۔ کوئٹہ میں اپنے دورے کے موقع پر علامہ شبیر میثمی علمدار روڈ پر واقع جامعہ امام صادق علیہ السلام پہنچے۔ جہاں علامہ جمعہ اسدی و دیگر نے انکا استقبال کیا۔ علامہ شبیر میثمی نے جامعہ کے طلباء سے اہم خطاب کرتے ہوئے کہا کہ غیبت امام (عج) کے زمانے میں ہم سب منتظر ہیں، اس لئے طلباء کی ذمہ داریوں میں سب سے اہم ذمہ داری تقوی الٰہی کے بعد نظم و ضبط کے ساتھ معاشرے کی اصلاح کی تگ و دو کرنا ہے۔ مولائے متقیان امیر المومنین علی ابن ابی طالب علیہ السلام نے بھی فرمایا تقوی الٰہی اختیار کریں اور اپنے امور میں نظم و ضبط پیدا کریں۔ انہوں نے مزید کہا کہ پوری دنیا میں صرف اہلبیت علیہم السلام کے پیروکاران ہی صیہونی ریاست سے مقابلہ کر رہے ہیں۔ ہزاروں مسلمانوں کے قاتل کو آج سبق سکھانے کا وقت آ پہنچا ہے۔ ہم پاکستانی عوام ایران کے شانہ بشانہ کھڑے تھے، کھڑے ہیں اور رہیں گے۔ علامہ شبیر میثمی نے اس موقع پر تمام علماء کرام بالخصوص علامہ جمعہ اسدی کی محبتوں پر انکا شکریہ ادا کیا، اور دعا کی کہ اللہ تعالٰی مملکت خداداد پاکستان و انقلاب اسلامی کی حفاظت فرمائے۔
.ذریعہ: Islam Times
کلیدی لفظ: علامہ شبیر میثمی علیہ السلام
پڑھیں:
جامعہ ملیہ اسلامیہ میں "کلچرل کنیکٹس اور ڈپلومیٹک ڈائیلاگ" پر ورکشاپ منعقد
پروفیسر مظہر آصف نے صدارتی گفتگو میں کہا کہ ہندوستان زمانہ قدیم سے تہذیبی تکثیریت کا مرکز رہا ہے۔ اسلام ٹائمز۔ جامعہ ملیہ اسلامیہ نے 150ویں یوم تاسیس کے حصے کے طور پر انصاری آڈیٹوریم میں ایک انتہائی اہم پینل مباحثہ منعقد کیا۔ اس مباحثے کا عنوان "کلچرل کنیکٹ، ڈپلومیٹک ڈائیلاگ: دی انڈین وے ان دی ٹوینٹی فرسٹ سنچری" تھا۔ اس پینل میں ممتاز ماہرین نے حصہ لیا۔ پروفیسر محمد مہتاب عالم رضوی نے افتتاحی گفتگو کرتے ہوئے اس پر زور دیا کہ سفارت کبھی بھی اقتدار کی فیتہ شاہی گلیاروں سے نہیں نمودار ہوئی ہے بلکہ مختلف ادوار میں اخلاقیات، تہذیب اور مذہب کی بنیادوں میں پیوست فلسفیانہ تخیل سے برآمد ہوئی ہے۔ انہوں نے پُروثوق انداز میں کہا کہ آج کے منتشر زمانے میں امن کے لئے کلیدی بات سافٹ پاور، ڈائیلاگ اور جذبہ ہمدردی میں پنہاں ہے۔ فیض قدوائی نے جامعہ کی وراثت پر اظہار خیال کرتے ہوئے کہا کہ یہ صرف ایک یونیورسٹی نہیں بلکہ ایک فکر، ہندوستان کی روح کا جیتا جاگتا ترجمان ہے۔ انہوں نے زور دیا کہ تعلیم صرف ذہن و دماغ کو تیز کرنے کا ذریعہ نہیں ہونا چاہیئے کہ اسے دلوں کو بھی منور و مستحکم کرنا چاہیئے۔ انہوں نے ہمت و جرأت، اعتقاد اور یقین کو بنیادی اقدار کے طور پر نشان زد کیا۔
سفیر ویریندر گپتا نے دنیا کے الگ الگ خطوں اور علاقوں سے خیالات و افکار کے لین دین اور انضمام کی ہندوستان کی ثروت مند تاریخ و تہذیب پر روشنی ڈالی اور کہا کہ کس طرح ہندوستانی پکوان، آرٹ، سینیما اور اقدار نے مختلف بر اعظموں میں رابطوں کو فروغ دیا ہے۔ انہوں نے کہا کہ ہندوستان کی تہذیبی بناوٹ ویدوں سے ملی اور افغانستان، فارس، منگولیا وغیرہ سکے مختلف ان کو شامل کیا گیا ہے جس سے فعال مشترکہ وراثت کی ایجاد ہوئی۔ اجلاس کا اختتام کرتے ہوئے وی سری نواس، آئی اے ایس نے جامعہ کو ایک سو پانچ سال مکمل کرنے اور ہندوستان کی ایک اہم ترین ترقی پسند ادارے ہونے پر مبارک باد دی۔ انہوں نے کہا کہ جامعہ ملیہ اسلامیہ نے انسان کو وہ سکھایا جو وہ نہیں جانتا تھا میں پیوست اعلی اصولوں اور جذبے کو مثالی طور پر پورا کیا ہے کیونکہ یونیورسٹی بدستور نئی نسل کے طلبہ کی زندگیوں کو منور کررہی ہے۔
پروفیسر مظہر آصف نے صدارتی گفتگو میں کہا کہ ہندوستان زمانہ قدیم سے تہذیبی تکثیریت کا مرکز رہا ہے۔ آپ کسی بھی مذہب، ذیلی علاقہ و خطہ یا لسانی برادری کا نام لیں اور آپ اسے ہندوستان میں پائیں گے جو ایک ساتھ نشو و نما پارہی ہیں۔ انہوں نے اس بات پر زور دیا کہ ہندوستانی تہذیب و روایت جدید ایجادات نہیں ہیں بلکہ صدیوں پرانی وراثتیں ہے۔ انہوں نے بتایا کہ پچاس سے زائد تہذیبیں جو ہندوستانی تہذیب کی ہم عصر تھیں وہ معدوم ہوگئی ہیں۔ ہندوستان ابھی بھی ترقی کررہا ہے کیوں کہ اس کی تہذیبی اخلاقیات اور اس کی تکثیری و رنگارنگی وراثت کی قوت اور مصالحت کی گہرائی اور طاقت ہے۔
20 ہزار پاکستانی فوجی غزہ بھیجنے کا بھارتی جریدے کا دعویٰ جھوٹانکلا