علی امین گنڈاپور پر فرد جرم کے لیے 2 جولائی کی تاریخ مقرر، وارنٹ گرفتاری منسوخ
اشاعت کی تاریخ: 19th, June 2025 GMT
اسلام آباد کی سیشن عدالت نے خیبرپختونخوا کے وزیراعلیٰ علی امین گنڈاپور کے خلاف 2 مختلف مقدمات میں ناقابل ضمانت وارنٹ گرفتاری منسوخ کرتے ہوئے ایک مقدمے میں فردِ جرم عائد کرنے کے لیے 2 جولائی کی تاریخ مقرر کردی۔
ایڈیشنل ڈسٹرکٹ اینڈ سیشن جج نصر من اللہ بلوچ نے تھانہ گولڑہ میں درج آڈیو لیک کیس کی سماعت کی، جہاں علی امین گنڈاپور کے وکیل راجا ظہور الحسن نے عدالت کو بتایا کہ ان کے مؤکل کو پشاور ہائیکورٹ سے حفاظتی ضمانت حاصل ہو چکی ہے۔
یہ بھی پڑھیں اسلام آباد کی عدالت نے وزیراعلیٰ خیبرپختونخوا علی امین گنڈاپور کو اشتہاری قرار دے دیا
عدالت نے وکیل کے مؤقف کو تسلیم کرتے ہوئے علی امین گنڈاپور کے ناقابل ضمانت وارنٹ گرفتاری منسوخ کردیے اور واضح کیاکہ فردِ جرم عائد کرنے کے لیے ملزم کی حاضری ضروری ہے۔ عدالت نے کارروائی کے لیے 2 جولائی کی تاریخ مقرر کرتے ہوئے سماعت ملتوی کر دی۔
شراب و اسلحہ کیس میں بھی وارنٹ منسوخدوسری جانب جوڈیشل مجسٹریٹ مبشر حسن چشتی نے تھانہ بارہ کہو میں درج شراب اور اسلحہ برآمدگی کیس کی سماعت کی۔ وزیر اعلیٰ کی عدالت میں پیشی کے بعد مسلسل عدم حاضری پر جاری وارنٹ گرفتاری منسوخ کردیے گئے۔
عدالت نے آئندہ کارروائی کے لیے 342 کے سوالنامے پر جواب طلب کیا، جس پر علی امین گنڈاپور نے یقین دہانی کرائی کہ خیبرپختونخوا بجٹ کے بعد عدالت میں جواب جمع کروا دیا جائے گا۔ کیس کی مزید سماعت آئندہ تاریخ تک ملتوی کردی گئی۔
یہ بھی پڑھیں منظور پشتین کی علی امین گنڈاپور کو پشتون قومی عدالت میں شرکت کی دعوت
عدالت کے باہر میڈیا سے گفتگو کرتے ہوئے وزیراعلیٰ خیبرپختونخوا علی امین گنڈاپور نے کہاکہ ان کیسز کی وجہ سے ہمارا قیمتی وقت ضائع ہوتا ہے، پاکستان کا عدالتی نظام جب درست ہوگا، تو ایسے کیسز بھی ختم ہو جائیں گے۔ نظام کی اصلاح کے بغیر ملک ترقی نہیں کر سکتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews علی امین گنڈاپور فرد جرم وارنٹ منسوخ وزیراعلیٰ خیبرپختونخوا وی نیوز.
ذریعہ
ذریعہ: WE News
کلیدی لفظ: علی امین گنڈاپور وارنٹ منسوخ وزیراعلی خیبرپختونخوا وی نیوز وارنٹ گرفتاری منسوخ علی امین گنڈاپور کرتے ہوئے عدالت نے کے لیے
پڑھیں:
خیبرپختونخوا میں لوکل گورنمنٹ کا نیا قانون لاگو، گزٹ نوٹیفکیشن جاری
خیبر پختونخوا میں لوکل گورنمنٹ ترمیمی ایکٹ 2026 کا گزٹ نوٹیفکیشن جاری کردیا گیا، جس کے بعد صوے میں لوکل گورنمنٹ کا نیا قانون لاگو ہوگیا۔
نوٹیفکیشن میں بتایا کہ صوبے میں لوکل گورنمنٹ کا نیا قانون لاگو ہوگیا، نئے قانون کے تحت ہرویلج اور نیبرہڈ کونسل کی آبادی 30 ہزار سے 40 ہزار ہوگی۔
اعلامیے میں کہا گیا کہ ویلج کونسل عملی طور پر یونین کونسل کی حیثیت اختیار کر جائے گی اور نئی حدبندی ڈیجیٹل مردم شماری 2023 کی بنیاد پر ہوگی۔
اعلامیے میں مزید کہا گیا کہ آبادی میں 10 فیصد تک کمی بیشی کی اجازت ہوگی۔
ترمیمی ایکٹ کے مطابق خصوصی حالات میں الیکشن کمیشن صوبائی حکومت سے مشاورت کے بعد اس شرط سے استثنیٰ دے سکے گا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی